بعد الثورة ( صباح الثورة )

صبــــاح الثــــورة

صباح الثورة يا بلدى

يا أرضي وكل أوطاني

رفعت الراية من صغري

عشان تحييني من تانى

رجعت لطينك الدافي

رجعتى تزقي مجدافي

رجعتي ف قلب أحضاني

عروسة يا مصر محروسة

وكل الخلق في الزفة

حلفنا نهد أصنامك

حلفنا نوجه الدفة

تجاه القبلة ف عيونك

حلفنا نرد أمجادك

حلفنا يا مصر لنصونك

ولازم نعدل الكفة

لأول مرة يا بلدى

هقولك شعر من قلبي

لأول مرة يا بلدي

بقول ان انتى تتحبي

واحس ان انتى سمعانى

وشيفانى وشَريانى

زمان كنتى انتى بايعانى

وزبلانى ورميانى

فى ميت ناحية

لاول مرة يابلدى

احسك زيينا صلحية

نول الشهادة شرف

أصل الشهادة حياة

ليه البكا يامّا

ابنك إلهه نداه

إبنك هناك يامّا

عند اللى كان سواه

مدد ونام يا شهيد

دمك مارحش هدر

تبقي الجبال ازاى ؟

من غير رمال أو حجر

انت الاساس واحنا

بنثبت الاوتاد

طول عمرها بلدي

خلفتها بس ولاد

صنم الفساد إتهد

بعد أما كان معبود

وازاى يكون العبد

بين البشر معبود

رغم إنه كان طيار

إلا أنه مفهمشي

شايف بعينه النار

سارحه مبتنمشي

مهما الضلام بيطول

لازم في يوم يمشي

حمل معاك ماضي

اتركلنا بكرة

بكرة النهار هيعود

يبقي الضلام ذكري

يا كتاب تاريخ الوطن

اشطب سطور الآسي

موسي الإله ألهمه

فرعون يموت بالعصا

شمر إيديك وأبتدي

تجمع أيادينا

عادت شموس الوطن

رجعت تنادينا

دوّنت ثورة غضب

هحكيها لولادي

عمر الحقوق ما تضيع

لو بيها بتنادي

نفسي أجيب الصبا

من حيث كان بادي

نفسي أحي العلم

يا بلادي يا بلادي

ندمان عشان قلتها

زى الكلام عادي

كان نفسي احي العلم

بالحب يا بلادي

ورجعت أحب الوطن

ورجعت أقول تانى

يا بلادي يا بلادي

نعم أخى ضياء فالثورة أرجعت حبنا لوطننا
نحن الآن نفتخر بأننا مصريون
أحسنت أيها الشاعر الجميل
خالص ودي

تسلم ايدك يا شاعر نا الهمام
تقبل مرورى واعجابى

تثبت تلك القصيده

تقديراّ للحرف وللشاعر ..

ولى عوده إن شاء الله للحديث عنها ...

الاستاذ الشاعر

ضياء غنيم

عدت متأخراّ قليلاّ .

قصيدتك جميله اخى وتتحدث عن مصر بعد الثوره .

نعم مصر اغيرت تماماّ . ولم تعد التى نسمع عنها من قبل .

كل شيء تغير . حتى طباع البشر إلا قليلاّ .

ولى ملحوظه صغيره اخى :

من بداية القصيده وانت تسير على بحر الهزج حتى قولك :

لاول مرة يابلدى

احسك زيينا صلحية

ثم بعد ذلك غيرت البحر فإستخدمت بحر الموال .

هذا لايعيب القصيده . وإنما كان يجب ان تنوه ولو بخط للإنتقال الى بحر آخر .

ولكن فى المجمل القصيده جميله وخدمت الفكره التى وُضحت فى نصك .

مودتى وتحيتى ..

تم فك التثبيت فى ساعة تاريخه

» الثورة دى جـِدّتى..!!.،تواصل مع الثورة دى بنتنا لمحمود جمعه
» صباح(ية) مبارك (ة)
» *** كل صباح ***
» صباح التحول
» صباح الخير