الحلوه دى الفائزة بجائزة مايو 2010

الحلوه دى

***

الحلوه دى قامت صلت فى الفجريه

والصبح شقشق فى سماها شويه شويه

فردت شباكها على المالح .. زى امبارح

طلع الشبك بالخير طارح فى العصريه

***

الحلوه فردت ملايتها فى القيَّاله

وسط الإيدين الشقيانه والشغاله

سمِّت معاهم واتقاسموا .. رزق وقسَمُه

رب النعم سمُّوا بإسمه ورِضْيوا الحاله

***

الحلوه فردت منديلها هناك ع المينا

شراع يقابل ويودع كل سفينه

رسمت على المنديل رسمَه .. دمعه وبسمه

أصل الفراق والُّلقا قِسمهْ ووعد علينا

***

الحلوه نزلت فى المغرب تمشى شويه

وتْبل رجليها وتحضن قلب الميَّه

الموج يعاكس خطوتها .. ْلغاية بيتها

والشمس تغرب وساعتها بتشرق هىَّ

***

الليل يطل على عيونها ويرمى تحيه

يفرد نسيمه على الساحل يملا الدنيا

يحضن غناوى البحاره .. يْلف الحاره

يشفى النفوس الأمَّاره تْبات مرضيَّه

***

الحلوه مش بحر ومينا وليل بحاره

دى تاريخ وفن وميت مدفع وقت الغاره

ومناره للعلم ورايه .. وشوف ويايا

فى المكتبه ألف حكايه وألف أماره

***

مرسى وبوصيرى وقبارى وشاطبى وجابر

وياقوت وبشر وابو الدرداء نورهم طاير

يحضن سماها وميتها .. يبوس رملتها

يملا القلوب بمحبتها بقدرة قادر

***

ينده كُريِّم مِ القلعه يلم جنوده

حالف مايرحم كل اللى يعدى حدوده

هب النديم من بين الناس .. صحَّى الإحساس

قال عمرنا ما نوطِّى الراس سِلْوْ جدوده

***

درويش يمسِّى على الصحبه ويمسك عوده

وسلامه يعزف ألحانه ويرمى وروده

بيرم يلم الناس حواليه ..يبدر حكاويه

وكلامه دايما له معانيه وليه مردوده

***

القلب أبيض لون بحرك وعيونك نور

والروح خفيفه وبترفرف زى العصفور

برد الشتا فْ حضنك دافى .. وْصيفك صافى

وخريف سنينك متشافى بربيع مسحور

***

يا حبيبه قالوا كتير عنك وكتير إتقال

قالوا ماريا وصبيه ومليون موال

وهبوكى للبحر عروسه .. وْمَهرك بوسه

على ثغر مصر المحروسه بتزيده جمال

بالتأكيد رائع

بالتأكيد مبدع راقى

بسم الله ما شاء الله عليك

تحفه غاليه من ابداعك

دمت بكل فن وحب وابداع

القلب أبيض لون بحرك وعيونك نور

والروح خفيفة وبترفرف زى العصفور

برد الشتا فى حضنك دافى وصيفك صافى

وخريف سنينك متشافى بربيع مسحور

الله الله الله .

الله عليك يا اسكندرانى ، مقطوعة موسيقية غاية فى الرقة

والجمال ،

انت بتستمد سحر كلماتك من سحر اسكندرية وجمالها.

أجمل ما كتب فى اجمل من يكتب لها .

خالص تحياتى.

القلب أبيض لون بحرك وعيونك نور
والروح خفيفه وبترفرف زى العصفور
برد الشتا فْ حضنك دافى .. وْصيفك صافى
وخريف سنينك متشافى بربيع مسحور
الله على اهل البلد لما يعبروا بروح حلوة عن محبتهم لمكانهم وغلاوتة
تسلم الايادى والابداع الشيق
تقبل مرورى واحترامى

من اجمل ما كُتب فى الاسكندريه

الاخ الشاعر

فؤاد ابراهيم

جميل ما كتبت . ولكن لايكفى ان تنشر قصائدك

دون المرور على قصائد الآخرين .

تقبل مودتى ..

