رسائل من و الى انثى ((( 1 )))

مفتتح عام

زىّ كوبايه كاكولا
عمرها
ما تبل ريق العطشانين .... للحزن

الرساله الاولى

مش ها اسمحلك

مش ها اسمحلك
تخلع دبله
تقطع صوره
ولا ها تبص ف عين الناس بعيون مكسوره
ولا ها اسمحلك
تدعى الرب الاعظم تنسى
حلم فى ايدك
يوم اتمشى على الكورنيش
عاش وياك البوسه / النشوه
وسط الزحمه
من غير خوف
بس اسمحلك
تمسك سن سنين عيشناها
تفقع عين القلب العاشق
ينزف .. حب
يدهن سور سكتنا الباهته
ب الاحلام
لجل ما احس ان انا مرتاحه
وان انا لسه فى قلبك ساكنه
وانك لسه فى عينى حبيب
...............................

رد الرساله الاولى

موعد

زى قزقزه الكابوريا ف ليله بارده
او زى
وشوشه الودع من غير ايمان
كانت عينيكى السهيانين
بتكتب السطر النهائى ف المغامره
حتيتين م التلج سالوا ع الخدود
واللسان بيصب خمره
يسكر القلب اللى عاش الفين سنه
مستنى يوم الاضحيه
قبل المسيح
كان عنتره
بعد المسيح
كان روميو ابن الشكسبير
عاشق اوفليا
وهاملت
ده اللى مش طايق هدومه
غرقان فى شبكة ديدمونه
وعطيل بيجرى فى السبق
عشمان يجيب كام الف ناقه لعبله من ملكه سبأ
مش قولتلك
- من بعد ما تسنى السلاح -
تقطعى لسانى الشقى
وادينى بوّظت التاريخ
عاجبك كده
ارجوكى حالا تدبحى
علشان يا دوب
الحق صراع ف الوحده
قرب يبتدى

والله يا عمرو شاهين

منتاش جيبها البر

ولا تبقى أسمك عمر

لومكتبتش مر

لكن

انت حُر

و أبن نيل

وواد جميل

لأ دانت نسمه هوا

وف عز حر

سلمت وسلم قلمك

دمت بحب

ملحوظه

تثبت بواسطتى

لروعة الحرف

الاخ الشاعر الاستاذ عمروشاهين

اولا فقط ارجو تعديل وضع عنتر بدلا من عطيل لانه هو حبيب عبله واللي

جابلها النوق الحمر؟

وكمان تشوف حبيب تاني لديدمونه غير هاملت

لو يمشي معاك عطيل شغال؟

وكمان لو الشكسبير ينفع يبقي شكسبير بس ياريت؟

وبعدها نعلق علي شعرك الرائع

عفوا ولطفا ووووو

تحياتي لك

عفوا ولطفا

الاستاذ الشاعر عمرو شاهين كتبت التعليق قبل ان اكمل نصك

وفاجاتني انت بالنهايه

مش قولتلك
- من بعد ما تسنى السلاح -
تقطعى لسانى الشقى
وادينى بوّظت التاريخ
عاجبك كده

فعزرا مني لذا وجب التنويه

تحياتي لك

الرقيه الشاعره عزه الزرقانى
شاكر على كلماتك الجميله وتشجعيك
تقبلى فائق احترامى وتقديرى
دمتى بكل خير

الابن الشاعر الجميل

عمرو شاهين

طريقة معالجتك لنصوصك طريقه فريده .

من حبث القكر وإختلاط التركيبات الفنيه .

وانت شاعر تهتم جيداّ بالصوره الكليه وتنتقى

كيفية الكتابه الغير نمطيه لأعمالك .

وانت هنا تركت للقاريء يتفهم النص كما يروق له

حيث وضعت النهايه مطلقه .

نص يضعك فى مصاف كبار شعراء السيرياليه .

تقبل منى خالص تحيتى ومودتى وتقديرى ...

