أنا ح اكمل أربعين

الشاعرة الجميله..سلوى محمود

شرف لى ان اكون صاحبة المرور الاول

على عملك الجميل

وبقول لك حمدله على سلمتك

كنتى منورة الاسكندريه

ودلوقتى بالتأكيد نورتى الكويت ياقمر

اشكرك ايها القديرة على تلبية ندائى

وانضمامك معنا لأسرة المنتدى

تثبت القصيدة بواسطتى تقديرا لروعة الكلمه

تحياتى وتقديرى لروعتك[b]

[quote="سلوى محمود"][center]

أنا ح اكمل أربعين

يا نهار منيل ......يا ليلة طين

دة كأنه حلم والا كابوس

أنا كنت فين وصبحت فين

كأنه عمرى ما عدى يوم ...شلت الهموم ولا عافرت

ولا يوم سهرت .....ولا يوم ذاكرت

ولا يوم صحيت ولا التقيت ...مغص ف بطنى يقول كبرت

ولا يوم بكيت .....ولا انحنيت...ولا بت ليلى بقلب حاير

ولا يوم لعبت وبالى خالى ....ولا كنت يوم قزعة بضفاير

ولا يوم بعتلى إبن الجيران

جواب زمان ...يسألنى بيه....حاسه بإيه من ناحيتى؟؟

من كتر خوفى ولهفتى ...حطيته تحت مخدتى

صبحت التقيه ...ف إيد أخويا بيقرا فيه ... ومش ح اكمل جرالى إيه

ولا يوم سافرت .....ولا يوم هاجرت

ولا يوم حلفت بأيمنات المسلمين ....مهما تمر وتفوت السنين

مش راح يخبط على باب ف قلبى مرة حنين

ونهار يشقشق ..بعيون تبرق ...وتقوللى قولى كنتى فين ؟؟

ولا يوم شبعت ....ولا اتمرعت... بره سورك

ولا يوم تعبت ...ورجعت لما ...خطفنى نورك

حطيت ف حجرك شقا السنين .....ضاع الشقا ..وضاعت سنين

ولا حالى مال ....لما الأمانى صبحت محال

عشان ف عمرى ...سنين بتجرى ....تدى التمام ....وتقول سلام

ولا دمعى سال ....لما السؤال ...ينعاد عليا ...ويهز فيا ...فاضللى كام

والليل يقرب ف حضن بكرة ...يعصرنى عصره

ألاقى حصرة نازلة تمنى ....من نن ننى ...ودموع بتسقط ع الخد جمرة

تسألنى روحى عملتى إيه فى دنيتك ...
.
حققتى حاجة حضرتك؟؟.....غيرتى حاجة حضرتك؟؟

!!يا خايبتك !!.....يا نايبتك

كأن حتى الأربعين ...أربع دقايق مش سنين

وكأن يوم الأربعين ...يوم خارجتك ....يوم دفنتك

عاوزة كام أربعين .......عشان تسيبى بصمتك!!؟؟

[/quote
************************

my dear salwa mahmoud

I am so happy cause I reed new layrics for u in this place really you are good writer for it u have good mind to write this words her with my best wishes for u .
but I want to tell u it is not bad to we arrive to age 40 years old I thing did lovely doing in u life and for u family and for u friends ..
lastly I ask my god to give u all u hopies and good health

mahmoud

انا كنت فين وصبحت فين
كنت فى مصر امنا
اللي باديها تضمنا
وصبحت فين
رغم المسافه والبعاد انت واحده مننا
وكلامك الحلو الجميل بيسحر عقولنا وقلبنا
وتكملي40ديوان ولاقيكى تانى عندنا

