هــــــي حصلــــــت

هي حصلت
تعدى عليا عينيك فى عينيا
افتح قلبى وامد ايديا
تعمل مش شايفنى وماتسلمش عليا
هي حصلت
تتكبر على اللى قواك..خد ايدك لفوق علاك
مش هاين عليك تتكلم ..وتمد الايدين وتسلم
وسايبنى لوحدى اتألم ..ولا فارق عذابى معاك
هي حصلت
تنسا حب غالى ..تنسا احلى الليالى
تنسانى انا
ده انا كل ذكرياتك..والحلو اللى فى حياتك
مش برضه انا..؟
ياعينى عالليالى والدنيا والزمن
بتبيع اللى اشتراك وخلالك تمن
هي حصلت
تعدى عليا عينيك فى عينيا
افتح قلبى وامد ايديا
تعمل مش شايفنى وماتسلمش عليا
بتعجب على الانسان ..الخاين مالهش امان
تأمنله ويغدر بيك..بسهوله يفرط فيك
ولا تبكى عيونه عليك..ولا يرجع يقول ندمان
هي حصلت
مطمرش فى حنانى..الاسى الانانى
بيجرح قلبى انا
انا اللى اديته عمرى..ملكته كل امرى
فضلته عليا انا
خليك شاهد ياجارحى يادمعى ياالم
ظالم وجى يشكى ويقول انو اتظلم

ياعم سامح اللى حصل حصل وميستهلش لن تلوم عليه
جميله والله واحساسك هنا جميله والكلمات اجمل
بس قولى نفسك مين يغنيها
سعيدة انى المرور الاول
اة صحيح وانت ليه ما ردتش على قصدتى

العزيز سامح
غنائية جميلة و تمضى فى درب الأغنية الذى اتمنى
أن يكتب لك النجاح فيه
لى ملاحظة واحدة بعيدا عن الوزن
فى كلمة ( جارحى ) و تقصد ( جرحي ) أما جارحى كما كتبتها
فهو اسم علم ( ابن واحد صاحبى متعرفوش )
ههههههههه
خالص الود

الشاعر الرائع سامح الكومى
سوبر استار القصائد الغنائيه
تحفه بجد تسلم ايدك الله عليك وعلى روعه
كلماتك واحساسك انت بجد ملكش حل
فى اختيارك لمضمون الاغنيه
وليك طريقه مميزه فى كتابه الاغانى
بحس انى وانا بقرأ القصيده ليها لحن جميل
فى ودانى
دمت متميز ورائع كعادتك
تقبل مرورى وتقديرى

ياعينى ياعينى

على الروعه والجمال

حلو وجميل

ياسامح وكلامك دلال

ومين اللى اكلم عليك ولا قال

ومين اللى يقدر عليك كدا يتغندر

دا انت جميل وشاعر خطير

وعندى دليل بأنك كبير وفنك دليل

وازاى بس نتنسى اعمالك

الجميله لطاهر الشيخ

عمل جميل بجد سعدت به

دمت ودامت روعتك

دمت بكل حب

اولا منوره يامنه الدنيا كلها
ثانيآ اشكرك على كلامك الجميل اوى اوى ده
ثالثآ الاغنيه دى فعلا فى مطرب بيغينها
ونزلت الاسواق من فتره
مع عادل الخضرى فى البوم
الاحساس بالظلم
رابعآ وده الاهم طبعا
انا مارضتش ياستى على قصيدتك
لانى ماكنتش بدخل والله وانتى عارفه طبعا
مدام ببقى موجود لازم ارد على اى قصيده ليكى
ميرسى ليكى ياقمر على مرورك الجميل اوى ده

هههههههههههههههههههههههه
ميرسى على المداعبه الرقيقه دى
يااستاذ عاطف
تحياتى ليك

ميرسىىىىىىىى
يامرررررمرررررررررر
والله انتىىى اللى سووووبرررر استاااااار
وفنااانه جاااااااامددددده جددددددددددااااااا
واااان شااااااااء الله هاااتكسبىىىىىى
فىىىىى المساااااااااااابقه

شهـــــــــــــــاده اعتز بيها
من شاااااعرررره قويه جدا
زيك يامدااام عزززه
وليا الشرف طبعا
ان تنول رضاكى كل اعمالى
خالص حبى وودى وتقديرى