يوم ف غزه

بعد ماتوضي وصلي الفجر

قلع خوفه بحكمة وصبر

وراح غزة

وباس حيفا وحضن يافا

لجل ما جرحه يتعافي

وراح غزة

وشاف غزة

دمع قلبه وحس بقهر

وصلي الضهر

ولم اشلاء هنا وسارة

في صوت غارة

وفي الحارة

ملي جيوبه وعبي الشال

بحجارة-

وصلي العصر

وغني غنويتين للنصر

لمح دبابة بتقرًب

علي الاطفال بتتدرب

فتح شاله وقعد يضرب

حشي جيوبه وعمًر شاله

قام شاله

وصلي بيهم المغرب

وبعد الصلاه

ختمها ومشي

سمع صوت في غزة ينادي بحبك

ضحك وانتشي

رجع بيته تاني ل

مراته وولاده

وجاب العشا

وبعد ما اكلوا حضنهم وصلًوا

جماعة العشا

نور

الله عليك بجد

استاذ شريف

نص فى منتهى الجمال والروعة

ولك اسلوبك المميز

دمت ودامت روعتك

دمت بكل حب وجمال وروعة

قصيدة تحث على النضال أستاذ نور
بس فى كلامك
ولم اشلاء هنا وسارة
الجملة هنا تركيبها غريب شويه
يعنى أيه الكلام ده

صفاء ناصر كتب:

قصيدة تحث على النضال أستاذ نور
بس فى كلامك
ولم اشلاء هنا وسارة
الجملة هنا تركيبها غريب شويه
يعنى أيه الكلام ده

لم:جمع
اشلاء:حتت صغيرة
هنا :اسم بنت
سارة؛اسم بنت

عم عادل واحشني

مش عاوز حاجة من هنا؟

استاذة عزة
الشريف

لقب العيلة

سابع جد

اميرة اهتمامك الجميل لا يوفقه روعه
الا رقة كلماتك وتشجيعك

معلش يا استاذ نورالدين الشريف

عديها لى المرادى

وخلاص انا حفظت

دمت بكل حب

أخى الجميل نور
قصيدة جميلة لك أيها الرائع
وطنية جميلة
دمت رائعا كما هنا

استاذ عاطف منور يا افندم