عميل مفضوح - شعر محمود عبد الحليم

( عميل مفضوح )

حدث ياسيدى ولا حرج
عن الهرج
عن المرج
اللى ملا ربوع البلا د
ولافيش بصيص من الفرج
*****
الحاله بنقولها وبوضوح
عمل فاضح .. وعميل مفضوح
اصدر قرار علشان قله ..
والشعب بقراره مجروح ..
وقراره قال .. ابو ثانويه
وخدها خمسين فى الميه
يدخل بقى تعليم مفتوح
وجحا اوامره سياديه
واللى درجته نهائيه
لو حتى ميه فى الميه
اللى تبع عش الدبابير
يساويه بخمسين فى الميه
وعشان قرار صادر بدهاء
بقى طظ فى كل الابناء
ماهما أولاد فقريه ..!!

محمود عبد الحليم

شرف لى المرور الاول على رائعتك الجميله

التى تحكى تفاصيل القرار الاخير

بالنسبه للثانويه العامه

أحييك استاذى الجليل

على الالمام الشامل والشرح التفصيلى لما يحدث

تحياتى وتقديرى لروعتك ايها الشاعر القدير[b] afro

تثبت القصيدة بواسطتى

تقديرا لشاعرنا الكبير

وروعة الكلمه[b]

الشاعرة عزة الزرقانى كتب:: شرف لى المرور الاول على رائعتك الجميله

التى تحكى تفاصيل القرار الاخير

بالنسبه للثانويه العامه

أحييك استاذى الجليل

على الالمام الشامل والشرح التفصيلى لما يحدث

تحياتى وتقديرى لروعتك ايها الشاعر القدير

**********************
[b]
العزيزة عزة الزرقانى
ودائما ماتكون تعليقاتك على ما اطرحه من رؤى طوقا من الفل والياسمين
وتحملنى كلماتك الرقيقه على اجنحة السعاده .. فما أسعدنى بك ياعزة
النفس والروح .. دمتى لى اختا وابنة ومحبة ماحييت
محمود عبد الحليم

الشاعرة عزة الزرقانى كتب:: تثبت القصيدة بواسطتى

تقديرا لشاعرنا الكبير

وروعة الكلمه

****************************
[b]
تثبيتك للنص .. اسعدنى .. لآننى وبرغم انى مشرفا للعامية
بالمنتدى فلآيصصح أن أثبت عملا يخصنى ..
أسعدتنى مبادرتك يابلسم الروح ..
محمود عبد الحليم

إنت قولت الجواب الشافى

يا عم محمود / همَّ أولاد الفقرية من حقهم التعليم أصلاً ؟

اللى ما عهوش مايلزمهوش .. أهم ماشيين معانا كده !!!!!!!!!!

وإحنا ( بطَّلنا كله )

وداد الهـــــــــــوارى

[b]
الله يرحمه اللى قال
التعليم كالماء والهواء
ورحمة الله عليه
من فرض بحكمته وحبه لابناء وطنه
مجانيــــــــــــــة التعليــــــــــــــــــم
اما الآن فأصبح لأغنياء مصر فقط
لعن الله اصحاب القرارات الغبيه ...[/
b]
*****************
هو قرار تفصيل لايجاد ثغره لابناء الاكابر للدخول لجامعة القاهره وعين شمس وكليات
القمة بها بدون قيد ولاشرط ..
ونسى الوزير اياه ان يعطى لمسة امل للحاصلين على الدبلومات حى لو بتخقيض الحد الانى للقبول ب 55 بدلا من 60 % حتى يقبلوا بالمعاد الخاصهوطبعا مانسيش لان ابناء الناس التانين من الرعاع

وداد الهوارى كتب:: إنت قولت الجواب الشافى

يا عم محمود / همَّ أولاد الفقرية من حقهم التعليم أصلاً ؟

اللى ما عهوش مايلزمهوش .. أهم ماشيين معانا كده !!!!!!!!!!

