رنة تليفون

موضوع: رنة تليفون الإثنين أغسطس 10, 2009 7:12 am

بصراحة ده أسلوب جديد علية فى الكتابة وهذا لا يعنى أنمى تخليت عن أسلوبى القديم كل الحكاية أنها تجربة جديدة عايزة أخد رأيكم فيها بدون مجاملة

الساعة تدق 12

مع دقة قلبى لرنة تليفون

والعين بتابع عقاربها

حركاتها بطيئة

بتباعد لحظاتى الجية

ف طريق الشوق جوه عقارب

فأتابع ألاقيها وخمسة

زادت همسة

أتنهد فيها نفس دافى

وأقول هيرن

فيعاند تانى ويستنى والعقل

والعقل يجن

والعقرب ماشى فدورانة

بيقولى كلام

مالك قلقانة ف أوقاتك

القطر معاك ومشفاتك

ليه دايرة ف هذيان لفاتك

العاشقة فرنة تليفون

والرنة أن رنت وأتكلم

وبكلمة عليكى أوام سلم

يعنى خلاص

هو الحب اللى فقلبك عايشة الأحساس

وتلومى علية فخطواتى أنى بطيئة

بالعكس أنا أحسن من غيرى

صادقة فدقاتى وحركاتى

واضحة لكل الناس أوقاتى

الدور والباقى على فلاتى

فالدنيا يبرطع ويهاتى

طولها وعرضها عايشه يوماتى

يضحك ع الناس وف وسطيهم

عاشق نفسة ف ذل عنيهم

هو السيد يضرب فيهم

بلسانة ف كرباج لفاتة

وأراهن أن ف تليفونك

واحد تانى منهم فيهم

موضوع: رد: رنة تليفون الإثنين أغسطس 10, 2009 7:55 am

الجميلة رشا

بجد برافو عليكى

موضوع جميل جدا

تسلم ايديك ياقمر

تثبت القصيدة بواسطتى

موضوع: رد: رنة تليفون الإثنين أغسطس 10, 2009 8:26 am

متشكرة جدا ياعزة دايما بتحرجينى بزوقك المبالغ فية أكثر الله من أمثالك وأتمنى متكنش مجاملة منك لأن التجربة جديدة
لكى منى كل الحب يا عزيزتى

الابنه الغاليه
رشا فؤاد
تجربه جديده اردتى ان تخوضيها وقد فعلتى
والواضح انك تأثرتى بأحد ممن يكتبون النثر
وطاوعك قلمك فكانت هذه التجربه .
لابأس ان نتتطرق للجديد على الا ننسى القواعد
العامه للقصيده .
ووارد ان نجرب وندخل الى دائرة الحداثه .
محاوله جيده رغم ان معظم شطرات القصيده
تكاد ان تكون موزونه . ولكنك اصرّيتى على
اكمال التجربه للنهايه .
تقبلى منى مرورى وكلماتى وخالص تقديرى ...

موضوع: رد: رنة تليفون الإثنين أغسطس 10, 2009 5:40 pm

أستاذ عادل سند أشكرك للغاية على كل هذة الكلمات والنصائح التى أستعين بها فى أعمالى وفعلا أنا ؟أتأثرت بناس كتبوا فى المنتدى وحبيت أشوف لما هاكتب فاللون ده هيكون أزاى وهنا أستفسار حضرتك بتقول أنا أتأثرت بكتاب النثر والقصيدة تكاد تكون موزونة ويجب المحافظة على أركان الكلام عجبنى أوى لكن عايزة أفهم أكتر ماهو الخلل الذى يوجد بها لتلا فية فيما بعد وعلى فكرة أنا اليوم كتبت حاجة جديدة أظن أنها هتعجبك عند نشرها لك كل تحياتى فأنا مدينة لكم بالكثير

موضوع: رد: رنة تليفون الإثنين أغسطس 10, 2009 7:52 pm

استاذة رشا بعد التحية .. اولا النص مش نثري خالص .. بس قيه محاولة للتجريب نجحت بالفعل لولا أنها كانت تستحق منك صبرا أكثر .. النص تفعيلي وهذا واضح جدا غير أنك حاولت التحدث عن اليومي والعادي .. الفكرة كانت تستحق منك عمقا أكثر ولا أخفي مدى ارتياحي لاخر النص عن اوله شعرت به تلقائي اكثر وغير مصنوع
وتلومى علية فخطواتى أنى بطيئة

بالعكس أنا أحسن من غيرى

صادقة فدقاتى وحركاتى

واضحة لكل الناس أوقاتى

الدور والباقى على فلاتى

فالدنيا يبرطع ويهاتى

طولها وعرضها عايشه يوماتى

يضحك ع الناس وف وسطيهم

عاشق نفسة ف ذل عنيهم
واسمحي لي ارتفع التصوير اكثر في الجزء الاخير ليكون المجاز أعلى وهذا كا ن يجب التزامه في النص
هو السيد يضرب فيهم

