لـــــــــــوحة

الارض بيضا
والخطوط مرسومه حمرا
زوقى طعم التزاوج للسما بالارض
ساعة ماتخطر رعشتك بالى هنزف ورود حافيه من الاشواك
واديكى قلبى لسه فيه طعم الصلاه
واقلعها من موالى اه
وافتحلك السطر الونيس
تقرينى منه صفحه بيضا حرف دافى
تزرعى نبتة هواكى جوه طينتى
تقلعينى من جدورى...؟
ليه ماتبتى عن طلوع القلب والشرايين
لبلابه وانتى بتسحفى على منبت الصوت الحنين ضمى آ...ه
حاسبى دا دمى
بس ناشف م المسافات الحزينه
لوصوابعك طبطبت
حنيتك تفركنى اضيع
حاسبى عليا م النفس ومن الدموع
حاسبت نفسى ع البكا دمعت ..... بُشت
هذا الذى جوا البلته اطعمى جوع اللهب للون
حاسبى عليه وما تدلقيش..... دمى

القصيدة بصوت الشاعر

http://www.4shared.com/file/120634572/38a488b4/_online.html

الاستاذ.محمدحسنى ابراهيم

مشاء الله عليك

رغم أنك بتغيب كتير عننا

إلا أنك بترجعلنا ب لوحه

جميلة جدا ورائعة كما عودتنا

تحياتى وتقديرى لروعتك[b]

اقف اجلالا لعبق حروفك وابحارك في مكنونات
الذات الانسانية فاجدني عاجزا عن الرد حيث
تسمرت الحروف على الشفاه جزيل شكري وتقديري
لما سطرت يداك المباركتان من حروف ذهبية
دمت بخير

اخى الحبيب الشاعر الرائع عادل عوض
انا بجد باخجل من كل الثناء ده
واشعر انه من فرط حبكم لى فقط انت شاعر نبيل اخى الحبيب
لك كل حب وعميق التقدير

اختى الشاعرة عزة الزرقانى
اولا اهنئك على الاشراف على العاميه
وثانيا اشكرك بجد على كل كلمه وعلى كل هذه الحفاوة
وانتى تعلمى تمام العلم قيمتك
تقبلى تقديرى اختى الغاليه

اختى القطة السوداء
مش عارف اشكرك ازاى
لك كل تقدير على مرورك الهادى الجميل
تقبلى امتنانى

اخى الكبير استاذ لطفى
انا من يعجز عن مجرد الرد على كل هذا الحب وترحابك
يسعدنى كثيرا كثيرا
تقبل حبى وكل تقديرى

ابداع رائع استاذى الفاضل تقبل مرورى ومودتى وتقديرى لقلمك الرائع