وإحنا ( بطَّلنا كله )

وداد الهـــــــــــوارى

*****************************
العزيزة وداد الهوارى
بماذا تسمين وزير يصدر قرار باستثناء الحاصلين على الثانويه العامه هذا من شرط السن ويتم قبولهم بالتعليم المفتوح وبكليات قمه لايدخلها الا الحاصلون على 97%
وفى نفس الوقت يدخلها من حصل على 50 % فى نفسى العام ..
الست معى ان هذا القرار تم تفصيله لخدمة ولاد الذين ..
والكارثه الامر انه من السنه اللى فاتت مخلى الدبلومات الفنية تقبل بادنى حد 60 فى الاكاديميات والمعاهد الخاصه .. ومن ادنى شروط تحقيق العداله خقص حد القبول الى
حد يتيح لمن حرموا القبول السنه الماصيه بالالتحاق بتلك المعاهد وبفلوسهم وحرمهم
الوزير اياه ....
اليس قراره عملا فاضحا نفذه عميل مفضوح ..
محمود

هو قرار تفصيل لايجاد ثغره لابناء الاكابر للدخول لجامعة القاهره وعين شمس وكليات القمة بها بدون قيد ولاشرط ..
ونسى الوزير اياه ان يعطى لمسة امل للحاصلين على الدبلومات حى لو بتخقيض الحد الانى للقبول ب 55 بدلا من 60 % حتى يقبلوا بالمعاد الخاصهوطبعا مانسيش لان ابناء الناس التانين من الرعاع

إذا كان تاريخنا شوه وحُرف فيه بقرارات مناهج

وتعاليم الدين غيَّرت بعضها وحذفت الأخرى بقرارات

ماذا بقى لنا لكى نبكى عليه يا عم محمود

وهناك من يرقصون رقصة الوداع لهذا الوطن ؟!

ويقتسمون ماء وجوهنا ليغسلوا به أقدام من يدفعون ثمنه .
وداد الهـــــوارى

وداد الهوارى كتب:: إذا كان تاريخنا شوه وحُرف فيه بقرارات مناهج

وتعاليم الدين غيَّرت بعضها وحذفت الأخرى بقرارات

ماذا بقى لنا لكى نبكى عليه يا عم محمود

وهناك من يرقصون رقصة الوداع لهذا الوطن ؟!

ويقتسمون ماء وجوهنا ليغسلوا به أقدام من يدفعون ثمنه .
وداد الهـــــوارى

*****************************
عزيزة القلب والروح وداد الهوارى
أشاركك الرأى .. وأنا معك قلبنا وقالبا .. ولكن المثير للحزن
والأسى أننا جميعا الى زوال .. ومن يتولون أمرنا يتعاملون
معنا وكأنهم هم المخلدون .. ويسخرون كل ماحولهم لخدمة
مصالحهم الشخصية .. ودائما مايكون المنتفع ممن ينتمون
لتلك العناصر التى تقتل اسمى شىء فينا وهو الحق والعدل ..
عزيزتى اليس من حقنا ان نعرى هؤلاء ولو من باب الفضفضه
والتعبير عن مشاعرنا والامنا فى وطن ذبحت فيه القيم ..
محمود

شكرا ليك أستاذ محمود
عمل جميل
أصفق لك و دايما جميل شعرك

الله ينور عليك
طرحت موضوع مهم
وبنعانى منه كا طالبه
مـــــــــــــــــــشــــكور استاذى

هاتوا الزجل شماريخ وصواريخ تطير لسه الحاجات اياها مالية البلد .. شماريخك شديدة جدا ومكثفة وقوية تحياتي