بلسانة ف كرباج لفاتة

وأراهن أن ف تليفونك

واحد تانى منهم فيهم
التعامل مع مفردات الكرباج واللسان جاء موفقا غير أنني الوم عليك الكثير من القوافي جاءت (سد خانه )
تنهد فيها نفس دافى

وأقول هيرن

فيعاند تانى ويستنى والعقل

والعقل يجن
وأنا بسأل ازاي ( العقل يجن ) وللا عشان قولنا (هيرن )
استوقفني
مالك قلقانة ف أوقاتك

القطر (معاكي )و(مش فاتك)

ليه دايرة ف هذيان لفاتك
والكلمة بين قوسين لاحظي انها مكتوبة دون مسافه فارجو تعديلها ومعاكي ناقصة (ي) وبعيدا عن ذلك الربط بين مفردات القطر اللي هيفوت وقلقانه واوقاتك جاء موفقا وكذلم الصورة ليه دايره ف هذيان لفاتك وعموما النص كان يحتاج لقليل من الصبر ولكنه يخبر عن شاعرة تسعى للابتكار اتمنى لها التوفيق

كالعادة يارشا تثبت قصيدتك بعد ماانت تثبتينا

[b]

ياسيدى ياسيدى
بصراحه ياخت راشا مافيهاش كلام
بس ياريت تكتبى اغنيه دينيه بمناسبه شهر رمضان
وكل سنه وانتى طيبه
وانا عارف انك هاتكتبى اغنيه جامده واراهن عليكى كمان
اخوكى سامح الكومى

أستاذ محمد عبد المنعم أشكرك على كل هذا الأهتمام والتقدير والتمعن فى معنى كلماتى وعلى فكرة أنا بكون فرحانة جدا بالنقد هذا معنى الأهتمام والتقدير والحرص على الطرف الأخر أكتدثر الله من أمثالك

أستاذ سامح ماهذا الكلام الجميل والتقدير الخطير وبالنسبة للأغنية متعمل سيتك الأول عشان نتعلم منك أصل أنا بخاف أغلط فى الأغانى

خالى العزيز لعلمك الخاص أنت اللى مثبتنا كلنا دحنا ضايعين فى الأنجليزى أشى قصايد على تراجم على مساجلات محدش هيعرف يكلمك

تجربة جميلة رشا صورتى الصدق والاخلاص فى عقارب الساعة

تحياتى لقلمك ومن اجمل لاجمل بالتوفيق

موضوع: رنة تليفون الثلاثاء أغسطس 11, 2009 12:30 pm

الشاعرة الرقيقة /رشا

هى بالفعل جديدة عليك التجربة لكن ناجحة جداً وياريت تستمر

عارفة ليه ... أقولك ..

لأن اللى شوفته وقريته هنا .. شُغـــــــل سياريو ..

حركة ، ومشاهد ، وصور اتنقلت لىَّ العَدوى وكأنى فى

إنتظار رنة التليفون معك .. وتابعت الحوار بين عقارب الساعة

وروحك .. عارفة لو تم الحوار كاملاً ........ !!!

جميل يا رشا

وداد الهـــــــــــــوارى

[center]

رشا فؤاد كتب:: بصراحة ده أسلوب جديد علية فى الكتابة وهذا لا يعنى أنمى تخليت عن أسلوبى القديم كل الحكاية أنها تجربة جديدة عايزة أخد رأيكم فيها بدون مجاملة

