ريّحتنا

طيّرت النوم من عينى
ونسيت ف هواك الراحة
دايما بالجرح تجينى
منا دلعتك بصراحة

كنت بتزعل وأصالحك
تتقل وأحايل فيك
تسأل من قلبى بجاوبك
ولا مرة كدبت عليك

وأنت بتجرح وتخون
ميت مرة كدبت عليا
قلبى العاشق بجنون
طلّعت عنيه وعنيّا

كان لازم اقسى عليك
وابعد ولا اسأل فيك
واستنى تجيلى بلهفة
والشوق باين ف عنيك

واهو فات اسبوع والتانى
ولا جيت يابو قلب أنانى
لوكنت نسيت عنوانى
يبقى اختارت لنا الراحة
مانا دلعتك بصراحة

الله على البساطه والجمال وخفة ظل النص

الشاعره المبدعه

دينا كامل

خمس ثنائيات كونوا قصيده جميله وهنا ظهرت إمكانياتك

كشاعره كبيره فى تمسكك بالتفعيله والسرد المنتظم والمعنى

المسلسل كل هذا اخرج فى النهايه قصيده رائعه .

تقديرى لقلمك الرائع وقصيدتك الجميله ...

الشاعر الرائع عادل عوض
سعيدة برأى حضرتك جدا
وأتمنى اكون عند حُسن الظن

وأسفة للتأخير ف الرد
نورت يافندم

الجميلة عزة الزرقانى
سعدت بمرورك واطرائك
شكرا على التثبيت
واعذرينى ع التأخير ف الرد لانشغالى الفترة الى فاتت

نورتى

الأستاذ فوزى الشربينى
شكرا للمجاملة الرقيقة
وسعيدة بمرورك ورأيك

نورت يا فندم