أستاذي الكبير وأخي الأكبر الأستاذ/ محمود
السلام عليكم ورحمة الله وبركاته،
طبعاً بالنسبة للشعر ماقدرش أقول أكثر من جميل.. لأن لازم يكون جميل من شاعر كبير مثلك
ولكن اختلف معك بخصوص التعليم المفتوح.. فأعرق جامعات أوربا الآن بها تعليم مفتوح.. ويمكنك أن تؤدي الامتحان وأنت في بيتك في مصر وتكون حاطط كاميرا يشوفوك إن أنت اللي بتأدي الامتحان..أمام جهاز الحاسوب.. وأكرر مرحباً بالتعليم المفتوح عندما أجد نسبة النجاح لا تزيد عن 50%.. ساعتها حاصدق أنه تعليم فعلاً..
ولكن في مصر نجد دائماً الخطأ في التطبيق وليس في النظرية..
مرحباً بالتعليم المفتوح بالشروط التالية:
1- أن يكون تعليم حقيقي مش ناس بتنجح بفلوسها زي الجامعات الخاصة اللي بتخرج ناس لا يجيدوا القراءة والكتابة في بلد فيها عباس العقاد كان معاه ابتدائية ومحمد حسنين هيكل كان معاه دبلوم تجارة وعرفهم العالم كله.. وكانت كلمة جامعي لقب كبير..
2- حصيلة التعليم المفتوح لازم تستغل لصالح التعليم المجاني.. فلو مثلا ً كلية قبلت 1000 طالب حصيلة مصاريفهم عشرة مليون جنيه.. لازم الفلوس دي تستغل لصالح الطلاب الفقراء سواء بتطوير المدرجات والمعامل.. قروض للطلاب الفقراء..تطوير حالة التعليم بشكل عام.
3- أذكرك بتليفون الـ 1000 جنيه في أوائل الثمانينات.. وكان سبب في طفرة كبيرة في حركة التليفونات واتحركت عشرين سنة لقدام.. ليه لأنه أوجد تمويل لصالح الفقراء.. وأصبح التليفون بالتدريج متاح للفقراء والأغنياء...لازم يكون فيه مصادر للتمويل إذا أردت التطوير.
4- في مصر دائماً نتحدث عن جانب وننسى الآخر.. ودي المصيبة.. نقول البطالة عندنا أقل من أوربا.. نعم حقيقي.. ولكن أين إعانات البطالة مثل أوربا.. نقول الضرائب عندنا أقل من أوربا.. نعم حقيقي.. فالسويد مثلاً ضريبة الدخل 50% ولكن الشعب كله متوفر له نفس النوع من الخدمات سواء في التعليم أو العلاج أو... أو....
5- فلوس التعليم المفتوح كانت ستذهب لجامعات برة لو لم تكن في مصر.. ولكن كدة بتلف جوة مصر مرة أخرى.. ودة في صالح مصر.. لو التطبيق سليم.
صدقني إن الخطأ عندنا دايماً في التطبيق وليس في النظرية.. وأتذكر مصطفى أمين الله يرحمه في بداية السبعينات ومع الانفتاح قال.. عندما نطبق نظاماً نجني مساوئه.. ونكون في حالة خصومة مع مميزاته..

يا مصر ليه البكا .. فايض ف نن العين
لما بشوف البقر فوق البشر دايسين
ماشيين على لحمهم و ف حلمهم دابحين
فاكرين بإن بكدا راح يبقوا بني آدمين !
*******
سريعا من وحى قصيدتك الجميلة
يا عمنا محمود
أخوك

