شخبط شخابيط

موضوع: شخبط شخابيط الأربعاء يونيو 23, 2010 9:51 am

شخبط شخابيط
شخبط شخابيط.. لخبط لخابيط
شال المظابيط .. حط الهلافيت
ركن الخناشير ..جاب الكتاكيت
وعمل فيها .. ساذج وعبيط

لملم ملايين الهليبة
وولاد الحنت الكسيبة
ولعب علي ألعب لعيبة
وقفوا وشوشهم بقي ف الحيط

كله مرونة سرعة وخفة
شال من كفة حط ف كفة
هاصت الهيصة تاه ف الزفة
شعب بحالة ملوش تصويت

بيض سود .. نقَّص زوَّد
كفر ذندق .. أسلم هوَّد
والمسكين علي كله اتعود
حمار ولازمة لجام وغبيط

يشيل تراب وظلط وسباخ
وان يوم ح يحرن طيخ طوخ طاخ
مهو ابن كلب حفيد أوساخ
وما يرجعوش إلا التظبيط

شخبط شخابيط.. لخبط لخابيط
شال المظابيط .. حط الهلافيت
ركن الخناشير ..جاب الكتاكيت
وعمل فيها .. ساذج وعبيط

عاطف عاشور

العزيز / عاطف عاشور

:) :D :) :D

يابــوا إلقــفــــا فــــولاذ
والضــرب فيــك واجــب
من إمتى يابـن( ال....)
تـعـْـلى عـلى الحـَاجــب
لازم تِـدنـَّـــك كِـــــــــــده
تــاكـل وتشـرب هـَـــــــمْ
والشوك كمان مرْتعَـــــك
وان كان كمان عـاجــــب

يابـو القــفـا عــرضيــن
والعــرض قـــد الكـَـــفْ
بالبلــغـه ع الجنـبــــيــن
لـمــا تـِتـُـوه و تـْـلِـــــفْ
هاتفـُوق هاتـقـــرف بـلد
أصْـلَــك كــده فــرعــون
بـالضـرب تبـــنى الهـَرم
وللـتــــراب هاتسِــــــف
:) :) :D

الاستاذ والشاعر عاطف عاشور
شخبط شخابيط شال المظبيط حط الهلافيت
عشان الشخبطه يلازمها هلافيت
عمل فيها ساذج وعبيط
ما بقيش فى حد دلوقتى ساذج ولا عبيط
يشيل تراب وظلط وسباغ عشان هو داه الا متاح له
وان يوم ح يحرن مش ها يلاقى ياكل ولا ياكل ولاده
ما يرجعهوش الا التظبيط عشان اتعود عليه
احسنت التعبير استاذ عاطف بصورة مبسطه وسالسه وسخريه
بها فاكهة لذيذة
والله الشعب غلبان فى كل الاحوال هايعمل ايه هههههه
رائع هذا اللون استاذنا وشاعرنا عاطف عاشور

الاستاذ الشاعر
د /صلاح طاهر

تاني مرة تعلق علي بنفس القصيدة
هوه مافيش حد فيها ينضرب غيري ولا اييييييه

دا أنا غلبااااااااااان

ههههههههههههه

شكرا علي التعليق الرشيق

تقبل مودتي واعجابي

عاطف

الشاعرة الجميلة/ نورا طه

شكرا علي التعليق الجميل
أضأتي متصفحتي وأتمني ألا تكون الأخيرة
دمت رائعة أيتها الشاعرة المبدعة

تقبلى تحياتي
عاطف

الشاعر الرائع عاطف عاشور

قصيده رائعه ومضمون جميل

دائما تنقل بكلمات الرائعه

اهم المواضيع بأسلوبك الساخر

الذى يضحكنا ويبكينا فى نفس الوقت

سلمت وسلم قلمك النازف بأروع الكلمات والمعانى

دمت بكل خير وسعاده

أستاذ عاطف عاشور أحييك على هذا الأسلوب الساخر الذي ان دل فيدل على تمكن واقتدار
واقبل تحياتى ضياء غنيم

