مش لاقى فى وصفها كلمات

مختلفة عن كل الامهات
مش لاقى فى وصفها كلمات
وكل الشعر اللى فات
عجز ادامها ومات

مليانة طيبة وحنينة
ودايما قريبة منى انا
بتخاف عليا
وحاسة بية
وبتشوف فى عينيه
كل اللى بحس بيه

اقول تانى ايه
داللى قولت عليه
ميكفيش حاجة
مللى انتى عملتيه

الليل بطوله كنتى بتسهريه
واللى انا بقوله انتى بتصدقيه
واللى بتمناه عشانى بتعمليه

عيشتينى فى حنانك
حسستينى بأمانك
محدش يملى مكانك
يا احلى واغلى أم

فى حزنى بتفرحينى
وفى فرحى بتزودينى
ومنورالى سنينى
يا احلى واغلى ام

دأنا لو عشت حياتى أوفى جمايلك ليا
هتخلص كل حياتى وليكى افضال عليا

انا بتمنى رضاكى
عايش على دعاكى
دى دعوة منك يا امى
بالعالم واللى فيه
اقول تانى ايه
داللى قولت عليه
ميكفيش حاجة
مللى انتى عملتيه
:

اتمنى تنول اعجابكم
سنى19 سنة