الشاعر الرائع فؤاد 66

قصيده رائعه فى اجمل المدن

ومن اجمل ما كتب فيها

استخدامك للتشبيهات والتعبيرات اكثر من رائع

رسمت بكلمات اروع التبلوهات الجميله

حبيت اقتبس جزء من القصيده للتعليق

لقيتها كلها مقتبسانى

رائع ما خطه قلمك

تقبل مرورى وتقديرى

الشاعرة عزة الزرقانى كتب:: بالتأكيد رائع

بالتأكيد مبدع راقى

بسم الله ما شاء الله عليك

تحفه غاليه من ابداعك

دمت بكل فن وحب وابداع

وكالعادة أستاذه عزه تبادرين بالرد والتشجيع

وكالعادة أسعد بمرورك الطيب

أشكرك من صميم الوجدان

وأراك بكل الخير دوما

خفايا ابداع كتب:: القلب أبيض لون بحرك وعيونك نور

والروح خفيفة وبترفرف زى العصفور

برد الشتا فى حضنك دافى وصيفك صافى

وخريف سنينك متشافى بربيع مسحور

الله الله الله .

الله عليك يا اسكندرانى ، مقطوعة موسيقية غاية فى الرقة

والجمال ،

انت بتستمد سحر كلماتك من سحر اسكندرية وجمالها.

أجمل ما كتب فى اجمل من يكتب لها .

خالص تحياتى.

خفايا إبداع

خفايا ذوق

خفايا رقة

أشكرك

بسمة الورد كتب:: القلب أبيض لون بحرك وعيونك نور
والروح خفيفه وبترفرف زى العصفور
برد الشتا فْ حضنك دافى .. وْصيفك صافى
وخريف سنينك متشافى بربيع مسحور
الله على اهل البلد لما يعبروا بروح حلوة عن محبتهم لمكانهم وغلاوتة
تسلم الايادى والابداع الشيق
تقبل مرورى واحترامى

الله عليكى بسمة الورد

ومعاكى حق

أنا بحب إسكندرية لدرجة العشق وأكثر

وغلاوتها ملهاش حدود

سعدت جدا بمرورك

وحكون سعيد لوتشرفينى دايما

سلام إسكندرانى

عادل عوض سند كتب:: من اجمل ما كُتب فى الاسكندريه

الاخ الشاعر

فؤاد ابراهيم

جميل ما كتبت . ولكن لايكفى ان تنشر قصائدك

دون المرور على قصائد الآخرين .

تقبل مودتى ..

ياااااه يا استاذى

إنت ضربت على وتر بيألمنى جدا والله

أنا أكتر حاجه بتألمنى إن حد يفكرنى بخيل

بس والله العظيم أنا وقتى لو حشرحلك بيتقسم إزاى تستغرب

ولو تعرف بحضر معاكم الندوات إزاى تستعجب

ده غير إنى مشرف على قسم الشعر فى 3 منتديات

لكنى بقالى كام يوم بخلص كل التزاماتى

وبحاول افضى نفسى ليكم

لأن بجد منتداكم رائع

ويستحق إن الواحد يتفرغ له

وياريت بقى لما أفضى لكم تستحملونى ومتزهقوش منى

عموما إقبل إعتذارى مؤقتا لحد ما أصالحك

وبكره فى النادى المصرى إن شاء الله ححكيلك وقتى متقسم إزاى

وأكيد حتعذرنى

سلام مؤقت أستاذى حتى نلتقى على خير

أميرة البدرى كتب:: الشاعر الرائع فؤاد 66

قصيده رائعه فى اجمل المدن

ومن اجمل ما كتب فيها

استخدامك للتشبيهات والتعبيرات اكثر من رائع

رسمت بكلمات اروع التبلوهات الجميله

حبيت اقتبس جزء من القصيده للتعليق

لقيتها كلها مقتبسانى

رائع ما خطه قلمك

تقبل مرورى وتقديرى

أستاذتى المبدعه

شرفت بمرورك وإطرائك

وكلماتك التى فاقت كل القصائد

سعيد ان نال النص إستحسانك

وأتمنى أن أكون دوما عند حسن الظن بى

كل الحب حتى أراك فى نص جديد

الله
كم أنت رائع أستاذ فؤاد
هذه القصيدة من أروع ماقيل عن إسكندرية
تقبل تحياتى

نص جميل و عذوبه و رقه استاذ فؤاد
و بصراحه اسكندريه تستحق الجمال دا كله
تحياتى لك و لحرفك الجميل

أحمـــد علام كتب:: الله
كم أنت رائع أستاذ فؤاد
هذه القصيدة من أروع ماقيل عن إسكندرية
تقبل تحياتى

شكرا لك

كن بخير

رافت المصرى كتب:: نص جميل و عذوبه و رقه استاذ فؤاد
و بصراحه اسكندريه تستحق الجمال دا كله
تحياتى لك و لحرفك الجميل

