( للمــرة الثــالثـــة ) هاه

للمــره الثــالثــه
"""""
للمره الثــــالثــــه بـ أقــولهالك
وأدينى اهو بـ أكــــــــتبهالك
إبعــد عنــــــى الله يخليـــــك
وإنسى حنانى وعطفى عليك

****
جاى بتطلب منى الرحمه
وفاكر هـ انسى بسرعة القسوه
ما تفوق يابنى وعيش فى الواقع
لساك غاوى تعيش فى قواقــع

****
تكونشى فاكرنى الشيخة مبروكة
وللا فاكرنى معايا عصا موسى
وبإيدى هشق الميه أطرح ود وحنيه
وهـ انسى أيامى معاك فى التوهه

****

ما خلاص د الحب صبح أوهام
وعمر الخاين ما كان له أمان
وبكفا بقى تنهيد وآهات
ما خلاص يابنى ده جيفارا مات .

السعادة ليا انا استاذ :- طارق منيب

شكراً لمرورك الجميل .. دمت بكل خير .