الفكاهه بالزجل (للزجال محمد سرور )

ست حفيظه وست عزيزه
منهم يا ابنى اجارك الله
ركبوا معايا لحد الجيزه
واليوم دا لايمكن انساه

وعزيزه عملت ميتانه
وحفيظه قلبتها صوات
مسكت فى هدومى السهتانه
شغلونى فى ثانيه الستات

كان يومها الجيب عمران
وان قابضه لسه الجمعيه
منهم لله النسوان
سرقونى ولاد الحرميه


الزجال
محمد سرور

[center]

الزجال الرائع والأخ الفاضل محمد سرور

ماهذا الجمال

والله دايماً ليك أسلوبك المميز

فى صياعة المشاكل الإجتماعية

بخفة ظل متناهية تحسب لك

جميل جداً

ربنا يديم عليك الإبداع

هههههههههههههههههههه
الشاعر الجميل محمد سرور
سعيد بمرورى على رائعتك الجميلة
بجد موتتنى من الضحك
دمت رائعا
اخوك
محمد رمضان

هههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
ياعم حرام عليك الى انت عاملو فينا ده
ثم تعالى هنا هما دول حد يركب معاهم العربية
المفروض هما الى يدولك فلوس
بجد امتعتنى يا محمد
تيمو

وكمان عارف اساميهم
ومصر تركب جنبيهم
عملوا النمرة عليك
وعنيك جت فى عنيهم
بصت واحدة ليك
وفلوسك بقت بأديهم
وسابوا جناب معاليك
أبكى عليك ولا عليهم
الله ياسرور ما يوريك
مكر النسوان كليهم
هيا الفرخة وانت الديك
والجوع مايرحم حد فيهم

ف الزحمة حرص يا محامى
وابعد عن الستات خالص
دا ف وقفتك أى حرامى
هيقلبك خالص مالص
ههههههههههههههههههههههههههه
تحياتى يا ابو سرور

استاهل ماسمعتش ليه مثل قالوا لى الناس علية
اللى يمشى ورا الستات يستاهل ياما يجرى علية
مره واحدة ماسكة واحدة نازلين فى بعض التلطيش
من قلبى الطيب وحنانى قلت ما يصحش مايجيش
المضروبه طبطبت عليها والضاربه شخط انافيها
اتاريهم كانوا متفقين يشوفونى يقوموا متعاركين
سرقوا منى الالف جنيه واللى يخلص عن الستات
يستاهل ما يجرى علية يشتاهل ما يجرى علية

انت اللى جبت لنا الستات دول منك بقى للة