كفاية شعر ...2 ...رد على عاطف عاشور

كفاية شعر يا شعرا
بتكتب لية ؟؟
تنور للامل شمعة ؟؟
وتمسح م العيون دمعة ؟؟

مانورنا متين شمعة
ولا حدش لنورهم شاف
وماشية بلادنا مش سامعة
ومعمية اوي وبتخاف

نشيل الدمع والاهه
ويطلع كل لحظة شيطان
يقول شعرا ولاد جزمة
ويقلب لينا كل ميزان

كرهت يا مصر اغانيكي
وحمسح أسمي من الشعرا
لاحكتب شعر لعنيكي
ولا شعبك بقي بيقرا

كفاية الشعر ارجوكم
وخلينا ف ( كمننا)
وهجص يا بني واديها
بلاد (التيتا والنانا)

بنتعذب ونكتب لية؟؟
عشان ظالم من العسكر
عديم الشوف
يقول أنك خطر ع الامن
يزرع في ولادي الخوف

بنتعذب ونكتب لية ؟؟
عشان رقاصة تتحامي
ف حبايبها
وفوق ملايين من العملة
وفوق الشعر ..شبشبها

بنتعذب ونكتب لية ؟؟
عشان واحد من الوطني
(اللى مش وطني)
يقول شاعر بيتخابر
ويتامر ويشتم في رموز وطني

كفاية ملوش بقي لازمة
ححط لساني ف الجزمة
ولو عروا هنا جسمك ف عز الضهر
حقول ان احنا ياشعرا
سبب (لل ...) والازمة

كفاية يا شعرا ارجوكم
كفاية شعر

لازم تكتب وتكتب اه
علشان انت وهو ذراع
للامه اللى باتت على عيالها متكله
عشان نقدر نحقق للولاد بكرة
هيبقى جميل و بالحب تحللهم الفكرة

الله على الشعر والشعراء سلمت شاعرنا القدير محمود جمعه

غالية كلماتك معانيها رائعه
تقبل ارتجالى البسيط

أحترامى لما تخط يمينك دائما

الاستاذ الشاعر الكبير/ محمود جمعة
ليه كده بس هتبطلوا كلكم شعر ........يعنى ايه اومال مين اللى يعبر عن اللى جوانا
طيب يعنى للمجروح يلاقى دواه ......
ولا حتى مسموح يقول الاهه..........
يا استاذاكتب قولة.. حق ربنا يجعلها ف ميزان حسناتك قادر يا كريم ولا يعوج لك ميزان ولا يوقع لك قافية
دمت ا/ محمود بخير ودام ابداع قلمك الجرئ

بسمة الورد كتب:

لازم تكتب وتكتب اه
علشان انت وهو ذراع
للامه اللى باتت على عيالها متكله
عشان نقدر نحقق للولاد بكرة
هيبقى جميل و بالحب تحللهم الفكرة

الله على الشعر والشعراء سلمت شاعرنا القدير محمود جمعه

غالية كلماتك معانيها رائعه
تقبل ارتجالى البسيط
أحترامى لما تخط يمينك دائما

بسمة الورد الرائعة المبدعة الكريمة

تعبنا يا بسمة الورد .. سنيين بننفخ في قربة مقطوعة .. كلام وأمنيات وأحلام ..وبلادنا ماشية بالمندار
راسها تحت ورجلها فوق ... ربنا يصلح الحال

اهلا بك وسهلا في صفحتي المتواضعة ..

شرفتني أختي الكريمة

دمت بكل خير وسعادة

عاشقة الشعر كتب:: الاستاذ الشاعر الكبير/ محمود جمعة
ليه كده بس هتبطلوا كلكم شعر ........يعنى ايه اومال مين اللى يعبر عن اللى جوانا
طيب يعنى للمجروح يلاقى دواه ......
ولا حتى مسموح يقول الاهه..........
يا استاذاكتب قولة.. حق ربنا يجعلها ف ميزان حسناتك قادر يا كريم ولا يعوج لك ميزان ولا يوقع لك قافية
دمت ا/ محمود بخير ودام ابداع قلمك الجرئ

عاشقة الشعر الرائعة

طيب اية رأيك أكتب شعر لسعد الصغير وشعبان عبد الرحيم وعبد الباسط حمودة ..وسنية العرجة
مش أحسن من الشغب والنفخ ف القربة المقطوعة ..أهي الاغنية من دول بتبيع نص مليون شريط والواحد يعكم له متين الف والا حاجة ..ونرجع من الغربة بقي ..ولا هموم البلد ولا وجع قلب
أكتبلهم مثلا ....

الدولاب مليان هدوم ..والفيران جواه تقوم
ياللي بتحبوا الزلابية .. ايه اللى خلي الديب يعوم
مستكنيص ف اللذاذة .. والدماغ عامل ازازة
يالي جوة القلب نمتم .. وسعوا للبنت ظاظا

انا متأكد اي عيل بتاع ميكروباس حيغنيها ..حتنبقي اشهر ميت مرة من كل الشعر اللى علي المنتدي ده ...
تعبنا يا أخوانا ومفيش أمل
معلش عاشقة الشعر ..زهقتك معايا
شرفتني أختي الكريمة
دمت بكل خير

