في لذاتك

"في لذاتك "
مذلاتك في لذاتك
ملذاتك في زلاتك
وذاتك
تنقلب جواك على ذاتك
فمش ذنب الشموس لما
حاولت تطفي أنوارها بنفخاتك
فطفاتك
ومش ذنب الحصان لما
رهنت عليه حساباتك
صهل بالخوف
وفي خط السبق فاتك
لوحدك في انكساراتك
فان فاتك
تقلب في ملفاتك
تراجع كل ما فاتك
أنا عارفك
وقاري كل صفحاتك
فمتقليش أنا المظلوم
وتتلوع باهاتك
بداياتك طريق انت اللي خطيته لنهاياتك
ودلوقتي انا عايزك
تبطل بص للدنيا في مراياتك
واقف ع الحد بين حظك ومأساتك
وشيل حلمك على كفنك
ووقف كل ساعاتك
ولما تبتدي تحرك
زمن تاني بدقاتك
بلاش تغرقلي من تاني
في لذاتك
وزلاتك
لأن القصة إن الدنيا لاقاتك
كيان ناقص
فرباتك

الله عليك فعلا بيعجبنى جدا التفرد ويمكن دة اللى حاولت أقكر فية غى الفترة الأخيرة والبركة فيكو أولا أحيك حرفية الأستخدام للفظ وأستغلالة ف تنوع المعنى تانيا أحيك على الفكر العالى السابق لسنكاللى أنا شخصيا بتعلم منة تالتا على أستخدام التفعلية والتمرد فى الأصرار على التطور بأستخدام ألقاظ متفردةووضعها فى هذا القالب الموسيفى الرائع وأخيرا ةليى أخرا أحيك على النهاية التى توضح البعد فى الرؤية الشعرية عندكوأخيرا أحيى منتدى عاطف الجندى الذى عرفنا بالمبدعين أمثالك خلقا وأبداعا

والله ابداع يا حناطى

تفرّد أيوة فى الماضى

معايا يكون وف الآتِ

فمقدرتش اسكت عنى أناتى

وما سكتش الكلام منى

بيسكننى عاوز يصرخ

يقول ابداع يا حناطى

الشاعرة الجميلة رشا فؤاد أنا قررت ان اللي يعلق الأول على عمل ليا هديله ورده وليكي عشان نصك الرائع اللي سمعته في الندوة وردتين تقبلي تقديري واحترامي

الشاعرة الرقيقة هناء سعيد تحياتي ومودتي وتقديري لمرورك الذي أسعدني للغاية

نشكر زوقك الرفيع وأهتمامك بأعمالنا المتواضعة

الشاعر الجميل محمد الحناطى
الله عليك بجد روعه فى الاحساس والمعنى والمضون
واختيارك للمفردات والتعبيرات غايه فى الابداع

من ذاتك كتبت احلى كلام موزن
وكان مكنون
فى قلبك جوه صفحاتك
وظهرت كل أهاتك
ولمحاتك
ففاضتت أحلى كلماتك

تقبل مرورى وتقديرى لقلمك المبدع
عاشقت كلماتك
أختك أميره البدرى
تقبلى مودتى

الشاعر الراقي والمحترم طارق منيب فخور بمرورك وكلامك وسام على صدري

عمرو زتون انت كمان ابن.... حلال مصفي واوعى اشوفك تاني انزل نص من غير ما ترد

الشاعر الجميل المتألق والمتميز جدا جدا
الاستاذ محمد الحناطى

تحياتى وتقديرى واشكرك عل امتاعنا برائعة
من روائعك الفلسفية واعجابى بتميزك وتفردك
فى الصياغة الشعرية

دمت بكل خير ومحبة ودام ابداعك الرائع
وتقبل مرورى المتواضع

الشاعر الراقي والرائع فوزي الشربيني تقبل تحياتي وسعادتي بمرورك الرائع الذي اضاء قلبي قبل أن يضيء صفحتي

ارد عليكي ازاي يا استاذة عزة ايه رايك في ثلاث وردات كل ورده ليها معنى

الله عليك يا استاذ محمد يا جميل ايه القصيده الجمده دى

يا حناطى
ده العادى منك
العادى بتاعك انك متميز ومبدع كبير
اه على فكره انا بنفسن عليك
يالا انتا عارف رأى
وكنت سعيد انى اول واحد اقرا الرائعه دى واقولك رائى بصوتى
تمام يا معلم
عموما برصوا مستنى منك هوارى
تقبل كل حاجه حلوه بهديهالك
دمت بكل خير

استاذي الشاعر الجميا عادل عوض سند أنا بحبك بجد شاعرا وانسانا وأي رد منك أنا مش بس بعتبره من استاذي لأ من حبيب قلبي تقبل مودتي

غزل العيون نورتي الصفحة واوعي تعتبري ده غزل واذا كان فهو غزل العيون

سقط سهوا الرد على الشاعرة الرقيقة أميرة البدري مروركم اسعدنا وان شالله دايما

سحر العيون داريها السحر دايب فيها أحلى رد ومشاغبة في نفس الوقت تقبلي مودتي وتقديري واحترامي

والله يا استاذ عاطف معك حق فيما قلتله وخصوصا في كتابة (تغرق لي ) وأشكرك على هذه الملاحظة ويارب نكون عند حسن ظنك دائما