قبل نطق الحكم(من وحي رائعة الوالدة الجليلة/زينات القليوبي)

تنفيذا لأمر أمومي حان ٍ ،

وحرصا على إرضاء الوالدة الجليلة

الشاعرة النبيلة ، المبدعة البجيلة

الأستاذة / زينات القليوبي


أقدم هذه المحاولة ( الفقيرة )

مقدما رجلا ومؤخرا أخرى .

فهي من وحي رائعتها الباذخة :

" إعدام عميل ميت ".

ومن ثم لا تعد ردا ؛

لأن الابن لايرد على أمه ؛

بل يحاول استرضاءها ، عسى أن يناله .

راجيا منها صالح الدعاء .

***********

قصة إعدام ، ولاّ حكايه
للألم اللي ما لوهشي نهايه

والحزن اللي مْسافر دايما
جوّانا فْ دمعةْ شمْعايه

********

هو التليفون بقى كده مجنون
فقد الإحساس بالناس والكون؟

مع إنه بينقل ويْصور
لكن تلقاه زي المدفون

********

دا ما حسش مرة بدمعة أمّ
ولا هزه زعل ولا حركه همّ

أصل الميموري ما تبفهمشي
بتسجل من غير نقطة دمّ

********

ولا مرة انهز على الأحباب
لو يبقوا ما بين الناس أغراب

والشاشة تغيّرْ ألوانها
يا ترى هيّا زي الأصحاب؟

**********

والكاميرا فيه مش بتفكر؟
شطارتها إنها تتعكر

لما الإيد تغلط في الضغطة
والواحد ينسى انه يصور

*********

رنه ورنه وكمان رنه
وتفكر نفسك في الجنه

حيجي لك يفرح قلبك
لكن تسمع دوشة وزنه

********

طب إيه الحل مع المحمول؟
نكسره ولاّ نشيله على طول؟

إذا كان حيموّت إحساسنا
ويخلي البال دايما مشغول؟

************