"هبطل شعر"

هبطل شعر و اتقندل و ابيع بلالين
و ابطل فكر من اصله و اعيشللى يومين
عطانى الفكر ايه؟الا حمار الخد
و فين الشعر ودانى سوا "المجانين"



هبطل شعر يا صحابى امانه ان يوم
قريتوا وجع وجع قلبى حرمنى النوم
لتدعو عليا ما اتلمش على الكلمات
عشان ما ارجعش دى الوكسه و حالى الطين

هبطل شعر يا صحابى تعبت خلاص
هبطل "هيصه" مش قادر تعبت يا ناس
كلامى"مقاس" كتير فاضى و انا القرطاس
ممليته "بقلتى" و" ملوى" فى بيرى سجين

الشاعر الاستاذ رأفت المصرى
الشاعر عمره مايقدر يبطل شعر
و دى نعمة من ربنا انك بتقدر تعبر عما بداخلك
ناس كتير الكلام بيتخنق جواها
و حتى حقها ما بتقدرش تاخده لانها موش بتعرف تعبر

الشعر دا نعمة وموهوبة من رب العباد
يمكن تقدر فى يوم تداوى جراح مسلوبة
بكلمه حق مكتوبه
بقلب كبير

حنان ابراهيم حافظ كتب:

الشاعر الاستاذ رأفت المصرى
الشاعر عمره مايقدر يبطل شعر
و دى نعمة من ربنا انك بتقدر تعبر عما بداخلك
ناس كتير الكلام بيتخنق جواها
و حتى حقها ما بتقدرش تاخده لانها موش بتعرف تعبر

نعمه من ربنا انك" تقدر" تعبر عما بداخلك
تقدر
هى دى المشكله
م كل حاجه نقدر نعبر عنها
و على فكره اللى بيقدر يعبر ع الورق
كتير قوىبيكون فاشل فى التعبير بالنطق
تحياتى استاده حنان

د /صلاح طاهر كتب:

حبيبىألأستاذ رافت

لن اقول لك إلا::

اكسر سيوف القول و اعمل عبيط شخلل
زمنك زمان شخلول بهللها و استهبل
مدام مفيش مأمول منها ما تكتبشى
يا تعيش مع البهاليل بهلول يا تستحمل

الاخ العزيز و الشاعر سريع البديهه د صلاح
تسلم لى اخى الحبيب و يسلم مرورك الجميل
كل التحيه

بسمة الورد كتب:

الشعر دا نعمة وموهوبة من رب العباد
يمكن تقدر فى يوم تداوى جراح مسلوبة
بكلمه حق مكتوبه
بقلب كبير

وهو ده المنى اخت بسمه
يا ليت نقدر نداوى جراحنا و جراح غيرنا
تحياتى لك

عادل عوض سند كتب:

تبطل شعر بالذمه دا اسمه كلام

دا انت الشعر من قلمك كأنه سهام

ومين تانى حا يقلقنا فى احلى منام

دا شعرك يا ابنى سكننا مع المجانين

ههههههههههههههههه

صباح الفل يا رأفت .. والله قصيده جميله

وانت شاعر واعر . واوعى تبطل شعر

تقبل مودتى وتقديرى ..

هبطل شعر دا لانى ما لاقينيش
انا نقشايه يا صاحبى فى كوم رناقيش
و كعك لا طعم و لا ريحه فى عيد ما يجيش
سوا للطلعه ع الاموات و بحر حنين

[quote="منصور غيضان"][/quote
الاخ الشاعر استاد منصور
اهلا بك على صفحتى المتواضعه و اهلا بمشاركتك اخى العزيز
شكرا لكم