طارق منيب كتب:: أستاذي الكبير وأخي الأكبر الأستاذ/ محمود
السلام عليكم ورحمة الله وبركاته،
طبعاً بالنسبة للشعر ماقدرش أقول أكثر من جميل.. لأن لازم يكون جميل من شاعر كبير مثلك
ولكن اختلف معك بخصوص التعليم المفتوح.. فأعرق جامعات أوربا الآن بها تعليم مفتوح.. ويمكنك أن تؤدي الامتحان وأنت في بيتك في مصر وتكون حاطط كاميرا يشوفوك إن أنت اللي بتأدي الامتحان..أمام جهاز الحاسوب.. وأكرر مرحباً بالتعليم المفتوح عندما أجد نسبة النجاح لا تزيد عن 50%.. ساعتها حاصدق أنه تعليم فعلاً..
ولكن في مصر نجد دائماً الخطأ في التطبيق وليس في النظرية..
مرحباً بالتعليم المفتوح بالشروط التالية:
1- أن يكون تعليم حقيقي مش ناس بتنجح بفلوسها زي الجامعات الخاصة اللي بتخرج ناس لا يجيدوا القراءة والكتابة في بلد فيها عباس العقاد كان معاه ابتدائية ومحمد حسنين هيكل كان معاه دبلوم تجارة وعرفهم العالم كله.. وكانت كلمة جامعي لقب كبير..
2- حصيلة التعليم المفتوح لازم تستغل لصالح التعليم المجاني.. فلو مثلا ً كلية قبلت 1000 طالب حصيلة مصاريفهم عشرة مليون جنيه.. لازم الفلوس دي تستغل لصالح الطلاب الفقراء سواء بتطوير المدرجات والمعامل.. قروض للطلاب الفقراء..تطوير حالة التعليم بشكل عام.
3- أذكرك بتليفون الـ 1000 جنيه في أوائل الثمانينات.. وكان سبب في طفرة كبيرة في حركة التليفونات واتحركت عشرين سنة لقدام.. ليه لأنه أوجد تمويل لصالح الفقراء.. وأصبح التليفون بالتدريج متاح للفقراء والأغنياء...لازم يكون فيه مصادر للتمويل إذا أردت التطوير.
4- في مصر دائماً نتحدث عن جانب وننسى الآخر.. ودي المصيبة.. نقول البطالة عندنا أقل من أوربا.. نعم حقيقي.. ولكن أين إعانات البطالة مثل أوربا.. نقول الضرائب عندنا أقل من أوربا.. نعم حقيقي.. فالسويد مثلاً ضريبة الدخل 50% ولكن الشعب كله متوفر له نفس النوع من الخدمات سواء في التعليم أو العلاج أو... أو....
5- فلوس التعليم المفتوح كانت ستذهب لجامعات برة لو لم تكن في مصر.. ولكن كدة بتلف جوة مصر مرة أخرى.. ودة في صالح مصر.. لو التطبيق سليم.
صدقني إن الخطأ عندنا دايماً في التطبيق وليس في النظرية.. وأتذكر مصطفى أمين الله يرحمه في بداية السبعينات ومع الانفتاح قال.. عندما نطبق نظاماً نجني مساوئه.. ونكون في حالة خصومة مع مميزاته..

*********************
اعتقد انك لم تفهم القصيده .. ويجب أن تعلم أننى لم اقصد ماقلته تماما
وانا اسف لسوء فهمك لقصيده بعيده كل البعد عن محاضرتك الرائعه ..
واوعدك المره الجايه حاكتب مذكرة تفسيره مع كل عمل ليا ..
محمود

عاطف الجندى كتب:: يا مصر ليه البكا .. فايض ف نن العين
لما بشوف البقر فوق البشر دايسين
ماشيين على لحمهم و ف حلمهم دابحين
فاكرين بإن بكدا راح يبقوا بني آدمين !
*******
سريعا من وحى قصيدتك الجميلة
يا عمنا محمود
أخوك

***********************
الله عليك ياعاطف
تفاعل جميل وانسانى مع نص اعتز به
محمود

أخي العزيز والأستاذ الكبير/ محمود عبد الحليم
السلام عليكم ورحمة الله وبركاته،
أولاً: حاشا لله مين حيحاضر لمين.. مش تواضع.. ولكن لوحد منا حيحاضر للثاني حيكون حضرتك بسبب فارق السن والعلم والخبرة.. وكل شئ.
ثانياً: ماقلته مجرد رأي في جزئية التعليم المفتوح.. واعتقد أن الخلاف في الرأي مايزعلش في حاجة.
ثالثاً: مش عارف أنا كان في كلامي في حاجة تزعل.. إذا كنت مافهمتش القصيدة حاقرأها مرة ثانية عشان أفهمها..
رابعاً: عمر النقاش ما حيكون محاضرة.. وأنا برضه آسف أني أسأت فهم القصيدة..
أخوك الأصغر اللي بيتمنى رضاك دائماً
طارق منيب