ش

الله عليكى يا استاذه سلوى
يسلم قلمك يا قمر

والله يا جماعة أنا ما كنتش مصدقة إنى ح اكون واحدة منكم
لكن فى ندواتنا فى بيتى النادى المصرى والذى أكن له وللدكتور شكرى العظيم
الذى كان أول من أمن بأن لدى موهبة ثم .... الأستاذ الخشاب والأستاذ عادل عوض
والرائعة عزة الزرقانى الذين شجعونى كثيرا حتى أقف على أرض صلبة ولا أهتم بالمهاترات
وسفائف الأمور وأن أستمر فى طريقى ممسكة بقلمى ومتسلحة بشعورى وإحساسى
أشكر المنتدى الذى أحس الان بأنه وطنى الذى يحتوينى ويحمينى
شكرا يا عزة على مبادرتك ولن أنسى روحك الجميلة
أما العملاق الأستاذ عاطف الجندى أنا سعيدة جدا بأن قصيدتى المتواضعة نالت إعجابه
والأستاذ محمود عبد الحليم شكرا لكلماته الرقيقة الصادرة من قلب عظيم مثل قلبه
والأستاذ فتحى أشكره على إهداء كلماته الجميلة لى أدام الله كرمه وخفة دمه
أما الأستاذة وداد الهوارى كانت أول من سمع هذه القصيدة فى ندوة تكريم الدكتور شكرى وكنت قد كتبتها قبلها بيوم أذكر كلماتها التشجيعية ومتابعتها وإصغاءها وهذا يدل على أنها ليست شاعرة قديرة فحسب ولكن ذات قلب حنون ورائع أيضا
أما العظيم الأستاذ عادل عوض لن أنسى بأنه وهبنى فرصة وجودى بين عمالقة الشعر السكندرى
وتشجيعه لى كان وساما على صدرى
أما الأستاذة هناء سعيد شكرا لمرورك على قصيدتى وكلملتك الرقيقة لى أما عيد ميلادى فى شهر ديسمبر وشكرا مقدما على التهنئة
وشكرا لسحر العيون على مرورها وأتساءل هل تشرفت بلقاءها فى الأسكندرية ؟

بجد كان نفسى اشوف حضرت
لكن محصلش نصيب انا من الاسكندريه
وبنت شاعره بتحبك اووووووووى
وانا كمان زيها بحبك ومعجبه بى حضرتك
وحسيب حضرتك تعرفى مين هى
اتمنا انى اشوفك

[b]وابص لروحى فجاه لاقيتنى كبرت فجاه
تعبت من المفاجاه ونزلت دمعتى
قوليلى ايه يامرايتى قوليلى ايه حكايتى
تكونش دى نهايتى واخر قصتى

شكرا أستاذ الكومى على هذا التشبيه الغريب
شرف لى مرورك وشرف لى تشبيهك أيضا ولو أننى كنت أود نقد القصيدة سلبا أو إيجابا
عموما ملحوقة فى قصائد أخرى

سحر العيون حيرتينى والله بس ما دمت لك هذا الحس الغير عادى فى التعليق وإبداء الرأى
يبقى إنتى بنت شاعرة مميزة ومميزة جداا
تسلمى لى وتسلم عيونك يا سحر العيون وعيون مامتك كمان

هوه انا مامتها ياقمر

وهى بتحبك وانا كمان

سعيده جدا انك بتردى على كل حد لوحدة

كده انت ميه ميه

تحياتى وتقديرى لروعتك

وعلى ديوانك الرائع

وعلى فكره عندك قصيدة الام رهيبه وخلتنى بكيت[b]

أستاذة عزة مش غريبة تكونى أم لبنوته رقيقة وجميلة زى سحر العيون
ومبسوطة جدا إن ديوانى الأول المتواضع عجبك منه حاجة
إنتى دايما روحك جميلة ومش ح انسى تشجيعك ليا من أول مرة وقفت فيها على منصة وقلت شعر
تسلميلى يا رب

يا أستاذ طارق أنا نزلت من أمريكا والسعودية وأنا عندى 33 سنة وقدمت فى شغل كتير تعرف الرد كان إيه......أوفر إيدج!!!!!
تخيل ...سافرت الكويت وبدأت من الصفر والحمد لله أنا فى قناة محترمة وتليفزيون
بيقدر الكفاءات..وبلد فرصتك الوحيدة فيها هى موهبتك وكفاءتك وتعليمك
هى دى الغربة .....وهو دة الوطن
أسفة لأنى طولت عليك
سعيدة بمرورك وبإن القصيدة عجبتك...وعقبال مية سنة يا رب

أستاذى الفاضل
أنا قررت عدم العودة لها مرة أخرى إلا عند زيارة أهلى فى الصيف
والله يطول بعمرهم لو حصل أى شىء سأظل مسافرة إلى الأبد حتى يقضى الله أمرا كان مفعولا
هذا ما أنويه .....كل ما أقول أفتح صفحة جديدة فى بلدى
يحصل حاجة تورينى كم كنت غلطانة وساذجة للغاية
للأسف أستاذ طارق لم يعد لدى أى إنتماء من أى نوع
للأسف

يا بختك يا أستاذ طارق

ارحمونا يا جماعه
انتوا عندكم استطاعه
سفرتواواحناقاعدين فى المجاعه
خففوا عنا كلامكم واسونا حتى ساعه