وعطيل بيجرى فى السبق
عشمان يجيب كام الف ناقه لعبله من ملكه سبأ
مش قولتلك
- من بعد ما تسنى السلاح -
تقطعى لسانى الشقى
وادينى بوّظت التاريخ
عاجبك كده
ارجوكى حالا تدبحى
علشان يا دوب
الحق صراع ف الوحده
قرب يبتدى

رائع جدا جدا ياعمرو
والحقيقه ان الواحد بيخسر كتيير
لو فات علي احد نصوصك ولم يقرأها
لما بها من ابداع حقيقي ومتعه فنيه
دمت بخير

الشاعر الرائع الاسطوره عمرو شاهين

دائما ما اجد بين احرفط ومن خلال سطورك

اروع الكلمات واجمل المعانى والتجدد فى الصور

والموضوعات ورسم اجمل اللوحات بالكلمات

رائع جدا كالعاده نهايه القصيده اكثر من رائعه

سلمت وسلم قلمك النازف بالابداع

تقبل مرورى وتقديرى

ابويا الغالى
الشاعر عادل عوض سند
والله انا مش قد الكلام الجامد ده كله بتاع مصاف كبار الشعراء
كبار الشعراء مره واحده
مش لما اكون الاول من الشعراء
لسه بدرى يا ابويا على الكلام ده
وكلمتين على جنب كده ( انت واحشنى جدا )
تقبل فائق احترامى وتقديرى
دمت بكل خير

الاستاذ مراد ناجح عزيز
طيب ماتفوتش ولا نص الا لما تقراه بقى
ده طبعا علشان اعرف رأى حضرتك فى شغلى
لان ده شىء يشرفنى ويسعدنى جدا
وان اللى بكون خسران لو معرفتش رأيك فى شغلى
تقبل فائق احترامى وتقديرى
دمت بكل خير

الشاعره الرائعه
اميره البدرى
يظهر كده ان الواحد بدل ما يتعلم منك ازاى يكتب قصيده متميزه هايتعلم منك ازاى يقدر يكتب تعليق رقيق زى اللى حضرتك كتباه ده
بس فى حاجه
انا مش اسطوره ولا بتاع انا راجل غلبان على باب الله
بيكتب كلام ويفكر كلام ويحب كلام ويكره كلام
ويحلم برضوا كلام على امل ان كلامه يغير حاجه فيه هو قبل الناس
تقبلى فائق احترامى وتقديرى
دمتى بكل خير

رائع يا عمرو ما كتبت تقبل مرورى

أخي الغالي عمرو
مقطعان جميلان كل مقطع من وزن مختلف
أو لوحتان اللوحة الأولى جاءت بسيطة سلسة و الثانية هرت فيها نتيجة قراءاتك
فجاءت الدلالة فيها أقوى و الرموز أعمق أما من ناحية الوزن فالأولى متماسكة عروضيا
و جاءت على بحر الخبب ( فعلن ) أما الثانية فبدايتها على الرمل ( فاعلاتن ) فى قولك : زى قزقزه الكابوريا ف ليله بارده ، فى السطر الأول ثم ظهرت تفعيلات الرجز
مستفعلن فى باقى اللوحة
و أكرر اهم ما يميزك الصورة البكر و ظهور الثقافة القرائية و الاتكاء على التراث الإنساني عموما
دمت بخير
أخوك

العزيز عمرو شاهين .. تحياتى المعطرة بالحاجات على قصيدتك الرائعة و قلبتلى التاريخ فى مخى على طريقة " هو انت ماعندكش خلفية ؟؟ اللى ماسكين شيكسبير غيروه من فترة "
و لكن .........
لفت نظرى بشدة تعليقين للاستاذ طاهر الصوفانى
الاول استاذ طاهر هاريك تريقة على اساس ان سعاتدك جاهل و ماعندكش فكرة عن الناس دى و عمال يصلح بمنتهى الاستخفاف و لو انه لم يعلق على اوفليا حبيبة هاملت الارحج لأنه مش عارفها
ثانيا كان التعليق الثانى اكثر استفزاز لأنه " جه يكحلها عماها " لما كان عذره انه كتب التعليق قبل ان يقرأ باقى القصيده و هو عذر اقبح من ذنب و دة ان دل فيدل على انه داخل يتصيد خطأ مش يعلق على قصيدة
استاذ طاهر : ارجوك كن موضوعى او لا تعلق ..... لذا وجب الرد عنك صديقى عمرو لأنى عارف انك مش هاترد ... تحياتى المعطرة بالحاجات برضه

