عــــــــــــــــــــــيــــــــــــــــــــــــل

انا قلبى عيل واسألنى ليه
انا قلبى عيل وهاقولك ليه
بيخاصم بمزاجه
ويصالح بمزاجه
ويسيبنى فى عز مابحتاجه
وبيجرى عليك زى العيل
عيل..عيل..فى حد بيزعل من عيل
--------------
انا نفسى اعرف مالاخر انت بس عمله ايه
انا نفسى اعرف مالاخر ايه اللى بينو وبينك ايه
اتفقتوا عليا
واتقلبتوا عليا
بتمرد عليا
مهما ادلع فى
--------------
لو رايك ده من الاول اهو عندك واشبع بى
لو رايك ده من الاول طب بتدخلنى ليه
وتقسى عليا
وتعصى عليا
بيتمرد عليا
مهما بدلع فى
--------------

ده نفس اللى بيحصل لى يا أستاذ سامح
الظاهر كلنا عيال
لا .... قلوبنا بس
ههههههههههه
شكرا ليك

[b]ههههههههههههههههههههههه
حضرتك زى العسل ياأستاذ / تامر وشكرآ على مرورك وردك الجميل اوى ده
وبعدين عيال عيال حد لاقى
هما مش بيقولو الاطفال احباب الله

يا ريت نرجع عيال و الله يا سامح
الواحد متغرب فى ليبيا ليه
علشان امون نفسى
هما العيال بيتغربوا ؟
شكرا لعملك الجميل جدا

[b]ربنا يجيبك بألف سلامه
واتمنى ان انول صداقتك الغاليه وصحبتك الجميله
وياريت تطمنا عليك ديمآ
تحياتى ليك

الاستاذ..سامح الكومى

ابو قلب عيل

شايل مشيل

كلمات جميله

مابيدو حيله

طب ع القليله

يزعل ويغضب

وبعدين يميل

يضحك ويلعب

ما هو اصله

عيل

فكرة جميله

تحياتى وتقديرى لروعتك

[b]

والنبى ياجميل انا مش قـدك

ولا قد الحسنه اللى فى خدك

اعمـــلك ايه..واقـــــولك ايه

وهاقولك ليه..مهو على يدك

تحياتى ليكى يامدام / عزه

غنائيه جميله يا سامح
افكارك كلها وظفتها للاعمال الغنائيه
رغم انك قادر على كتابة القصيده ولكنك
طوعت قلمك فقط للغنائيات . حاول تحريره
وفكر فى كتابة القصيده
اكيد حتكتب ابداع واعتبرها نقطة تحول .
تقبل مرورى وودى ...