اشمعنى طيفك

خلتيني اكتب قصايد عمرها ما جت ف بالي
لما طيفك هز قلبي يوم ما كان بيزور خيالي
الأماني الحلوة هلت كلها غنت قبالي
هودوه الحب يمكن؟ مين يجاوب عن سؤالي؟
يا ما غيرك جم زروني ما جراش اللي جرالي
يبقى ليه واشمعنى طيفك هزني أول ما جالي؟
أصل انا يا حلوة قبلك قلبي كان عايش وخالي
لما داب في حب قلبك ابتدا يسهر ليالي
كل دا من غير ما اشوفك يا قمر غيرتي حالي
يا حبيبتي نفسي اشوفك يا قمر يلاّ تعالي