معناه أيه ؟

موضوع: معناه أيه ؟ الثلاثاء يوليو 21, 2009 10:04 am

لما اغير عليكى من ضلك
لما افارقك لجل حبك
لما اعيش انا فوق ارادتك
دا يبقي معناه ايه
لما اكون على الشوك بخطى
ولما احبك وبارادتى
ولما اعيش واحلم بحضنك
دا يبقى معناه ايه
ولما احس انى الحبيب
وفي لحظة واحدة اكون غريب
واكون الجرح وانتى الطبيب
دا يبقي معناه ايه
ولما حياتى تكون بايديكى
ولما اشوف كل شئ بعنيكى
ولما اعيش واموت انا فيكى
دا يبقي معناه ايه
لما احبك حب تانى
حب آه قاسي وانانى
ولما اكون عايزك عشانى
دا يبقي معناه ايه
ولما تكونى كل حاجة
وبالنسبة ليا انتى السعادة
انتى العمل وانتى العبادة
دا يبقى معناه ايه
ولما اسيب الدنيا بحالها
وآجى لعيونك ... ولجمالها
واشكى همومى واشكى حالها
دا يبقي معناه ايه
لما اعيش واموت عشانك
واتمنى اكون في بوم ربانك
واكون الحياه انا بالنسبالك
دا يبقي معناه ايه
ولما لمسة ايديكى تحيينى
ولما تكونى النور لعيونى
ولما اشيلك جوا جفونى
دا يبقي معناه ايه
ولما اكونلك انسان جديد
انسان بقلب مهوش حديد
ويوم لقاكى دا يبقي عيد
دا يبقي معناه ايه
ولما تكونى انتى الحياه
وانتى الهواء وانتى المياه
وفي عروقي انتى الدماء
دا يبقي معناه ايه
بحبك آه وانتى عارفة
وبحبى ليكى كمان حاسة
وشايفة انى بدوب انا فيكى
طيب دا يبقي معناه ايه
ولما احبك واموت انا فيكى
واموت لو فيه غيرى ف عنيكى
ولما اتوه ارجع الاقيكى
دا يبقي معناه ايه
لما للحياه تكونى سببي
وفي السماء تكونى قمرى
وفي الدنيا انتى تكونى قدرى
دا يبقي معناه ايه
دا يبقي معناه ايه
معناه اقولك انا عليه
بحبك يا حبيبتي
يا ...........
عاوز رأيكم بصراحه يا جماعة كنت متردد
فى الكتابه
يعنى هييجى منى شاعر بعد كاااااااااااام سنه ؟
ههههههههههه

استاذ عماد
كلمات جميلة و مشاعر رائعة
و ننتظر راى النقاد فكلامهم الفيصل
لكنها عاجبانى اوى

محاوله لاصطياد قصيدة يا عماد جيدة
و ننتظر الأجمل دائما منك

الاستاذ الحبيب
عماد عبد السلام
انت بداخلك شاعر ولديك افكار ولديك المقدره على كتابة القصيده
وتمتلك اكثر من 70% من مقومات الكتابه .لا ينقصك إلا :
الدراسه لعلم العروض وهو علم التفعيله والبحور ثم كثرة التواجد
والالتحام والاستماع والقراءه . وهى اشياء سهله وبسيطه تكتسبها
بمرور الوقت . قصيده بها فكر وانت شاعر جميل ونتمنى ان نرى
المزيد من اعمالك . وارجو ان تتقبل مرورى وتتقبل كلماتى ...

الاستاذ..عماد عبد السلام

هي كلمات جميله وموضوع جميل

إلا من بعض الهنات ومتهيألى

لو قعدت معاها مرة أخرى

بجد هتبقى هايله

ومعناها أحسن

تحياتى وتقديرى [b] afro

كأنما اراد الله ( جل جلاله ) لأستاذي الكبير / عادل عوض أن يكون له فضل السبق فيما كنت أجهز نفسي لكتابته حول هذه المحاولة التي تنبيء عن شاعر واعد .
ومن هنا لن أضيف غير رجائي في أن تحرص أخي العزيز/ عماد عبد السلام على أن تضع ما تفضل به جراح الحرف ، الشاعر الناقد / عادل نصب عينيك ؛ لنفاسته وصدقه وجديته ورقيه ؛ فحين يظفر المبتديء بتوجيه الفذ يكون قد وقع على منجم مليء بالفرائد ، ومنبع لا ينضب من الخبرة .
فتكن قراءة الشعر فصيحا وعاميا ديدنك الذي لايفارقك .
وتقبل التحية والعرفان .

الصديق عماد عبد السلام

تعرف انة لى عم اسمة عبد السلام

وتعرف انة ابنة(اللى هوة ابن عمى)

اسمة عماد...وبكدة انت من النهاردة

عماد ابن عمى...وعلشان كدة انا هكون

موالى ليك اوى وااقولك قصديتك التجريبية

جميلة

ودا يبقي معناه ايه؟؟

ممدوح عزت ابن عم عماد عبد السلام[b]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
الاستاذ الكبير الفاضل المتالق في سماء الابداع الشاعر عماد عبد السلام
تحية الاسلام
جزاك الله جنة الفردوس الاعلى التي اعدت للمتقين
نفع الله بك الاسلام والمسلمين وادامك ذخرا لمنبرنا الشامخ شموخ
ارز لبنان
ان كل مفردات ثقافتي لا تفيك حقك من الشكر والاجلال والتقدير
لك مني عاطر التحية واطيب المنى
دمت بحفظ المولى

موضوع: رد: معناه أيه ؟ الخميس يوليو 23, 2009 10:27 pm

السلام عليكم .. مجرد رأي
الاستاذ / عماد
تحياتي وتقديري

اليك

والي كلماتك النابعة من قلبك

واقولك الحق

هذا المنتدي ومن فيه من اعلام الشعر

فارد علينا جناحاته

بطيب خاطر

والكل هنا بيتعامل بمحبة واخلاص

في النصيحة والتوجيه

فهي فرصة طيبة ان نطرح محاولاتنا

وننتظر التقييم , والتعليق , والتوجيه

وصدقني احنا المستفيدين ان كنا غاويين نتعلم

كلامك رائع

واتمني لك المزيد من التوفيق

تقبل مروري

ولك كل الشكر

وللجميع تحياتي