طلب اعتقال

أستاذ عمرو مبروك الفوز
و قصيدتك جميلة جدا
دى كما تستحق الفوز
و اكبر فوز ليا أنى أقراها هنا

مشممكن بجد تطور غير عادى من شاعر غير عادى مشكلة فعلا أنت قريتها وأنبهرت وعايزة أقراها تانى وتالت ورابع وكتير أةى لأنها أبداع يفوق الأبداع بجد علمنا معاك الحاجات الحلوة دى ربنا يكرمك ويديك الذى تتمناة وأتمنى أشوفك يوم السب مع شعراء أسكندرية

الابن العزيز الشاعر المتألق والمتميز جدا
الاستاذ عمرو شاهين

اولا مبروك عليك جائزة شهر اكتوبر
فانت تستحقها عن جدارة

ثانيا قصيدتك الرائعة طلب اعتقال
عملتلى انا شخصيا حالة انبهار
واعجاب واستمتاع

دمت بكل خير ومحبة وادام الله عليك هذ الابداع
وتقبل مرورى
وشكرا

طلب إعتقال
ومتحسبيش
علشان ما قلبى لسه ب يسبّح ب إسمك
إنى ها أقبل إنك إنتى تحلي قيدك
من على قلبى الضعيف
ولا تحلميش
إنى هانزل نص ركبه
استنى من نجمك بشاره
ويدهالى
ف أنطلق بين الصحارى زى عنتر
و أغزل الكلمات بلاد
تبقى فيها إنتى الأميره
مسجون أنا
وطالب العفو ب إنك
تسمحيلى أنعزل ف الإنفرادى
ومن الساعه دى
عايز أكون مسجون وحيد
ف قلعه العشق الملانه
ب نص دستة مجرمين
متجمعين
ف أوضه واحده
فيها بس أربع سراير
اوضه واحده
و رغم ضيقها ف المساحه
ولكنها
واسعه جدا ف المشاعر
وإذا كت جنايتى
انى خاطف م الحياه
بلاص عسل
مكتوب عليه إسمك
ك منتِج للسعاده
والعقوبه
هيا حبسي جوه سجنك دقتين
ف ياريت قانونك كان عاقبني ع النوايا
وكييّف التهمه ب انى
كنت ناوى أخطفك عز النهار
ودى جنايه حدها
انى اتصلب
على سيل كرات حبك هناك
جوه شريانك ..وحيد
وإذا كان قانونك شايف إن الفعل
لا يمثل إدانه
ف اسمحيلى
أعتصم
وأعمل شغب
و أتهم قلبك بقى
ب أقسى أشكال الخيانه
مش لأنى م المعارضه
لأ
عمرى يوم ما دخلت فيهم
ولاحتى ب أفهم ف السياسه
لكن لأنه دى الطريقه
اللي بيها
تمضي على أمر إعتقالى
وأرجع سجين ف قلعتك
ف أوضه واحده
بس خاليه م السراير
فيها كام بلاص عسل
و رغيف أمان
وصوره ليكي

الله عليك ياعمرو
بجد روعه وفوق الخيال
تصويرات وتشبيهاتك ملهاش حل
اتمتعت كتير بقرأه القصيده دى جدا
الشاعر المبدع عمرو شاهين
تستحق الاف الجوائز
على اشعارك الممتعه جدا الهادفه
تقبل مرورى
مزيد من التقدم
دمت بكل الخير

ابويا
انا اسرق لقب سامى عقل
وابقى انا صائد الجوايز
صعبه اوى دى
ده سامى عقل
مش اى حد سااااااااااااااااااامى عقل
والله يا ابويا انا راضى بالعدس لو من ايدها
راضى بالمر لو هيا اللى عملاه
من صغرى اتعلمت احب
ولما كبرت عرفت انى بحبها
اهم حاجه متقلبش ديموقراطيه دلوقتى وتقولى حقوق انسان وترفض تعتقلنى
تقدير كبيييييير من رائد من اكبر رواد الشعر العامى
تقبل فائق احترامى وتقديرى واعزازى
دمت بكل خير

الورده الحمرا
اذا كانت الورده الحمرا تعبر عن الرومانسيه
فورده المنتدى الحمرا
هى اصل الرقه
التى تظهر فى تعليقك الرقيق
الله يبارك فيكى
واكبر جايزه ليا انى اشوف تعليق حضرتك
(همسات رقيقة فاحت بها الشفاه
حيث خرجت من القلب تتموج حد اللمعان
تسأل عن حبر بلل مداده كل الصفحات
وعبر بعشق عن كل الآهات)
اما الكلام ده ف من رقته مش لقيله رد
تقبلى فائق احترامى وتقديرى
دمتى بكل خير

الرائع " عمرو شاهين "
تثبت يوما بعد يوم إنك جدير بالريادة في جيلك
فأنت شاعر تبني قامتك بتأنٍّ وتسعى لامتلاك ناصية الشعر بحكمة
قد لا يمتلكها الكثيرون من أبناء جيلك
ما أروعك فأنت تستحق كل تقدير واحترام لتلك الموهبة الصارخة
القادرة على توظيف القالب الشعري لخدمة حداثة جيلك
تقبل مروري واحترامي لشاعريتك المتفتقة
الاستاذ الراقى النادى
عبد الله جمعه
ايه ده كله
انا مش حمل الحاجات الكبيره اوى دى
كلام كبير اوى انا فعلا بقف قدامه عاجز عن الرد
كل كلمات الشكر لاتكفى
الى لقاء قريب يمكن ساعتها تكون عقده لسانى اتحلت واعرف ارد
تقبل فائق احترامى وتقديرى واعزازى
دمت بكل خير

زهره الاسكندريه
وزهرتنا الزرقاء
ورقيقه المنتدى
الشاعره عزه الزرقانى
الرد
لا تعليق
معنديش كلام
خلص الكلام
مش عارف ارد على كل الرقه والرقى ده
انتوا يا اعضاء منتدى عاطف الجندى مش عايزن شاعر يرد عليكوا
انتوا عايزين فطاحل الشعر عبر العصور علشان يردوا على تعليقاتكوا دى
زهرتنا الزرقاء
تقبلى فائق احترامى وتقديرى واعزازى
دمتى بكل خير

الاستاذه والخت الكبرى
رشا فؤاد
لما يبقى تطورى انا مش ممكن وغير عادى
يبقى انا اقول عليكى ايه
اكيد طبعا يوم السبت
تقبلى فائق احترامى وتقديرى
دمتى بكل خير

المبدع الكبير
الاستاذ فوزى الشربينى
انا فى غايه السعاده ان قصيدتى عملتلك حاله الانبهار والسعاده
والله يبارك فيك
اتمنى ان اراك فى ندوه المنتدى السبت القادم
تقبل فائق احترامى وتقديرى
دمت بكل خير

الاستاذه الرقيقه اميره البدرى
اطراء اتمنى ان استحقه
وشهادتك وسام على جبينى
ومرورك الراقى لا رد له سوى ورده بيضاء
تقبلى فائق احترامى وتقديرى
دمتى بكل خير