حدش شاف حنفي

حنفي ِبيدور على حنفي وعشمان يلقاه

سهران الليل نِفسه يشوفه من غير الآه

طول عمره مصاحبه فى مشاويرة

طب يشكي لمين وملوش غيرة

يسمع منه ويرد عليه

كلمة بكلمة . خطوة بخطوة

وأمور وحاجات وقصص وآهات

ومشاكل ياما على اكتافه كلها معناة

علشان كدهه لازم حنفي يرجع يلقاه

آلا المسألة وسعت جداَ ولازمها حكيم

والحكمة يا خلق ما هيش هوجة

وطابور طراطير ركبين موجة

وأمور عوجة ودماغ ناشف

لازم حالاَ !!! كدهه وخلاص

تبقى دي فوضى أو قول كارثة

وسفاين تايها بون مرسى

وبدون قبطان معقوله يا هوه

فيه مركب تمشي بدون قبطان

حنفي هايتجنن م الخبلان

حنفي بيدور على سكة والكل معاه

وبرغم سعادته فقير جداَ . ملونيرملطي

فلسفته غريبة ويقولك عمري ما اوطي

ويقولك طول ما انا متغطي

بفيض الستار القلب عمار

ما يهمش اكل ما يهمش شرب

ولا عيشة ف قصر ولارمح يمين وشمال

وبدام بيجيله النوم وينام مرتاح البال

لا فساد ولا ظلم !! ويكون ف العلم

حنفي حتماَ هايشوف حنفي

ويقول وياه

وأكييد هايعاتبه وهايشاكله

وها يسمع فوراَ لمشاكلة

ما هو أصلة في كل مشاكل غيرة تقول بربنت

ومشاكلة يا عيني مابتهموش وما تشغلهوش

لكن يتمنى الوقت الصعب يفوت

والقوت يوصل للناس بالعدل

من غير تهريج ماهو مؤمن بنظام التدريج

واننا طبقات مش عيب دا الصح

كلنا له دور بالطول والعرض

كلنا دايماَ بنكمل بعض

كمان جايين ما الارض رايحيين للارض

والشاطر فينا يجيب حسنات

وما حدش واخد حاجة معاه

حنفي موجوع قوي ع الشهداء

وكمان فرحان قوي بالثورة

زي الملايين

لكن متردد أو قلقان من كام عِنين

لساهم بيداروا ورقهم

قايدين في مراجل محارقهم

وكمان من ناس

عايزنا نكون مش متفقين

لكن على مين , حنفي صاحي لهم

ومرتب نفسه وواعي لهم

حنفي أخيراَ قابل حنفي وقاعد وياه

انا شفته في ميدان التحرير

و الكل لقاه