متبصليش

الله عليكي يا أخت عزة
الجمال بيزيد معزّة
والدلال مولود كمال
والصفات الحلوة فيكي
إنك انتي حاسة بيها
واثقة انك تغلبيها
باللي فات منك هقولك
غصب عني هبص ليكي

عاطف الجندى كتب:

راح أبص لك و أجنها
ماهى خلاص إطمنت
لما شافتنى مايل لها
و بقيت أنا العادى و هى بتفتكر
إن الجمال فيها يغلى قدرها
مع أنى أول مشترى
و موش بافترى
لما أقول إنى ندهت
الطير يغازل عشها
و الشمس تفتح ليها طاقة
و جوا نورها تحطها
من قال لها
غيرى أنا
مليون قصيدة ف حبها ؟!
نسيت خلاص و أنا نسيت
و لمحت طيفك حن لى
نظرة عينك ِ و بسمة الشفة
و رقة كلمتك
عقدوا لسانى
ندهت لك
موش ذنبى إنك صاحبه ليها
ده غصب عنى ميلت لك
فبلاش كلامك يفتح السكة
اللى تبعد قلبنا و تحط ما بينا
حدود و تحط فوقها جدار و سِلكْ
دا انتى اللى ساكنة إيجار قديم
فى القلب و اتحول لِملكْ
********
من وحى قصيدتك أيتها الرائعة

ما شاء الله
رائع
جميل جدا أن نتدرب على أن يكون حوارنا شعرا
حياك الله أخي عاطف

الأستاذ كتب:

عاطف الجندى كتب:

راح أبص لك و أجنها
ماهى خلاص إطمنت
لما شافتنى مايل لها
و بقيت أنا العادى و هى بتفتكر
إن الجمال فيها يغلى قدرها
مع أنى أول مشترى
و موش بافترى
لما أقول إنى ندهت
الطير يغازل عشها
و الشمس تفتح ليها طاقة
و جوا نورها تحطها
من قال لها
غيرى أنا
مليون قصيدة ف حبها ؟!
نسيت خلاص و أنا نسيت
و لمحت طيفك حن لى
نظرة عينك ِ و بسمة الشفة
و رقة كلمتك
عقدوا لسانى
ندهت لك
موش ذنبى إنك صاحبه ليها
ده غصب عنى ميلت لك
فبلاش كلامك يفتح السكة
اللى تبعد قلبنا و تحط ما بينا
حدود و تحط فوقها جدار و سِلكْ
دا انتى اللى ساكنة إيجار قديم
فى القلب و اتحول لِملكْ
********
من وحى قصيدتك أيتها الرائعة

ما شاء الله
رائع
جميل جدا أن نتدرب على أن يكون حوارنا شعرا
حياك الله أخي عاطف

الاستاذ المبدع
والله انت اللى جميل جدا
وفنان قوى وعندك حس عالى
وحقيقى شرفنا حضورك المضيئ
اشكرك اخى المبدع الرائع
تقبل تحياتى وتقديرى لشخصك النبيل
عزه الزرقانى

الشاعره الرقيقه /الاستاذه عزه الزرقانى
ماتبصليش وتجنها
ما انا اصلى احلى منها
انا كلمه يوم مانطقتها
هزت كيانها وقلبها
مما انااصلى اكتر منها
بعشق واحبك ضعفها
وانا غصب عنى هقولها
انك راجعلى وسبتها
..........
اهوه بنحاول نجارى الفطاحل اللى فى المنتدى
استاذتى الرقيقه من اجمل ماقرات كانت قصيدك الغاليه
ولو انى شاعر
خبير وبفهم ف المشاعر
بس الكلام
بيدوم قوام
قدام قصيده سمعتها
او كلمه حلوه شفتها
....تقبلى مرورى
دمتى بكل خير

الشاعرة عزة الزرقانى كتب:

متبصليش

متبصليش وتجنها

والغيره تاكل قلبها

وانا مش معاك

ولا ضدها

ولا قادره اقول

غير انها

ف عنيها باين

عشقها

طب ليه بتنكر

حبها

مع انها ضحت بزهرة

عمرها

عشان تكون ف يوم لها

دلوقت جى تقول لها

زمنك خلاص راح وانتهى

طب ايه ح يفضل بعدها

غير قلب ضايع زيها

فكرك ح تلقى معاه هنا

وناسى طبعا ان انا

صعب ان اكسر قلبها

لو حتى جيت لى قبلها

الغدر فيك مش طبعها

وان كان دا طبعك

ايه ذنبى اطاوعك

واكون وسيله لدمعها

واسرق ب ايدى فرحها

وادفع ضريبة جرحها

متبصليش وتجنها

متبصليش

عزه الزرقانى

********************

استحالة ..
تبقى عزة اللى عارفها ..
تكسر القلب اللى عايش ..
فى امان وباى حاله ..
انى اشوف عزة بعنيه ..
تخطف الزوج من مراته ...
او تهد بيت دى استحاله ..
هى دى القيمة اللى فيكى ..
والمثل الغاليه فيكى ..
وافتراض ان اللى عايزك
تخطفيه من مراته ..
هى ديا الاستحاله ..
محمود عبد الحليم