أبــكــى ياعــيــن

دموع عينيا اشتكت من حزنى ومن همى
والكل فاتنى ومشى حتى اللى من دمى
ابكى ياعين واصرخى البخت ليه مايل
الناس بتفرح وانا عالفرحه بتحايل
مجروح انا وتعبت انا من قوله اااااااااه
دمعه تجر دمعه واه بتجر اه
ونار فى القلب والعه وضاع طعم الحياه
---------
النار النار فى القلب النار من غدر الناس بتذيد
كل مانرتاح ونداوى جراح بتفتح جرح جديد
ماكفايه جروح وكفايه دموع وكفايه عذاب
ارحمنى ياقدرى وسيبنى ينوبك فيا ثواب
مشتنى وراك وواخدنى معاك على فين ماتقول
وسمعت كلام وشبعت ملام واهات على طول
لا يادنيا سيبينى يادنيا انا مش حمل جروح
---------
ده انا ياما اسيت وشكيت وبكيت والعمر منى راح
حبيت وهويت وكتير اديت وماخدتش غير جراح
حبيت الناس وامنت لناس طلعم خاينين
خدوا عمرى ياناس وسابونى وراحوا لناس تانين
عديت انهار وشربت مرار من اغلى حبيب
وصادفت عذاب مش اى عذاب وبقول ده نصيب
ايه يازمانى فاضل تانى ازعل وابكى عليه
---------
اه ياقلبى واه مالدنيا واه من ظلم البنى ادمين
ده الغالى باعوا والشوق جرحوا وهانشكى ياقلبى لمين
وهانهرب فين من دمع العين ومن المكتوب
ونروح على فين ده انا ويلى ويلين ولا قادر اتوب
بكينى يازمانى واجرحنى كمان مانا جرحى كبير
وتعبت خلاص وصبحت خلاص للجرح اسير
بيع يازمانى زيد حرمانى مهى مش فارقه كتير
---------
مع جرحى بعيش مانا غيره ماليش الكل فاتونى خلاص
لا انا لاقى حبيب ولا قى طبيب جرى ايه فى الدنيا ياناس
ماتقول يازمان فين حب زمان فين الاخلاص
مايكونش زمان وليالى زمان بقوا ذكرى خلاص
لا لا لا ياسنين ماحناش ناقصين احزان ومرار
هانصدق مين ونكدب مين ده العقل احتار
هانسى عذابى واقفل بابى من دلوقتى خلاص
---------

الرائع سامح الكومى
هى قصيدة جميلة تسجل معاناة شاعر
تولد من هذه المعاناة أبيات رائعة
و خط بيانى متصاعد لك
و قد حفلت القصيدة بالصور الجميلة التى تحسب لك
همسة
( ده انا ياما اسيت ) كلمة اسيت تكتب قاسيت و ستقرأ بالعامية
فلا تخش شيئا
دمت جميلا
أخوك

الف شكر يااستاذ عاطف على المعلومه
وتحياتى ليك على مرورك المشرف

الاستاذ الشاعر
سامح الكومى
جميل ان نرى التنوع فى اعمال الشاعر
وهذا العمل الجميل لهو بالفعل جديد فى طريقة التناول
والنظم بالنسبه لأعمالك السابقه
دمت دائماّ متجدد وفى تقدم كما نتمنى
كل التوفيق مع خالص تقديرى ...

صور جميلة يا أخ سامح
لا حرمنا الله منك

الرائع الجميل المتألق

سامح الكومى

والله جميل بجد

شاعر أغانى مالكش حد

بس ليه غالب عليك

الحزن ووجع القلب

دى لسه الدنيا بخير

مهما قاسيت وقبلت

صاحب ندل وقل

فا نصيحه منى

أو حتى حل

أوعاك تمل

بأهلك تكل

قوم وبدء بنفسك

وخليك أنت حلو

و

وعجبى
ياسلام عليكى يااحلى شاعره فى الكوره الارضيه
حتى بتحلى مشكلتى بشعر وكلامك كله شعر ومعانى
والله كتير علينا كل ده
بجد انتى احلى حاجه فى الدنيا الواحد ممكن يفتخر بيها

طب مش ممكن اقدر انسى انى ارد على عمى
وعم الشعراء كلهم واللى يزعل يزعل
استاذى عادل عوض سند تحياتى ليك
على اهتمامك ونصايحك الغاليه
وخد بالك انا طماع وبحب اسمع كلامك اوى
شكرا ليك على مرورك الجميل

اختى المفضله بنت النيل
اشكرك جدا على مرورك
واهتمامك بأشعارى مع انى مقصر معاكى
بس اعزرينى والله اصلى مش بدخل كتير
واسيب ردود
بس بجد انا فاخور بيكى جدا وفاجور اكتر بردودك

سامح الكومى كتب:: وعجبى
ياسلام عليكى يااحلى شاعره فى الكوره الارضيه
حتى بتحلى مشكلتى بشعر وكلامك كله شعر ومعانى
والله كتير علينا كل ده
بجد انتى احلى حاجه فى الدنيا الواحد ممكن يفتخر بيها

مش قوى كدا

يا فنان

لصدق وأتمرع بعدين

وأنا بتلكك ههههه

دمت بكل خير وحب

سامح الكومى كتب:: وعجبى
ياسلام عليكى يااحلى شاعره فى الكوره الارضيه
حتى بتحلى مشكلتى بشعر وكلامك كله شعر ومعانى
والله كتير علينا كل ده
بجد انتى احلى حاجه فى الدنيا الواحد ممكن يفتخر بيها

الحقيقه يا سامح أنت بجد فنان

وقليل دلوقت أن تلاقى حد

فنان بالفطره طبيعتك هى كدا

لا تتحدث إلا فن

ولاتكتب ألا فن

دمت رائعا وفنان راقى

الشاعر المبدع سامح

وصلت الى قمة الابداع والروعه بكلمات هذه القصيده

فزدنا منها ازادك الله نعما

بنت الصعيد

ريمى Shocked