الدنيا وعمايلها

أميرة البدرى كتب:: الشاعره الجميله هناء سعيد
قصيده جميله ورائعه
كتبت بأتقان ورسمت بأيد أحلى فنانه
فأخرجت أروع التعبيرات والمفردات
بالرغم من كونها قصيده عتاب
مزيد من التقدم بأذن الله
كل عام وانتى فى أفضل صحه وحال
تقبلى مرورى وتقديرى

الرائعة اميرة البدرى

كل لحظة وانت طيبة

أشكر مرورك الغالى على هذا النص المتواضع فى عتاب الدنيا واتمنى ان يكون عتابى فوقها شويه

وتخف عنى عمايلها

مودتى ووردتى

هناء سعيد كتب:

عشان اخلص من الأيام
ووقفتها
قصادى فى كل خطاويا
وف عنيا
بترسم خطه للأحزان
بتتنفذ بحذافيرها
وقافله سككها قدامى
مابوصلشى لأى طريق
بداديها وأغنى لها
وانا جازه على سنانى
وقدت لها صوابعى العشره
كالشمعه
تنورها ليها ايامها
وتدفا بقنديلها
وموش عاجب
وراح تَعَبى معاها بلاش
ماهمتهاش
ومش طايقه عمايلها
ولا كات مره عاجبانى
و بحايلها
ونقشتْ للهموم صوره
ومحفوره ف ملامحها
وسنّت ليا أنيابها
وهبشتنى
ملامحى مشوهه منها
ولا بااشكى
وبتمنى الرضا ترضى
وأقول يا بت سايسيها
منين ما ترسى دقى لها
ولا بتصفى ولا تسامح
ولا بترضى تصالحنى
وتمنحنى
شويه من جمايلها فقلتلها
تبيعيلى رضاكى بكم؟
وايامك تريحنى مارديتشى
ويوم ردت ماتحلمش
وبدعى ربنا يهدى
وأقول دى أزمه وتعدى
أتاريها كانت حالفه تشّقينى
تجّرحنى تبكّينى وتسقينى
عذابها حِفان
شربت الغدر من ناسها
وف كاسها كما السكر
ســــــــــقوني هوان
صحيح غداره يا دنيا
فـــــــ أحوالهــــــا
واحـايلــــــــها !!!!
وبتغيظنى ..
وبتطَّلع لســــــــــانها كمان !

أرجو مراجعة التعديل كما طلبت وكتبت وإلا نعيد التعديل ..

يعنى بزمتك يا هناء إنتى اللى بسم الله ماشاء الله شاطرة كمبيوتر تعَّدلى ولا أنا ؟!

دمت مبدعة ومحُبة

وداد الهـــــــــــوارى

السلام عليكم .. مجرد رأي
الأستاذه الفاضله / هناء
احترامي وتقديري
كلماتك تعبر عن واقع نعيشه
إلا أنك بادرت بالاعلان عنه في قصيدة رائعة
أشكرك لوتقبلتي مروري
وللجميع تحياتي

استاذتى الفاضلة / وداد الهوارى

التعديل يتم من قبل ادارة المنتدى وليس لى انا دخل فيه

الأمر مش كمبيوتر ولا حاجة ومن هنا اتمنى من ادارة المنتدى ان تمن على شخصى الضعيف

باجراء التعديل

دمت بكل خير

الأستاذ الفاضل / ضياء الدين البرى

مرورك اسعدنى وتعليقك شرفنى دمت بكل خير وصحة وسلام

هى الدنيا وحالها

أهو ماشى

لما تاخدنا

معاها ف يوم

نرجع بكره

ما تعرفناشى

مش بإدينا نغير سيرها

بس علينا نحس بخيرها

ونقول ديما عن تفسيرها

الدنيادى احسن من غيرها

اى والله صدقتى يا عزة

برضه اهى ليها ف قلبى معزة

بس يا خوفى لا تغدر بينا

وتنسينا كرامة وعِزة

لاياحبيبتى ماتخافى منها

دى دنيتنا اكيد عرفينها

بتودينا ساعات وتجيبنا

ويمكن ياما كتير بتسيبنا

لكن ليها ايام تصاحبنا

وتمد ايديها يا ننه لإيدنا

ا

وتمد لنا ايديها ياننة

لاجل ما نفرح او نتهنى

يمكن ننسى اسى الاحزان

وإن الفرح غايب عنا

الأخت الغالية والشاعرة الكبيرة أستاذتنا هناء . عمل جميل وربنا يبدل أحزانك بفرح .

عشان اخلص من الأيام
ووقفتها
قصادى فى كل خطاويا
وف عنيا
بترسم خطه للأحزان
بتتنفذ بحذافيرها
وقافله سككها قدامى
مابوصلشى لأى طريق
وبتغيظنى
وبتطّلع لسانها كمان
بداديها وأغنى لها
وانا جازه على سنانى
وقدت لها صوابعى العشره
كالشمعه
تنورها ليها ايامها
وتدفا بقنديلها
وموش عاجب

الشاعرة المميزة والمتميزة / هناء سعيد

قصيدة عتابية للدنيا

تحمل من الوجع الكثير .. فكلنا يعلم أن الدنيا غدارة كــ موج البحر

تسرق العمر في لحظة غفلة منا

فلابد وأن نتحرى اليقظة في كل خطوة نخطوها

وبما أن الحذر لا يمنع القدر

فسوف نقول عند الداء والبلاء الحمد لله

وعند الدعة والراحة الحمد لله

غاليتي

لكلماتك دقات طبول لإعلان الحرب على الدنيا

فسوف نتسلح معك بالصبر فهو مجندل للمتاعب

كوني كــ شروق الفجر يحمل دائما الأمل بين طياته

وأنتِ بالفعل كذلك

:

ملحوظة

:

التفعيلة في

( تنورها ليها أيامها ) لو كانت ( تنور ليها أيامها )

لكانت أسلم . ( فهل لكِ رأي أخر ؟؟ )

:

أختك فوزية شاهين

:

اختى الغالية ام القوافى

هى بالفعل تنور ليها ايامها

يبو انها غلطة كيبوردية معذرة

اشكر مرورك العطر دمت بكل خير

» الدنيا كورة مربعة
» بحر الدنيا
» هي الدنيا كده
» الدنيا
» مصر ام الدنيا