يناس حرام عليكوا
يناس الرحمه شويه
فى ناس تحت منكوا
محتاجه نظرة حنيه
طب حبة انسانيه
هى الحكايه ناقصه
هى لسه طالبه كمان افترا
دحنا اتهرينا م الغلا
هو يعنى الفلاح كان ناقص
ماله هو بشغل الطرق
عايزين توسعوا
عايزين تخططوا
عايزين تطوروا
والله مفيها حاجه
ولا احنا نقدر نقول فيها اى حاجه
بس احنا ايه دخلنا
فى الموضوع ده ايه يخصنا
ايه ذنب ارضنا
تموت وتندفن
تحت رمل المشروع الجديد
اللى اسمه تخطيط طريق
دحنا الفلاحين الغلابه
الشقيانين
التعبانين
احنا اللى بناكل لقمتنا بعرق الجبين
احنا اللى بنكافح طول السنين
ويشهد التاريخ ويا الزمان
اكم من فلاح كافح ومات فدا حفنه من تراب الارض دى
ولما تاخد ارضى منى
فين اروح انا والا ابنى
عينى عليك ياطين الارض
ياللى ياما رويت وارتويت
عينى عليك ياعود القمح
يالى انداس عليك واتبدل الحال بيك
عينى عليك ياشجر القطن
يالىكنت منور زى البدر
راحت عليك يادهبنا ياأبيض
بيقطع فى قلبى فراقوا
بس كان لازم اجى اودعكو
وخلاص بطلت فلاحه
وهروح اشيل فى الرمل
ايوه هشتغل أجرى عند الاسياد
هشتغل اى حاجه
لاجل م لاقى الفتات
مهى خلاص بقت دمار
بقت موت وخراب ديار
الأحد نوفمبر 17, 2024 9:53 pm من طرف 
موضوع: 24 قيراط.... 
