الا كرامتى

الا كرامتى
لما أكون تايه فى الكون وفى وجودها بلاقى نفسى
وتعدى عليا المحن وولادها يفكوا ضيقتى
ولما بزعل منها بحنلها ونيلها هو قدرى
وفى حبها بدلنا المستحيل وفخور بأنى مصرى
بس لو فاكر نفسك هتكسرنى هقولك الا كرامتى
فأنا المصرى طول عمرى رافع راسى
وكرامتى عندى هى عهدى وميثاقى
واسال تاريخى لو عامل نفسك ناسى
دى مصر هى الأميره ونظرة عيونها بتهدى كل عاصى
فأنا المصرى أطوف وأدور بين السنين فارس وحيد
بعزه نفسى بنيت قصور وفى حبك يا مصر أموت شهيد
والغدر مش طبعى والخيانه عندك ساكنه وبتزيد
ألا حقى وتارى هاخده حتى لو كسرت الحديد
بتقولى خونه
وطول عمرنا بنصون العرض
طب فين العروبه
أزاى وأحنا خير أجناد الأرض
أتخدنا غدر بس وحياة اللى خلقك بلد الأمن والأمان
وكرمك فى قلوبنا فى الكتاب والقراءن
هخدلك حقك وأدواى جرحك وأطوى كل الأحزان
واللى أتجرأعليكى هيكون جوه نفسه سجنه وأنا السجان
ماأنتى العزيزه الشمس اللى بتعدى حدود الزمان والمكان
انتى أمى يا حاميه كل الأوطان
بحبك يا مصر وحبك جوايا سارق حدودى
عصفور بيغنى ويرفرف بيزرع ورودى
وعلمك دايما مرفوع من ايام ابويا وجدودى
وكرامتك فى قلبى هى سبب وجودى
بحبك يا مصر

الشاعرة عزة الزرقانى كتب:

الله عليكى ياصدفه

بجد مش صدفه أنتى حقيقه

وحقيقه واضحه كمان

وطنيه مصريه

قلبك على الاوطان

ايدك ف ايدنا نعلى ونكبر

نظهر بقى ونبان

نصبح بحب الوطن

سهم لعدو جان

دمتِ ودامت روعتك

دمتِ بكل خير وحب

خاطرة جميلة يا صدفة
و معبرة جدا
تسلم الأيادى
اللى كتبت

اشاعرتى الكبيره عزه الزرقانى سررت بوجودك فى صفحتى وباعجابك بكلماتى المتواضعه فى حب مصر اتمنى منك المزيد من تشجيعى دائما

الاستاذ سامح الكومى
اسعدنى جدا مرورك واعجابك بكلماتى
ويسعدنى ايضا اعجابك باسمى
اتمنى ان تنال بقيه اعمالى اعجابك

استاذى الكبير عادل عوض سند سررت بمرورك على عملى واعجابك بكلماتى
واتمنى ان اراك ضيفا كبير وقدوه عزيزه فى اعمالى القادمه

الجميله جدا اميره البدرى
اعجبنى ردك الراقى والرقيق على كلماتى واسعدنى جدا بدخولك صفحتى

الاستاذه بنت النيل فانت بنت مصر واعجابك بكلمات مصريه يسعدنى جدا
فلكى ولمصر الكرامه دائما
سسررت بمرورك

سيدتى الجميله القطه السوداء
فصفحتى المتواضعه هى التى سعيده بمرورك وردك الراقى الجميل