بجد أنانى

قولت بحبَك
أيوة أنا عارفه
قولت كتير
بس حبيبى كنت أنا بحلم
بالتغيير
وأنت فضلت محلّك سر

قولت حبيبتى عشانك هأبقى
أفضل واحد ف العاشقين
صبرت كتير
حقيقى تعبت من التفكير

حبى ف قلبك لا هو بيزيد
ولا بيقل
اكيد راح أملّ

زهقت اكيد
عاوزة جديد
حتى كلامك كله حفظته
واعتذراتك مابتخلصش
كل شوية بتجرح فيا
مابتزهقش؟!!!!

وبقول بكرة مسيره هيعقل
بكرة يقدّر
بكرة اتأخر وأنا مليت
دانا ضحيت بالكل عشانك
ولا حسيت

فاكر إيه؟
هفضل جنبك مش هتكلّم
قلبى ده إيه؟
مانا انسانة ولازم احس
وأنت يهمك أنت وبس

بجد أنانى
كله لنفسك
نفسى ف حاجة تكون علشانى
مانا مش هقبل أفضل جارية
ولا هرجع لغرامك تانى

تسلمى يارب
سعيدة ان كلماتى المتواضعه عجبتك
وإن شاء الله تكونى ديما ف أحسن حال
وماضايقيش نفسك على حاجة

نورتينى

الأخ الرائع أحمد موسى
سعيدة برأيك
وسعيدة بملاحظتك الى ان دلت على شىء فتدل على قرأتك الواعيه واهتمامك
الى أشكرك عليهم

هى ملاحظتك تمام فعلا وكويس انك لفت انتباهى ليها
بس انا اما كتبتها كان المقصود منها
مش انى مش بحس
بس انى بحس جوايا وبس وهو طبعا مش حاسس غير بالى اودام عنيه
فالمقصود
لو كان تفسير انى بعدى الى فات او بكبر دماغى انه عدم احساس
فمن هنا ورايح هحس بقى

ف الحقيقة مانكرش اقتناعى بملاحظتك وبكلامك
لكن كلامى الى فوق ده ماهو الا تفسير للفكرة الى جاتلى وقتها

مرة تانيه أشكرك على قرأتك الواعيه واهتمامك
وأشكرك جزيل الشكر ع المتابعه

نورت

الجميله دينا كامل
قصيده رائعه أحساسها على دايما
ومضمونها رائع ونهايتها جميله
وهى رفضك الرجوع لأنسان
وعد كتير بالتغير لكن دون فائده


فاكر إيه؟
هفضل جنبك مش هتكلّم
قلبى ده إيه؟
مانا انسانة ولازم احس
وأنت يهمك أنت وبس

بجد أنانى
كله لنفسك
نفسى ف حاجة تكون علشانى
مانا مش هقبل أفضل جارية
ولا هرجع لغرامك تانى

دمت رائعه متألقه
تقبلى ودى وتقديرى

الأستاذ عادل عوض
بنتظر تعليقك بلهفة
وبستنى ملاحظاتك
يبدو ان القصيدة كانت محتاجة منى بعض المراجعه

شكرا يافندم لاهتمامك
ومرورك الكريم

نورت

الرقيقة أميرة البدرى
مبسوطة ان كلماتى المتواضعه نالت اعجابك

شكرا للمتابعه
نورتى

الأستاذ سامح الكومى
شكرا ع المجاملة الرقيقة
سعيدة ان كلماتى المتواضعه نالت اعجباك
واتمنى اكون عند حسن الظن

نورت

الشاعر محمد مديح
سعيدة برأيك
وإن شاء الله أكون عند حُسن الظن

شكرا للمرور الكريم

الشاعرة المتألقة جدآ

دينا كامل

نص رائع جدآ جدآ

ولا ينقصه سوى ما قاله

أخي أحمد موسى

وبقول بكره مسيره هيعقل

بكرة يقدر

بكره اتأخر وانا مليت

د انا ضحيت بالكل عشانك

ولا حسيت

رائع رائع رائع

تقبلي مروري المتواضع

أخوك

عمرو زيتون

الأستاذ عمرو زيتون
شكرا للمجاملة الرقيقة
وإن شاء الله اخد بالى المرات الجاية

شكرا للمرور الكريم

ربنا يكرمك يا محمد
وشكرا على تشجعيك المستمر

نورت

ربنا يخليكى يا قمر
شكرا ع المجاملة الرقيقة دى .. والتثبيت

وأسفة ع التأخير ف الرد

نورتى

تسلمى يا منة .. ربنا يخليكى
بس انا اسمى "دينا " مش حنان

نورتى ياقمر