محمد عبدالمنعم الحناطي كتب:: هاتوا الزجل شماريخ وصواريخ تطير لسه الحاجات اياها مالية البلد .. شماريخك شديدة جدا ومكثفة وقوية تحياتي

****************
شاعرى الجميل محمد الحناطى
اسعدتنى قراءتك الواعيه للنص وتحياتى لشاعر اعتز به
محمود

طارق منيب كتب:: أخي العزيز والأستاذ الكبير/ محمود عبد الحليم
السلام عليكم ورحمة الله وبركاته،
أولاً: حاشا لله مين حيحاضر لمين.. مش تواضع.. ولكن لوحد منا حيحاضر للثاني حيكون حضرتك بسبب فارق السن والعلم والخبرة.. وكل شئ.
ثانياً: ماقلته مجرد رأي في جزئية التعليم المفتوح.. واعتقد أن الخلاف في الرأي مايزعلش في حاجة.
ثالثاً: مش عارف أنا كان في كلامي في حاجة تزعل.. إذا كنت مافهمتش القصيدة حاقرأها مرة ثانية عشان أفهمها..
رابعاً: عمر النقاش ما حيكون محاضرة.. وأنا برضه آسف أني أسأت فهم القصيدة..
أخوك الأصغر اللي بيتمنى رضاك دائماً
طارق منيب

*********************
لما يصدر قرار باستثناء خريجى الثانويه العامه فقط لهذا العام من شرك سنوات التخرج
ويغفل كل ابنا مصر من خريجى السنوات الاخرى وخريجى الدبلومات الفنية فهو وزير ظالم بكل المقاييس وقرار لفتح ثغره لخدمه ولاد الناس اللى بالك فيهم ..
لو قريت النص كويس حاتعرف انى فعلا اتكلمت فى نفطه لم اتعرض ليها على الاطلاق ..

أوعدك مرة أخرى بقراءة جيدة للنص ياأخي الأكبر.. وكل سنة وانت طيب بمناسبة اقتراب شهر رمضان المبارك
أخوك
طارق

الوردة الحمراء كتب:: شكرا ليك أستاذ محمود
عمل جميل
أصفق لك و دايما جميل شعرك

*****************
ودايما بتسعدنى قراءتك لنصوص .. وبتسعدنى تعليقاتك الجميله
ربنا يخليكى ليا يارب وتسألى على دايما ..
محمود

أستاذ محمود موضوع مهم جدا اللى كتبت فيه
وحضرتك صغته بحرفنة شاعر محنك
بس مش عاوزاكم تزعلو .....إعملو زييى وابتسمو علشان ما فيش فايدة
شكرا على رائعتك

سلوى محمود كتب:: أستاذ محمود موضوع مهم جدا اللى كتبت فيه
وحضرتك صغته بحرفنة شاعر محنك
بس مش عاوزاكم تزعلو .....إعملو زييى وابتسمو علشان ما فيش فايدة
شكرا على رائعتك

***********************
من غير زعل دا واقعنا المؤلم لكننا عايشينه
وادينا بنفضفض يمكن حد يسمعنا
ولا ايه ياشاعرتنا الجميله ..
محمود

» ما أنا ..!! .. شعر / محمود عبد الحليم
» أنا ربك شعر / محمود عبد الحليم
» أى غزة ....؟؟ شعر/ محمود عبد الحليم
» غدر .. شعر / محمود عبد الحليم
» أنا مش نبى .. شعر / محمود عبد الحليم