العزيز / عاطف عاشور

:D

نـط القلــــم م الألــــــــم
يكتب كتيـر شَخـابـيــط

انا قلْت ليــه ياقلـــــــــم ؟
قالِّى.. خلاص ياعبـيـط

العــدل ويـا الحقيـقــــه
فى خـرقه جنب الحيــط

والدين خلاص بتلغـــى
فى حركـــة التمشيــط

لا عـــادش فـــــن وأدب
وسياسه فى التخـــبيـــط

ولا كلمه صابت هـــدف
والكـــل فـــى التفــريــط

(والشرق أوسط ) هايكبر
والبَركَــه فى الشلافـــيط

:D

موضوع: رد: شخبط شخابيط الخميس يونيو 24, 2010 4:16 am

أميرة البدرى كتب:

الشاعر الرائع عاطف عاشور

قصيده رائعه ومضمون جميل

دائما تنقل بكلمات الرائعه

اهم المواضيع بأسلوبك الساخر

الذى يضحكنا ويبكينا فى نفس الوقت

سلمت وسلم قلمك النازف بأروع الكلمات والمعانى

دمت بكل خير وسعاده

الاستاذة الغالية علينا جميعا

الشاعرة المبدعة الرقيقة

أميرة البدري

مش كل شئ انكتب قالوا عليه أشعار

ولا كل واحد حسب يبقي من الشطار

الشعر حاجة كدة ف السحر تتخفي

أنوثة متفجرة بملاية متلفَّه

وبسمة تحيي النفوس من طفل ف اللفة

ونار لثورة تنور سكة الأحرار
&&&&

شكرا علي اشراقك علي متصفحتي

بتعليقاتك الرقيقة الممتعة التي تترجم احساسا عاليا

وثقافة واسعة

تقبلي مودتي وإعجابي

عاطف

موضوع: رد: شخبط شخابيط الأحد يونيو 27, 2010 5:35 pm

الاستاذ الشاعر

ضياء غنيم

شكرا علي التعليق وأتمني ألا يكون الأخير

حتي تضيء متصفحتي بتعليقاتك الرشية

دمت مبدعا جميلا

تقبل مودتي وإعجابي

عاطف عاشور

موضوع: رد: شخبط شخابيط الأحد يونيو 27, 2010 6:52 pm

الله عليك شاعرنا \ عاطف عاشور

كلمات ثائرة وساخرة
سلمت الايادى وسلم نبض قلمكم الراقى
احترامى لما قرأت وأسجل اعجابى بكلمات حضرتك

الرقيقة / بسمة الورد
سلمت لنا وللمنتدي

ودمتى مبدعة رائعة وانسانة اروع

قبلي مودتي وتقديري
عاطف

استاذ العاميه مهما حاولت تخفي جمال كلامك

في الشخبطه ولكن القمر لم يختفي ومهما جا

الصباح

موضوع: رد: شخبط شخابيط الخميس يوليو 08, 2010 5:08 am

جمال محمد الخطيب كتب:

استاذ العاميه مهما حاولت تخفي جمال كلامك

في الشخبطه ولكن القمر لم يختفي ومهما جا

الصباح

الاستاذ الشاعر /حمال محمد الخطيب

شكرا علي التعليق الذي هو أكبر منى فأنا لست أستاذا

وإنا تلميذا في عالم الشعر والكلمة

دمت جميلا
تقبل مودتي وإعجابي
عاطف

diaa ghounim كتب:: أستاذ عاطف عاشور أحييك على هذا الأسلوب الساخر الذي ان دل فيدل على تمكن واقتدار
واقبل تحياتى ضياء غنيم

