إقبلينى

تقبلينى !
إقبلينى
ما أنتى أمى
بأنتظر نسمة هواكى
بألتمس لمحة رضاكى
كل ثانية
فوق خطوط الكف
تيجى تسمعينى
كل يوم
حدوته ليكى
سطر هالل فيه هلالك
جنب منه يكون صليبك
يرتعش كفى بقريتى
تبكى عينى
من فراقك
أعذرينى ما أنتى أمى
شايله همى
قبل همك
قمتى بدرى
تصلى فجرك
وإن ف لحظة قلت آه
تصرخى وتقولى ولدى
وتحضنينى
تندهى كل الولاد
لو تزيد فيه الآهات
تسهرى الليل جنب منى
تدعى ليه
فى المساجد
والكنايس والمعابد
تبكى عينك قبل عينى
ما أنتى أمى
نفسى أكون حافظ لعهدك
نفسى أوفى يوم بوعدك
نفسى أكون فلاح يعمر ف الصحارى
أو أكون بنا يعلى حيطان لدارى
أو أكون فنان يعبر
بالمشاعر يوم فراقك
عن مرارى
ما أنتى أمى
أو أكون كاتب وشيخ
أو أكون حارس تاريخ
أو أكون كلمة ف سطرك
أو أكون .أو أكون. نفسى أكون
بسمة ترفرف فوق شفايفك
تسعدك وتكون طريق لقلبك أنتى
تقبليها . وتقبلينى. إقبلينى
ما أنتى أمى.
أحضنى فيه وضمى. وقبلينى
ما أنتى أمى

اهلا بيك علاء منور وكلام رقيق تقبل مرورى المتواضع

الاستاذ الشاعر المميز / علاء رزق

اهلا ومرحبا بك فى منتداك نوّرت المنتدى

نص مميز لشاعر متميز دمت بكل خير وسلام

سلمت يداك لا تحرمنا ابداعاتك سلمت باعاتك

الاستاذ الشاعر الجميل / علاء رزق


انت اثبت ان انت فعلا رزق لامنا كلنا ( مصر )بهذه السمفونية

الرائعة.

دمت بكل حب

علاء جمال

اللى قابلة الغُرب قبل القرب لازم تقبلك
منت عالاعتاب بتطلب ودها وبتعرفك
اخى الشاعر المتمكن علاء رزق
ايه ياعم الحب ده ؟كله داخل يهنى ويحضن ويبارك
شعبيتك وصلت هنا لآخرها فى المنتد ى واسمح لى
اقولك يامراحب نورت المكان ودايماً متحرمناش من قصايدك الحلوة
التلقائية

كلام جميل طالع من القلب
تحياتى

أخي وتوءمي الشاعر/ علاء رزق
نحن مثلك في انتظار الرد
ربما تقبل أولادها
وإن رفضت
سنقول لها
إقبليني
ما إنتي
أمي

رائع يا علاء
أخوك جابر

كل التعليقات التى وردت على قصيدتى من أساتذة كبار شعراء ونقاد
تجعلنى أشعر بالخجل لما أسمعه من كلمات على إبداعى المتواضع ويمنحنى الثقة فى أن أستمر فى طريق الإبداع أكثر وأكثر
كل الشكر والتقدير للأفاضل الذين مروا بحروفهم المنيرة على قصيدتى فجعلوها مثل الشمس

دفئ - شفافية - فهل ممكن اكون ؟
ولا ممكن نكون ؟
حلم ممكن يكون
وكان الله فى العون
سعيد جدا بهذا الابداع الحسى