يامصر ..دي عين والله قويه= محمد خضر الشريف

يامصر ..دي عين والله قويه= محمد خضر الشريف

يامصر مين اللي حسدك
واداكي عين قويه
يا أم الدنيا ياصابره
طول عمرك والله قويه
المحن بتيجي لحدك
وتقومي منها عفيه

قالوا مظاهرة وقلنا
كويس مظاهرة سلميه
مكناش ابدا نتخيل
هتقلب لشغل بلطجيه
وحلق حوش ياجدع
وامسك لص وحراميه
مخطرش أبدا ببالي
مصر في ايدالمهلبيه
سلب ونهب وسرقه
وناس ظاهره وخفيه

هزيت الصورة ياناهب
دي بلدك ياابن الهفية
ان شاالله تنقطع ايده
سارق تاريخ الأبيه
أنت مش مصري ياسارق
مصر وربي منك بريه
المصري بيخاف ربه
ميخونش بلده ف عشيه
يارب متكسبش واحد
خلط أوراق القضية
قلبها من فكر سامي
وأهو شويتين حريه
لنهب وشغل بلطجيه

يارب يحميكي يامصر
وتبقي شامخة عليه
وينصرك على من عداكي
يامصر ياحره ياأبيه

استاذ محمد خضر الشريف
والله جميله كلماتك البسيطه المعبرة لالالالالابل
لذيذة احيك من قلبى
لك تقديرى

مصر متحسدتش

مصر اتخانت

هذا اخى محمد ليس بحسد

وإنما بعث بعد موت لامة ظننا انها ماتت من زمن .

صحوه اتت بما لم نحلم به يوماّ ما .

اشكرك على حسك الوطنى الرائع اخى محمد .

مودتى وتحيتى ...

نورا طه كتب:: استاذ محمد خضر الشريف
والله جميله كلماتك البسيطه المعبرة لالالالالابل
لذيذة احيك من قلبى
لك تقديرى

********
أشكرك جدا أيتها الشاعرة الرقيقة شعرا، وهي بس مجرد خاطرة عفوية طلعت على السجية، تقديري لتقديرك العذب.

عادل عوض سند كتب:: هذا اخى محمد ليس بحسد

وإنما بعث بعد موت لامة ظننا انها ماتت من زمن .

صحوه اتت بما لم نحلم به يوماّ ما .

اشكرك على حسك الوطنى الرائع اخى محمد .

مودتى وتحيتى ...

**************
ياصديقي الغالي وياحبيبي ذا المقام العالي ا/ عادل
أنا قلت وعبرت في قصيدة "الناس في مصر هتولع" قبل ماتولع فعلا وكانت ارهاصة الشعر التي أصبحت واقعا حيا.. ولكن لما شفت الدنيا صارت سلب ونهب زعلت على بلدي، وشغل الحرامية والبلطجية، فعشان كده قلت" عين قوية" كان نفسي نكون أرقى من كده في التعامل مع القضية العادلة قضية الشعب الثاثر، وليس الشعب السالب.. وشكرا لك ياصديقي على تعقيبك الحلو.

موضوع: اتخانت اه الثلاثاء فبراير 08, 2011 6:10 pm

الشاعرة عزة الزرقانى كتب:: مصر متحسدتش

مصر اتخانت

***********
مصر اتخانت أه، واللي خانوها معروفين اه، لكن بتكلم على اللي حصلنا كده فجأة.. وشكرا أيتها الشاعرة الغيورة الوطنية جدا جدا

مصر برضه عزيزه= محمد خضر الشريف

وقف في حلقي الكلام
والدمعة خنقاني
بيتي مش سايعني
والآهه وجعاني
بهاتي أزعق أقول
ياأهلي ياخلاني
مين ينقذ مصرنا
ويرجعها لينا تاني
يعيد ليها اللي راح
ومجدها السامي
مصر برضه عزيزه
هنتهض من تاني
يحميكي ربي يامصر
من الحاقد والأناني
نفسه تركعي للعدا
ويركب موجه قهراني
واللي بناكي يامصر
في الأصل" حلواني"
كلام بأقوله دايما
في فرحي وأحزاني
حلاكي هواللي باقي
للمبنى والباني

» !قس قذر = شعر: محمد خضر الشريف
» سلامات أخى محمد خضر الشريف
» قصة قصيرة- "صحن فول"!! محمد خضر الشريف
» عراقية !! =شعر: محمد خضر الشريف
» استطلاع رأي = محمد خضر الشريف