رحلة الى الاسماعيلية يوم واحد فقط من ياتى معانا

قررنا فى ندوة المنتدى الشهرية ان نطلع رحلة واتفقنا على مدينة الاسماعلية وان تكون يوم 4 لشهر 7 لسنة 2010 ودة طبعا شى جميل ورائع لاننا نجلس سويا مع بعضنا البعض كل شهر وفعلا فكرة مام اختنا رشا فواد كانت رائعة ومثمرة ونقول لو كل شهرين مثلا عملنا رحلة بسيطة هنقرب من بعضنا البعض اكثر واكثر واكثر
حلو اكثر دى صح
المهم بقا بعد ان اتفقنا على الاسماعلية وطبعا بالاقتراع ولا مش عارف بيقولوها ازاى بس ال انا فاهمة من كلمة اقتراع هى
الرجل الاقرع طبعا انا مش من دوال خالص فشعرى يتحلف بة واكتر مثلا يقول
لا تاخد من الاقرع نصيحة والباقى انتم عارفينة وقد قرر ان ياتى معانا الاتى
الدكتورة والاستاذة رشا فواد

جابرى الزهيرى وصديقة ال نسيت اسمة
ومحمد مديح
وشريف العجوز ومعا 2 من اصدقائوا
وعاطف الجندى واسرتة
وامنا الفاضلة وداد الهوارى
وانا محمد زكى
والاستاذ محمود عبد الحليم وابنتة الاخت سما والحاجة ام سما
وال عاوز يجى يقول ويسجل
وطبعا لسة محدش حدد سعر الرحلة الا بعد ان نتفق مع السيارة التى تقلنا الى مدينة الاسماعلية المصرية
واخير تحيا مصر
واهم من دة كلة حد يجيب معا موغات
بجد هجنن واشرب موغات بس نعمل اية انا مجنون لوحدى

الأخ الفاضل محمد زكى

كم انا شاكرة على هذه الروح الطيبة وكما عهدناك ظلك خفيف مرح وذو قلب وفى ومخلص لكل من يعرفوك

كسبنا أخ نعتز بيه بيننا وكمان طيب جداً

ملحوظة تثبت بواسطتى

رشا فؤاد كتب:

الأخ الفاضل محمد زكى

كم انا شاكرة على هذه الروح الطيبة وكما عهدناك ظلك خفيف مرح وذو قلب وفى ومخلص لكل من يعرفوك

كسبنا أخ نعتز بيه بيننا وكمان طيب جداً

ملحوظة تثبت بواسطتى

مش خفيف قوى دة سكر
هههههههههههههههههههه

عادل عوض سند كتب:

الاخ الحبيب / محمد زكى

اتفقنا ان تقوم الرحله الى الإسماعيليه ولم نحدد اليوم بعد

من الذى حدد يوم 4 / 7 ؟؟؟؟؟؟

عموماّ انا معاكم إن شاء الله .

واذا كان على الموغات من عيونى اخى محمد

انتظر فقط حتى تلد وزجة ابنى فى :

31 / 2 / 2030

ههههههههههههههه

وانا موافق بس ال حدد المعاد بعد الاتفاق كان الاخ جابر الزهيرى وغير كدة لو حابب نغيرة عمى عادل نغيروة انت تومر بس
الموغات نفسى فى فعلا بس من واحدة تكون مخلفة جديد مش عارف لية
طفاسة دى ولا جنون
هههههههههه

أنا بس بستاذن مش هيجي معايا 2 بس ده احتمال يبقوا 20 من أعضاء اتحاد كتاب جامعة القاهرة فياريت تخلي أ . جابر يحجز عربية كبيرة أو أكتر من عربية أنا عن نفسي مستعد افضل واقف بس نطلع مع بعض
ملاحظاتي :
15‏ من ال 20 عضو دول أعضاء في المنتدي يعني لهم أولوية و ال 5 التانين معندهمش نت بس هما انتخبوني امثلهم ف الحديت و ع فكرة كانت انتخابات نزيهة