الساعة تدق 12

مع دقة قلبى لرنة تليفون

والعين بتابع عقاربها

حركاتها بطيئة

بتباعد لحظاتى الجية

ف طريق الشوق جوه عقارب

فأتابع ألاقيها وخمسة

زادت همسة

أتنهد فيها نفس دافى

وأقول هيرن

فيعاند تانى ويستنى والعقل

والعقل يجن

والعقرب ماشى فدورانة

بيقولى كلام

مالك قلقانة ف أوقاتك

القطر معاك ومشفاتك

ليه دايرة ف هذيان لفاتك

العاشقة فرنة تليفون

والرنة أن رنت وأتكلم

وبكلمة عليكى أوام سلم

يعنى خلاص

هو الحب اللى فقلبك عايشة الأحساس

وتلومى علية فخطواتى أنى بطيئة

بالعكس أنا أحسن من غيرى

صادقة فدقاتى وحركاتى

واضحة لكل الناس أوقاتى

الدور والباقى على فلاتى

فالدنيا يبرطع ويهاتى

طولها وعرضها عايشه يوماتى

يضحك ع الناس وف وسطيهم

عاشق نفسة ف ذل عنيهم

هو السيد يضرب فيهم

بلسانة ف كرباج لفاتة

وأراهن أن ف تليفونك

واحد تانى منهم فيهم

الرائعة رشا
نعم هى قصيدة بها من التجديد الكثير على مستوى كتاباتك السابقة
و أتت بحر على بحر الخبب و تفعيلته فعلن
و القصيدة موزونة سوى من هنات بسيطة تخرج عن النسق الموسيقي
فى كلمة ( تليفون ) مثلا فى فى قولك ( لرنة تليفون ) فى البداية و لضبطها لابد من قولك ف رنة (تل فن ) أى خطف الكلمة و قد قسمتها للإيضاح
و فى قولك ( بتباعد لحظاتى الجية ) تكتب كلمة الجية هكذا الجايه
و كلمة ( يعنى خلاص ) فكلمة خلاص هى فعول و تخرج عن التفعيلة
و هى أخطاء بسيطة و أيضا قولك ( تلومى علية فخطواتى ) كلمة علية يجب أن تكتب على ََّ
أى على نفسى و فخطواتي تكتب ف خطواتى و هكذا عدة كلمات
و لكنها بالفعل قصيدة بها صور جديدة تتطرقين إليها لأول مرة و تقنية جديدة فى الكتابة لديك نتيجة قراءات و هذا جميل فى حد ذاته
خالص المودة و نراك متألقة فى الثقافية غدا الأربعاء بإذن الله

و

أستاذة وداد بصراحة فرحانة جدا ولم أصدق أن كتابتى دى عجبتك ومعلوماتى عنك أنك بتقولى الصراحة دايما وداه اللى مطمنى ومفرحنى أنتى زوق جدا وأخللاق ونفسى أكون ف جلسات كتير معاكى لأنى فى أشد الحاجة لتوجية شاعرة رومانسية تشعر بالكلمة التى تقولها تكاد تتنفسها ونتنفسة معها كتير لما بتقولى بسرح معاكى فدنيا تانية وساعات كتير بمنع الدموع عشان ملفتش النظر من عمق مشاعرك وأحساسيسك وكمان وأنت بتقوليى بحس أن الهرم بيتكلم لأن بيكون عندك عزة وكبرياء وأعتزاز بكونك أمرأه متميزة تعرف ماذا تقول وفى نفس الوقت أبعد ماتكون عن الغرور يا بختى بيكى أنا خايفة نتحسد الله أكبر

أستاذ عاطف دائما متميز فى عطاءك وأبداءك وأيضا تعليقاتك الجميلة فأنت الشعر لك غاية تسعى فيها للكمال وأشكر أهتمامك ونصائحك الغالية التى هى شرف لى ومهتمة بها جدا ولكن أعذرنى سأتفادى هذة الأخطاء المشكلة أنى لما بأكتب الفكرة بتكون لسانى وغالبا لسانى هو اللى بيكتب وليس يدى فبتكون كتابة عجيبة لكن سأستمر للأحسن بأذن الله شاكرة جدا لكل هذا الأهتمام والتقدير وممتنة لمساعدتكم الجليلة

الأخت الجميلة سندرلا سعيدة جدا بتعليقاتك الجميلة التى أنارت صفحتى وضافت لى أبتهاجا دمت لى مخلصة محبة وأخت أعتز بها مدى الحياه

الحبيبة الشاعرة / رشا

شكلك كده والله أعلم إنك إنت اللى ح تخلينى أتغر ف نفسى ( أعوذ بالله من الغرور وأصحابه )

دايما يا رشا مهما ربنا عطاك أوع من الغرور

( إن الله يغار على ذاته .. ف الكبرياء لله وحده )

إنت شاعرة رقيقة ومجتهدة بس خدى بالك من أذنيك عند القراءة .. وبعد كتابة قصيدتك

وأنا أبعد ما يكون عن الرومانسية .. كما تقولين عنى ..

و لكنك تريننى بعيونك الحالمة كذلك أشكرك على

كل هذا الحب يا عزيزتى وأتمنى لك كل التوفيق والنجاح .

وداد الهــــــــــــــــوارى

لا شكر على واجب فأنت أنسانة عزيزة على قلوبنا وبداخلنا ونحن لنا حظ عظيم بلقاءك والتفاعل مع شاعريتك دمتى لنا أخت مخلصة محبة معطاءة

رائعه تستحق التثبيت بكل جداره

رشا أنا كتبت عن التليفون.. وانت كتبت رنة تليفون.. حيفتكرونا كدة شغالين في شركة الاتصالات

ربنا يستر على العموم متقلقش دى ناس مخها كبير ولو كنا بنشتغل فالشركة هنكرمهم بس هم يشتروا حدطايل 19 قرش ف الدقيقة حاجة ببلاش كدة

موضوع: رد: رنة تليفون الخميس أغسطس 20, 2009 7:11 pm

أشكرك يا أستاذ أسامة على تقديرك لكلماتىدمت لنا بتعليقاتك الجميلة

موضوع: رد: رنة تليفون الجمعة أغسطس 21, 2009 6:38 pm

جميلة يا رشا
دائما في تقدم خطوة تلو الاخري
قصيدة مميزة ورتمها جميل
نقبلي مروري
كل سنة وانت بخير afro

موضوع: رد: رنة تليفون السبت أغسطس 22, 2009 8:20 am

متشكرة جدا يا أستاذ خلف على زوقك وتقديرك لكلماتى وكل عام وأنتم بخير

» (اهداء الى كل من يملك تليفون)**ترن*ترن**