شبح المدينة

شبح المدينة

مشرحة بيت الأسد

على جثته ماشيين

والعسس خطوات

بتحدف ظلمها

فوق الرصيف

أشكيف الحلم المتعفرت

بيهنن فيه ضحاياه

مازهقتيش يا حياه

ماشبعتيش

من كتر ماعشتى

جروح ف الأه

والبالطو الناعم جواكى

راكناه ف رعشات البرد

عليكى زحام

ورخام اللحظه

عليكى يشد الحيل خطوات

ف مراكب عمرك

بين شوقها

تتعشى عليه

واللقمه ساعات

بتمرر مر اللحظه سكوت

ملكوت واسع ف ياقوت العين

بيشوف الرؤية

ف ضحك عيال

مولود بيشقشق على صبحه

ويعيش جواه

يرسم ألوان الرحلة طويلة

ف المسافات حكايات

مابقاش بيبات فيها الأسود

ولا لون باهت

والثورة على الهكسوس بانت

ف شموع الصبر

تقيد بالقوة حياه

والدم على الأسفلت

بيحكى طريق جواه

على دمع الفرح

ودمع الجوع

وثبات اللحظة

بينهش كلمة يا مولاى

أنا ليك مش جاى

ولا باحلم

أعزف يوم ع الناى

ف الحزن عليك

أصلك مش لونى ومش لونك

وماتقبليناش

يا فصيلة الدم أخوات

ف بلاش تستنذف

ف رصيدك

أوهام وساعات

العمر خلاص

اتسرسب منك ف وريدك

وخطاب الروح ف هلاك

هاتروح على فين ياحزين

وتدارى الدمع مابين الجفن وننى العين

مابقاش يتمنى يكون منك

ولا طايق تبسيمة سنك

ف بأقولك إيه

إياك تحلم

الحكم عليك

مجنون يستقبل لحظاتك

على نارخوفك

مانتاش انسان

ف بلاش تبكى على الكرسى

السلطة ماتقبلشى جبان

وعيون شياطين الجان

ف الحلقة عليك

بترش السم

رصاص وبارود

الظلم يقول

متعوس ف الذل

يشد الخيط ف الليل

دخان بيعفر روحك

بين الماضى وبين الويل

منديل أسود على وشك

بيحاور فيك

الذات ف الذات الممدودة

جواك كانت بتخبى زمان

الروح الصافيه تباريحها

بتموت على سطر

أنانى الحلم

جمود وسكوت

مخضوض

من بصة وشك فيك

يا كفيف

الشوف جواك هايشوف ازاى

وازاى هاتكون ركبان

والمركب ف المجداف بتعافرفيك

تلويك على صوت الريح

تفاريح تطويح

خطاويك مش ليك

والشوك على سطر

الجرح كاويك

ف النار أسرار

وإن كنت حرقت

زمان فيها

ظلم المماليك

ف اليوم يا حزين

راح تصرخ فيك

وتبوح ف شعاع النور

أوراق الزيف المتبحتر

تكشف بلاويك

والمحضر يكتب بين سينه

مشتاق للجيم

دولاراتك لما تفارف فيك

هاتروح على فين

محتار ف إجابه باينه

ف لون البين

يا زمان الشهد

خلاص وليت

بتموت جواه

لا هو عارف يرجع فيك عنتر

ولا عبله فيوم الحزن

تعيش ف هواه

الابنه الشاعره الجميله

رشا فؤاد

كما قلت سابقاّ. انتى شاعره يأخذك النص كما

يشاء طالما النص يحتمل المزيد من الطرح .

وهنا قد يهرب منك القاريء .

لى عوده ان شاء الله للحديث عن مكامن الابداع

فى قصيدتك الجميله .

تحيتى لحين عودتى ..

الابنه الشاعره الجميله

رشا فؤاد

انتى كتبتى :

والثورة على الهكسوس بانت

ف شموع الصبر

تقيد بالقوة حياه

والدم على الأسفلت

بيحكى طريق جواه

على دمع الفرح

ودمع الجوع
هذا النص بالذات لابد ان نتحدث عن مكامن الابداع

فيه وعن الاسلوب الخاص برشا فؤاد عندما يستفزها

حدث ما . الثوره التى اثارتك اخرجت من عندك

هذا الشعور بالتشفى فى من نهبوا وسيطروا وسادوا

فكانت تلك الابيات التى اقتبستها عاليه .

والثوره على الهكسوس بانت

فى شموع الصبر . الله على قوة التعبير .

إلا ان الشمع يذوب .لكنك إفتعلتى من العدم

حياه وهنا قدرة الشاعر على توصيل الفكره فى

اقل كلمات . كذلك كتبتى :

العمر خلاص

اتسرسب منك ف وريدك

وخطاب الروح ف هلاك

هاتروح على فين ياحزين

وتدارى الدمع مابين الجفن وننى العين

مابقاش يتمنى يكون منك

ولا طايق تبسيمة سنك

ف بأقولك إيه

إياك تحلم
وهنا اسقاط رائع واظن على خطابه اليائس الذى

خرج به علينا ليستعطف الشعب ان يقبله لآخر

فترته الرئاسيه المتبقيه . وكان ردك الحاسم :

اياك تحلم ..

وانتى هنا تجذمى بعد جدوى ما يفعل من استعطاف

رفضه الشعب بإصرار . فى قوله { ارحل }

قصيده مليئه بمكامن ابداع لو تركت لنفسى

العنان سوف نكتب صفحات .

قصيده رغم مانوهت عنه سابقاّ إلا انها تستحق

الحديث عنها . احييك على اصرارك للنجاح .

وتقبلى منى تحيتى وتقديرى ...

يعود هذا النص للتثبيت

حيث انه لم يأخذ حقه كباقى النصوص

وتم فك تثبيته بعد ثلاثة ايام فقط .

يثبت هذا النص

حتى يأخذ حقه . وهذا التثبيت للمره الثانيه

فقد ثبته بالامس وفك الثبيت بالامس .

يثبت للمره الثالثه

بعد ان تم فكه بعد ساعات من التثبيت