الغالى
امير افندى ابراهيم القاطن بدير النحاس لا تقراء التعليق الذى ارسلت فى نقده التعليق به سم قاتل
تحياتى المفعمه بالحاجات
يارجل هما اللى ماسكين شيكسبير مش رجعوا تانى
انت ياواد يا عفريت عرفت منين انى مش ها ارد ( العشره بقى انا عارف )بشكرك من كل جيوب البدله على تعليقك الحلو الجميل ده
وكمان عن ردك بالنيابه عنى
وده العشم برضوا
الراسل
عمرو افندى شاهين
حكمدار بوليس العاصمه
سلامى الممتلىء بالحاجات

الاستاذ حمدى شيبه
شاكر مرورك الغالى وتعليقك الرقيق
تقبل فائق احترامى وتقديرى
دمت بكل خير

استاذى الغالى
عاطف الجندى
اصول واجول اروح واجىء ومازلت اتعلم
لا حرمنى الله منك ومن توجيهاتك
تقبل فائق احترامى وتقديرى
دمت بكل خير

بس اسمحلك
تمسك سن سنين عيشناها
تفقع عين القلب العاشق
ينزف .. حب
يدهن سور سكتنا الباهته
ب الاحلام
لجل ما احس ان انا مرتاحه
وان انا لسه فى قلبك ساكنه
وانك لسه فى عينى حبيب

يا عمرو .. يا عمرو يا شاهين

معرفش ليه بعد قراءة الرسالة والرد أضطررت لعمل مقارنة بين :

نظرة المرأة للحب ونظرة الرجل له .

كيف تعيشه شعورياً فتغرق فيه ولا ترى سوى الحبيب من العالم .. بل وترى

العالم من خلاله فلا يهمها سوى هل هى حبيبته أم لا . وهى نظرة ذاتية !

وكيف يرى الرجل الحب الذى يحرك همومه بالعالم والناس والتاريخ والعاشقين

جميعهم قبله . تنقلب الموازين عنده وتتفكك ليحاول مرة أخرى إعادتها كما يرى

هل هذا لأن المرأة قلب أكثر منها عقل فى رأيك ؟

وأن الرجل هو العقل إذا أحب بصدق تربكه العاطفة ؟!!!!!!!!!!!!!!

قصيدتك تعنى الكثير وأهم مافيها تركت عندى سؤال مخيف ..

هل نحن نفقد التاريخ والثقافات والحضارات رويداً رويدا ؟

حتيتين م التلج سالوا ع الخدود
واللسان بيصب خمره
يسكر القلب اللى عاش الفين سنه
مستنى يوم الاضحيه
قبل المسيح
كان عنتره
بعد المسيح
كان روميو ابن الشكسبير
عاشق اوفليا
وهاملت
ده اللى مش طايق هدومه
غرقان فى شبكة ديدمونه
وعطيل بيجرى فى السبق
عشمان يجيب كام الف ناقه لعبله من ملكه سبأ
مش قولتلك
- من بعد ما تسنى السلاح -
تقطعى لسانى الشقى
وادينى بوّظت التاريخ
عاجبك كده
ارجوكى حالا تدبحى
علشان يا دوب
الحق صراع ف الوحده
قرب يبتدى

هل تعنى أن الرجل والمرأة ...... هما القلب والعقل

لا غنٍ لأحدهما عن الآخر ؟!