شكرا على المرور الجميل

أستاذي ضياء غنيم

مودتى

زيطه .. وشخابيط

العقل خلاص .. قرب يشيط

ما احنا فى زمن الفهلوه والتنطيط

ادارى ياعم .. جوه وجعك

وامشى .. جنب الحيط
-------------

الشاعر والمبدع
الأستاذ عاطف عاشور
تصدق انا تعبت من الكلام
تفتكر ان كلامنا بيلاقى صداه
ولا عاملين زى اللى بيحرت
فى الميه ..يللا متدقش

الشاعر / عاطف عاشور
شخابيط غايه في الجمال
لأنها من شاعر متمكن وموهوب
وله فلسفته الخاصه
دمت بكل خير

فاطمة حمزة كتب:: زيطه .. وشخابيط

العقل خلاص .. قرب يشيط

ما احنا فى زمن الفهلوه والتنطيط

ادارى ياعم .. جوه وجعك

وامشى .. جنب الحيط
-------------

الشاعر والمبدع
الأستاذ عاطف عاشور
تصدق انا تعبت من الكلام
تفتكر ان كلامنا بيلاقى صداه
ولا عاملين زى اللى بيحرت
فى الميه ..يللا متدقش

المبدعة / فاطمة حمزة

إذا كنا فشلنا في أن نحرس المااااء
فلا أقل من أن نحرثه

مودتى

والله انا شايفك اليومين دول مش بتشخبط بس

دا إنت بتلخبط كمان والحدق يفهم

راجع نفسك قبل ماقبلك ياحلو

أه بالمناسبه ... حلمي سالم بيسالم عليك

مراد ناجح عزيز كتب:: الشاعر / عاطف عاشور
شخابيط غايه في الجمال
لأنها من شاعر متمكن وموهوب
وله فلسفته الخاصه
دمت بكل خير

المبدع الاستاذ /مراد ناجح عزيزشكرا لك مرورك العطر وثناءك الذي أتمنى أن أكون مستحقا له

دمت بخير

مع تحياتى

موضوع: رد: شخبط شخابيط السبت أكتوبر 30, 2010 6:24 pm

م/عطية شواش كتب:

والله انا شايفك اليومين دول مش بتشخبط بس

دا إنت بتلخبط كمان والحدق يفهم

راجع نفسك قبل ماقبلك ياحلو

أه بالمناسبه ... حلمي سالم بيسالم عليك

ممكن أون بشخبط

لس عمرى ما لخبط

خصوصا معاك وانت أكيد عارف

وبعدين كل اللى عايزه

على رأي وردة

نفضل

طبعا أحباب

والله كل دي صغائر نقدر نحتويها

وبنبص عليه بعدين بعين السخرية

مش مستاهله الدنيا والله

مش مضطر أقول أكتر لأنك أكبر من التفاصيل

مودتى

ايه يا عم عاطف الكلام الجامد ده بالراحة علينا يا استاذ
تقبل مرورى
شخبط عليك القلم
ولا الالم شخبط
لخبطت انت الكلام
ولا الكلام لخبط
ملعون يا نهر الكلام
ما دمت متلخبط

حمدى شيبة كتب:: ايه يا عم عاطف الكلام الجامد ده بالراحة علينا يا استاذ
تقبل مرورى
شخبط عليك القلم
ولا الالم شخبط
لخبطت انت الكلام
ولا الكلام لخبط
ملعون يا نهر الكلام
ما دمت متلخبط

شكرا على هذا المرور المبدع
أخي الغالي حمدي شيبة
دمت ودام التواصل والابداع
مودتى

قصيدة جميلة شاعرنا الرائع
عاطف عاشور
شخبط غير شخبطة نانسى عجرم إياها
هههههههههههههه
برافوووووووو

ياعم احنا فين ونانسي فين
بركاتها
بس هيا تشغلنى عندها علاج طبيعي ولا محصلاتى ولا
ولا اقولك ربنا يكفينا شرها ويطعمنا خيرها
طبعا خيرها الوحيد انها تتوب وأتجوزها على السنه
بس متهيقلى دا احتمال ضعيف 68 %مثلا