شكرا جزيلا استاذ رافت

شرفت الصفحة بوجودك

وشرفت الإسكندرية بإعجابك بها

كل التحايا لك

حتى ألقاك من جديد

والشمس تغرب وساعتها بتشرق هىَّ

صدقنى اسكندرية تستحقها

ومش عارف اقولك يا بختك بيها ولا يا بختها بيك

اما الجمله دى بجد اسرتنى

كل الود والتقدير لقلمك الراقى

يكفيك هذه الاغنية الاسكندرانية الرائعة كعذر عن الغياب
فقد قلت فيها ما هو اروع من انتظارنا لكلمات الاعذار
ايها الراقي كن بالجوار

قصيدة رائعه

ومعبره ونافذه الى القلب مباشرة

ماشاءالله جميله

غاوى شعر كتب:: والشمس تغرب وساعتها بتشرق هىَّ

صدقنى اسكندرية تستحقها

ومش عارف اقولك يا بختك بيها ولا يا بختها بيك

اما الجمله دى بجد اسرتنى

كل الود والتقدير لقلمك الراقى

أشكرك اخى الحبيب

على رقة مرورك وصفاء كلماتك

وبجد إسكندريه جميله

وتستحق كل كلمات العشق والغزل

شكرا ليك استاذى

واتمنى ان ألقاك دوما على صفحاتى

خالد الهواري كتب:: يكفيك هذه الاغنية الاسكندرانية الرائعة كعذر عن الغياب
فقد قلت فيها ما هو اروع من انتظارنا لكلمات الاعذار
ايها الراقي كن بالجوار

دوما أخى خالد

أشعر أنى بالجوار

فمن يعرفكم لابد ان يبقى

فانتم نعم الصحبه ونعم الأصحاب

مرورك من هنا اسعدنى كثيرا

فلا تتاخر

كل الحب حتى نلتقى

مروة البسيونى كتب:: قصيدة رائعه

ومعبره ونافذه الى القلب مباشرة

ماشاءالله جميله

شكرا أختى الرقيقه مروه

واتمنى أن تتكرر الزياره فى نصوص اخرى

أتمنى أن تنال استحسانك

فإلى لقاء

الحلوه مش بحر ومينا وليل بحاره

دى تاريخ وفن وميت مدفع وقت الغاره

ومناره للعلم ورايه .. وشوف ويايا

فى المكتبه ألف حكايه وألف أماره

***

مرسى وبوصيرى وقبارى وشاطبى وجابر

وياقوت وبشر وابو الدرداء نورهم طاير

يحضن سماها وميتها .. يبوس رملتها

يملا القلوب بمحبتها بقدرة قادر

الشاعر الرائع / فؤاد ابراهيم

رغم أننى لا أحبذ القصائد المعارضة لقصائد أخرى

وأعتبرها ضعفاً من الشاعر المعارض وخصوصاً أنه يركب نفس البحر

إلا أنك فى هذه القصيدة الرائعة أدرت رأسى إعجاباً .

قصيدة إنتمائية سكندرية عالية الصياغة والشعور والمفردات والثقافة

فأنت لم تكتفى بالوجدانيات بل أستدعيت التاريخ المشرَّف أمام أعيننا

وأنتحيت بنا إلى الجانب الصوفى المختزن فى أرواح السكندريين خاصة

أنت شاعر .. وكفى

أ حييك وأصوت لهذه الحلوة القصيدة .

وهذا ليس تحيزاً لسكندريتى بل للنص.

وداد الهــــــــــــــــوارى

الرائع فؤاد
قصيدة جميلة بحق تتماس مع التراث
و لكنك جددت و اتيت بالجديد و الرائع
تقبل مرورى
أخوك

الحلوة دي خطفت قلبي ونني عنيا
خلتني طاير م الفرحة وكلي سعادة
والبحر سكر مش مالح حلو زيادة
بالذات عشان اللي كاتبها جوا فؤادي
مبروك عليك الفوز يابني وعلى بلاديِ

الشاعر الرائع الاستاذ فؤاد

ألف مبروك وبالفعل تستحق الفوز

بهذه القصيد الرائعه

مزيد من التقدم بأذن الله

» حلم ( الفائزة بجائزة مايو 2012 )
» نحو الإنسان- الفائزة بجائزة نوفمبر 2010
» لـؤلـؤتـى الفائزة بجائزة مايو 2011
» مِسلّةُ وادي القتل ( الفائزة بجائزة مايو 2012 )
» ليلة....تحت المطر الفائزة فى مايو 2010