موافقين يا شريف بعد اذن المدير العام وباقى الاعضاء انا عن نفسى موافق ومرحب كمان

دة جدول باسماء الناس ال هتيجى نرجو الجدية
عاطف الجدى و4 من اسرتة
الاخت رشا والحاجة

جابرى الزهيرى
محمد مديح
صديق جابر الزهيرى
الحاجة وداد الهوارى
الاستاذ محمود عبد الحليم و2 من اسرتة
محمد زكي
وهناك ينظرنا الاخ محمود الشامى

يا اخوانا من يريد ياتى قبل ما نقفل العدد
انا مستنى الردود

الشاعرة عزة الزرقانى كتب:

أمتى الرحله ويوم ايه

والحجز بكام وأزاى

والكلام بجد ولا هزار

دمت بحب

اكيد بجد وهى الى الان هتطلع يوم 4 لشهر 7 وانا مستنى الاستاذ جابر يتفق مع اتوبيس ونحدد السعر بس اكيد مش هتكون اكتر من 30 جنية بدخول الشاطى لظروف الناس وانا كنت اود ان نتفق جميعا على ان الاكل يكون اشراك بيننا جميعا ولكن يوجد اعتراضات ياريت تشرفينا يا استاذة لكى تكون الرحلة جميلة جدااااااااا
ههههههههههه

الاسماعيلية حتما ستسعد بكم وسترتدي ابهي الحلي ما يليق بلقائكم ايها الاصدقاء وساكون في انتظاركم مع البعض من زملائنا بالمدينة الجميلة
هناك خطب واحد يا(محمد زكي) واعتقد اني لفتّ نظرك له وهو ان يوم 4\7 سيكون اليوم التالي لندوة شهر 7 وهكذا قد يصعب علي بعض الاخوة بعد سهرة ندوة المنتدي باتحاد الكتاب الاستعداد للسفر في اليوم التالي مباشرة..
ارجو دراسة كل الاحتمالات لكن علي كل حال سنسعد بكم في الاسماعيلية.

وداد الهوارى كتب:

أرجو أن يحدد اليوم المناسب للجميع

والتأكيد عليه لو كان يوم 7/4 أكيد ؟


والله وقعتكم معايا تبقى مش هيه لو لاغيتوا الرحلة بعد ما آخدت التصريح

من الحاج بالموافقة لأول مرة !!!!!!!!!!!!

أرجو السماح بإضافة أسماء :

الأستاذة / عفاف أحمد

الأستاذة / ميرفت

وما سيجد سأخبركم به

عندى إحساس إنه ح تبقى رحلة رائعة والعواجيز حيتكشفوا

على حقيقتهم هههههههههههههههههههه وأنا منهم طبعًا

وأنا عمَّاله أشجع زينة وأستفزَّها للذهاب معنا !

وداد الهـــــــــــــــــوارى  

طبعا يشرفوا وغير كدة يا ماما المعاد اظن انة مناسب للاكثرية مننا وانا عن نفسى شايف انة مناسب جداا

خبر غير سار

معلشى بعد جولة مع أصحاب شركات السياحة الخاصة بالرحلات الداخلية لم يتوفر أمامى إلا

اتوبيس 52 راكب ومطلوب لها فى هذا اليوم مبلغ الفين جنية

وعندما حاولت تخفيض المبلغ رفض صاحب الشركة لأن الأتوبيس هيتعطل اليوم باكمله فى انتظار

العودة آخر اليوم وبناء عليه لن يستفيد منه ولا من السائق

يعنى المواصلات فقط تدخل فى 40 جنية الفرد هذا بخلاف رسم دخول الشاطئ

شوفوا رأيكوا إيه وبلغونى مع العلم إن لو عربية صغيرة 27 راكب هتاخد نفس المبلغ لو حد عنده

أى اقتراحات أو عروض أحسن يبلغنا علشان نستقر على الميعاد والعدد وقيمة الاشتراك

الزهيرى