ياعنى بتأكد كلام استاذ عاطف عشور

وانا مش معاكوا

انتم لتنين

من غير الشعر

ح نروح فين

دا النعمه الفاضله الباقيه

من وسط غلان

وكتير وحشين

من غيره نموت

ونروح ف الطين

مش برضو حرام

وأدينا عايشين

تثبت بواسطتى

لروعة الحرف

الشاعر الرائع الاستاذ محمود جمعه

قصيده رائعه جدا كما عودتنا على روعه معانيك

وجما موضوعاتك ولكن لابد ان يظل الامل

بداخلنا فإذا مات الامل بداخلنا مات كل شئ جميل

لابد ان نظل نكتب ونجرج ما بداخلنا فهى الوسيل الوحيده

للتعبير

استمتعت بقراه القصيده

دمت بكل سعاده

الشاعرة الرقيقة عزة الزرقاني

تعبنا ياعزة بدون اي فايدة

كتبنا ونشرنا ودخلنا ف مناهدة

لا غيرنا فيهم ولا شلنا حد

وقاعدين يسفوا واخر معاندة

شرفتني أيتها الرقيقة ..دمت بكل خير

وبعدين انتو متفقين ولاّ إيه ؟؟

اخى الحبيب الشاعر

محمود جمعه

ما اجمل أن تُستفز فتكتب .

يبقى إزاى نبطل شعر ؟؟؟

قصيده ولا اجمل فى محتواها الرائع

تقبل منى خالص المودة والتقدير ..

معلش الايقونات الخاصه بالخط معطله ..

أميرة البدرى كتب:

الشاعر الرائع الاستاذ محمود جمعه

قصيده رائعه جدا كما عودتنا على روعه معانيك

وجما موضوعاتك ولكن لابد ان يظل الامل

بداخلنا فإذا مات الامل بداخلنا مات كل شئ جميل

لابد ان نظل نكتب ونجرج ما بداخلنا فهى الوسيل الوحيده

للتعبير

استمتعت بقراه القصيده

دمت بكل سعاده

أميرة المنتدي الرائعة الشاعرة أميرة البدري

هي لحظات يا شاعرة تمر بكل اصحاب الهموم العامة ...الذي حدث أنني كنت اقود سيارتي افكر في بلدي مصر نتيجة لما سمعتة في البي بي سي .. شعرت ان مفيش فايدة...دخلت مكتبي لقيت اخونا عاطف بيضرب على وتر هو نفس الوتر الذي أشجاني...مسكت القلم وكتبت فورا وكانها قصيدة قديمة حافظها ... لكن انت عارفة ان احنا مش حنبطل شعر ...ومش حنبطل هموم بلدنا مصر ولا أمتنا الاسلامية لا أنا ولا عاطف ..ولا حنبطل أمل في الله انه يغير حالنا لحال يرضيه

دمت أميرة مبدعة وشاعرة جميلة ..وبكل خير وسعادة

محمود جمعة كتب:

الشاعرة الرقيقة عزة الزرقاني

تعبنا ياعزة بدون اي فايدة

كتبنا ونشرنا ودخلنا ف مناهدة

لا غيرنا فيهم ولا شلنا حد

وقاعدين يسفوا واخر معاندة

شرفتني أيتها الرقيقة ..دمت بكل خير

من غير الشعر

الدنيا دى ايه

من غير الشعر

نعيش طب ليه

عايزين تبطلوا شعر إنت وعاطف عاشور ؟؟

يبقي الفلوس ظهرت عليكم

طب ماتجيبوا0000000000

تبطلوا شعر .........!!!!!!!!!!!

دا الصفحة الاولى فى المنتدى الرد بقصيدة رد

ياولا يحرق ... يلعن شعر تبطلوه

دا التعليق بقصيدة بقدرة قادر

ههههههههههههه

طيب اعتبر بطلتوا هاتعملوا ايه

هاتلعبوا كورة ............ طب فى الأهلى وللا فى الزمالك

هههههههههههههه

اشوط الشوطة دى واجرى على الجمهور

يسقف ليا تسقيفة وابات مشعـــــــــــــــوووور

هههه

عادل عوض سند كتب:

وبعدين انتو متفقين ولاّ إيه ؟؟

اخى الحبيب الشاعر

محمود جمعه

ما اجمل أن تُستفز فتكتب .

يبقى إزاى نبطل شعر ؟؟؟

قصيده ولا اجمل فى محتواها الرائع

تقبل منى خالص المودة والتقدير ..

معلش الايقونات الخاصه بالخط معطله ..

اخي الحبيبب وعمي الكبير الشاعر الواعر عادل عوض سند

نعم استاذي الكريم استفزني عاطف عاشور فكتبت فورا .. شرفتني وشرف متصفحتي

لك خالص التقدير والحب والاحترام

بلاه الشعر ياحوده

كفايه نفضها سيره

لاتوبنا جاي ع الموضه

ولااحنا في طي تسعيره

****

تحياتي للشاعر الاخ محمود جمعه

م/عطية شواش كتب:: عايزين تبطلوا شعر إنت وعاطف عاشور ؟؟

يبقي الفلوس ظهرت عليكم

طب ماتجيبوا0000000000

[b]
استاذنا الكريم المهندس عطية شواش

احرجتنا يا عمنا .. هم خلوا للناس فلوس ياحاج

شرفتني أستاذي الكريم ..دمت مبدعا كريما وشاعرا فذا ..مهموما بهذا الوطن [/b]

اخي الشاعر الرائع\محمود جمعة
.................................

زمان الكلمة يا صاحبي يجوز روح

يجوزجداً قلوب الخلق بتنوح

يجوز بكرة تبدد شمسنا ضلة

فاقول وابدع اكيد بكرة النفوس تفرح
.....................................

اخي العزيز ابو حنفي مع خالص مودتي