وداد الهــــــــــــــــوارى

الاستاذه النبراسه وداد الهوارى
طبعا لايكتمل اى عمل اكتبه الا بمرورك عليه
علشان كده كان طبيعى اطلب رايك
فقد كشفتى العمل كله وما وراءه وما اردته منه
لا حرمنى الله من تعليقك على اعمالى
تقبلى فائق احترامى وتقديرى
دمتى بكل خير

الرائع الشاعر الجميل اوي عمرو شاهين

أعتقد ان هذا العمل سيكون فارقا في حياتك الابداعية ..وسوف تمر بعده بمرحله أخري من النضوج الجميل وصولا الى ان يكون لك بصمة خاصة ..مع انك الان لك فعلا طريقة ابداعية جميلة في أن يكون النص كله ممنهج وشامل مضمون فكرتك ... أعجبتني للغاية فكرة الرسالة والرد والتناغم بين ما طرحت الرسالة الاولي وما جاء في الرد عليها .. ورغم ان البوسة / النشوة قدام الناس اصبحت مستساغة في بلادنا عكس علىت ايام شبابنا بس انا كراجل دقة قديمة مش عجباني ليس من الناحية الفنية قطعا فهي جاءت في السياق تماما

اعجبني جدا ختام الرسالة الاولي بالمقطع التالي واعتبرة مقطع رائع

ينزف .. حب
يدهن سور سكتنا الباهته
ب الاحلام
لجل ما احس ان انا مرتاحه
وان انا لسه فى قلبك ساكنه
وانك لسه فى عينى حبيب

فاذا قفزنا الى الرسالة الرد فحدث ولا حرج ..امتعتني ايما أمتاع .. خاصة هذة اللخبطة الثقافية المتعمدة ثم مدلولها في نهاية القصيدة

مستنى يوم الاضحيه
قبل المسيح
كان عنتره
بعد المسيح
كان روميو ابن الشكسبير
عاشق اوفليا
وهاملت
ده اللى مش طايق هدومه
غرقان فى شبكة ديدمونه
وعطيل بيجرى فى السبق
عشمان يجيب كام الف ناقه لعبله من ملكه سبأ

عمرو الجميل ...قصيدة ماتعة ..رائعة الصياغة والفكرة والصور والدلالات والمضمون

احييك واشد على يديك

والي الامام من تألق الى أخر

دمت متألقا ورائعا كما عهدناك

تقبل مروري وخالص اعجابي ومودتي

الرائع عمرو شاهين
تقريبا ده المرور التانى على راوئعك الجميلة رغم انو تانى عمل امر بيه على قصايدك
لكن بجد انت شاعر مشكلة
الله عليك يا عمرو
اخوك
تيمو

الاستاذ / محمود جمعه
طبعا كنت مستنى رايك علشان عارف ان حضرتك ها تطلعلى كل اللى فى القصيده من هنات او سقطات
طبعا مش لاقى كلام ارد بيه
اراك قريبا
تقبل فائق احترامى وتقديرى
دمت بكل خير

تيمو
اولا مبروك الفوز فى المسابقه
رغم انه المرور التانى الا انه اسعدنى واتمنى ان اراك دا ئما فى مواضيعى
تقبل فائق احترامى وتقديرى
دمت بكل خير

الشاعر الرائع/عمرو شاهين

كم اسعدنى المرور على قصيدتك الرائعه

تصويرات بديعه وجديده بجد

اسلوبك راقى جدا , تقبل مرورى واعجابى بما خطت يمينك

الشاعره بسمه الورد
اسعدنى جدا مرورك الغالى
وشاكر استجابتك لرسالتى لان فعلا كان يهمنى اعرف رأيك فى القصيده دى
تقبلى فائق احترامى وتقديرى
دمتى بكل خير

» رسائل من كل الشهداء
» (( من رسائل سندباد )) الرسالة الأولى للشاعر /عادل أبو عبا
» كبرياء انثى
» انثى العنكبـــــوت
» ثلاث رسائل من زمان أعشقه