هــايـمـوت واســامـحـه

هايموت واسامحه .. وعايزنى اصالحه
طب جرح قلبى اعمل فى ايه
ياويله منى ..مش هوا خانى
واتخلى عنى اسامحه ليه
هوا لسه شاف منى حاجه
ده اللى قولته مش كل حاجه
بكره يبكى بدمع عينو لما يخسر كل حاجه
يبقى طيب لو يفكر انى ممكن تانى اصالحه
هايموت عليا واعمله ايه
انا لسه قلبى غضبان عليه
غدار انانى..باعنى ورمانى
ارجعله تانى..لا ده بعينيه
النوع ده لازم تقسى عليه
علشان يبانلك كل اللى فى
لاكن تهاوده ..هايذيد فى عنده
وتقل عنده..وتهون عليه

قلب يضحي بكل ما عنده ومبيشكيش
القلب التاني اتعود ياخد ولا يديش
بس الحب ف قلب اناني صعب يعيش
ايوة الحب ف قلب اناني صعب يعيش

غنائية حلوة قوي يا سامح
بس يبقى اسمك سامح ومترداش تسامح
ههههههههههههه
فكرتني بالمقطع ده من غنوة كتبتها زمان
ربنا يسامحك قلبت عليا المواجع
لو عايز رأيي سامح بس اوعى تصالح

الله ينور يا حبيب قلبي
بس المسامح كريم

قصيدة غنائيه محترمه
تكرم يا باشا

قصيده غنائيه اكثر من رائعه يا سامح
قلبى جواك هيهون عليك
وبقساوتك تقتل ايديك
اللى ياما حضنت ايديا
وبتمسح دموع عنيا
طب هقول لقلبى إيه
قولى أرد أقوله إيه
أقوله باعك
أقوله خانك
أقوله حبك مالوش تمن
مانت الألم

تقبل تحياتى

ميرسى ليكى ياسلسبيل على الكومنت الجميل ده
وعايز اقولك انك ممكن تسامحى فى اى حاجه
الا الخيانه
لان اللى بيخون مره يخون الف مره
وربنا يبعد عننا الخيانه والخاينين
وسعيد جدا بالتعرف عليكى
وبوجودك على صفحتى
ولو كنت اعرف انك هاتمرى من هنا
كنت هافرشهالك
Very Happy

حبيبى يااحمد ربنا يخليك ياقمر
واذا كان على حكايه اسامحه دى
فانا سامحتها كتير اوى
وكفايه عليها كده
يظهر ان ديل ال.... عمره مابيتعدل

الله عليكى ياصدفه
رهيبه اوى
انا لو اعرف ان وحى كلامى
هايعمل كده ويطلع الجمال ده كله
منك
كنت كتبت كل 3 دقياق
ميرسى ليكى يااحلى صدفه على كلامك وردك
Very Happy

الشاعر المتميز / سامح الكومى

أرجع له تانى .. لأ ده بعينيه
النوع ده لازم تقـسى علـــــيه
عشـان يبان لك كل اللــى فيه
لكن تهــــاوده ح يزيد فـ عِنده
وتقِـل عَـــنده .. وتهون علـيه

أغنيه جميلة تثير الحزن لمدى ما تنضح به الكلمات
من ألم الصبر الذى قد فاض من كثرة السماح .
إنت صح .. إوعى ترجع له تانى .
أبدعت يا شاعر
وداد الهـــــــوارى

ميرسى ليكى جدا يااقوى شاعره فى الدنيا
واخيرآ لاقيت حد جه فى صفى
وانا اوعدك هاعمل بالنصيحه الغاليه دى
وعمرى ماهارجعله حتى لو مات Wink

الشاعر الرائع سامح الكومى
قصيده جميله ورائعه ومتميزه
عندك حق ياسامح فعلا لو انت سمحت كتير
وبرضه ملقتش اى تغير يبقى مش لازم تسامح
لانك اديتله امان لكن هو باعك وخان
وحافظت عليه كتير واستحملت كتير
لكنه فضل فى خيانته يبقى عندك حق
وربنا يكفينا ويكفيك شر الخيانه
دمت بكل سعاده وخير

والله ياابله اميره
الخيانه بقت طبع
فى كل الناس
زى الضحك كده
يعنى انا اعرف واحده
انا اه مش كنت بحبها
ولا كنت بطيق سيرتها
بس كانت بتحبنى ومش
حب غيرك والافلام الهندى دى
وفجاه لاقيتها مع صاحبى
بتحبه بنفس الطريقه
وعملت كل حاجه معاه
زى ماعملت كل حاجه معايا
تخيلى قمه الكدب والتمثيل
اللى كانو فيها عاملين ازاى
يعنى واحده تقنع الناس كلها
انها ملاك وتكتشفى انها
العن من الشيطان
اعوذ بالله من دى ناس
المهم متشكر جدا على نصيحتك
لانى كده كده اصلا مش هاطيق ابص فى وشها
بعد اللى حصل لانها مش هايكون عندها عين
ترجع اصلا ميرسى على الكومنت اللذيذ ده منك