مابقتش ليك

الغنوة دى كتبتها ليلة زفاف حبيبة قلبى لما حضرت فرحها
وشفت فى عنيها اللى انا هقوله دلوقتى
مابقتش ليك
بس انت باقى ف كل فجر يصحى عينى
ساكن ف روحى وبين جروحى ونن عينى
وف كل فرحة وكل دمعة تبات ف عينى
وانا عارفه انه كتير عليك
حبك يضيع أدام عنيك
جرح الفراق بيعذبك
تضحك ودمعك يغلبك
وانا حسه بيك
مابقتش ليك
**********
خوفك عليا بيمنعك
ترمى السلام
وانا غصب عن بودعك
من غير كلام
والشوك طرح
وسط الفرح
قلبى انجرح
وبكيت عليك
مابقتش ليك
**********
ايدك وايدى اتفرقوا
وسط الزحام
كان حلم صعب نحققه
فوق الألام
هتفوت سنين
بس الحنين
لو رحت فين
هياخدنى ليك
مابقتش ليك

الشاعرة / عزة الزرقانى
اسمحيلى اقدم توضيح بسيط لأستاذتى الكبيرة
( عينى الأولى ) كناية عن النعاس وصوت الفجر يوقظها
( عينى التانية ) كناية عن بقاء الحبيب رغم الفراق
( عينى التالتة ) كناية عن الحزن المتمثل فى شكل الدموع
اشكرك على مرورك وياريت ماتحرمنيش من تعليقاتك وتوجيهاتك
تلميذك النجيب / اسامه

الشاعرة الرقيقة / اميرة البدرى
اشكرك شكرآ جزيلآ على مرورك الكريم واشكرك على مواساتى فى فقدان الحبيبة وربنا يعوض عليا بس انا والله فرحان ليها جدآ وربنا يسعدها وربنا يخليكى لأنك بترفعى من معنوياتى بتعليقاتك الرقيقة اشكرك يافندم ويارب دائمآ منحرمش من مرورك و تعليقاتك على اعمالى المتواضعة

الأستاذ / نزار
اشكر مرورك وتعليقك الجميل ومن فضلك ماتحرمنيش من مرورك وتعليقك على طول

الشاعر القوى / عادل بك عوض
عندما اسمع هذا الكلام من شاعر قوى مثلك اشعر اننى على وشك ان اصبح شاعرآ فى اول الطريق فكلماتك دائمآ تدفعنى للأمام دمت بكل الحب وربنا مايحرمنيش من مرورك الجميل

الشاعر الجميل / محمد مديح
الموقف ده بيحصل كل يوم
طب وايه الحل نعمل ايه
نبطل نحب ولا انت شايف ايه
عمومآ الله يسامحهم
وربنا يعوض علينا
اشكرك على مرورك
يا غالى وربنا يخليك ليا
تلميذك النجيب / اسامه