ماينفعش..

و عليه النعمة لو أعرف كده لقلت
أنا اللى همشى
ههههههههههههه
بس تكتبى وحده و هارجع
الله عليكى يا عزة
تأثرك بالأحداث رائع جدا و يلهمك بقصائد رائعة
تحية لك و لأخى الكبير و الحبيب محمود

عادل عوض سند كتب:

الله عليكى يا عزه وعلى جمال إبداعك الرومانسى
انتى رائعه فى الاعمال العاطفيه والاجتماعيه وبصمه لا تتكرر
برافو يا عزه قصيده ربما عند سماعها لم اجد هذه المتعه ولكنى وجدتها
عندما قراتها لان جو الندوات غير جو المنتدى .
تسلم إيدك يا جميل على هذه القصيده الجميله .
كل الود والتقدير لشخصك الحانى ...

وبصراحه الاستاذ محمود يستاهل هذا الاهداء

الاستاذ عادل سند
مش قادر ه اوصف احساسى
بكلامك وخيالك الماسى
علطول تملى مقدرنى
و جمايلك طبعا على راسى
اشكرك شاعر مصر
دلوقت وكل عصر
عزه الزرقانى

بنت النيل كتب:

جميلة يا استاذة عزة
بس الخوف ان كل واحد بعد كده يقول
همشى عشان حد يكتب فيه قصيده
أنا مبسوطه من شغلك قوى

بنت النيل
ولاهى انتى اللى الجميله
وانا اخدت شويه منك
لما عيونك طلت على قصيدتى
ومتخافيش مش اى حد بنهدى له قصيده
الا الغاليين فقط على فكره انتى كمان
من الغاليين ومن الحلوين
يابنت النيل
عزه الزرقانى

محمود عبد الحليم كتب:

ياعزة نفسى ياوجودى ..
ياأجمل غنوه غنيتها على عودى ..
يانسمه فى الوجود ساريه ..
وبتقول للحياة جودى ..
بلحظة حب تجمعنا ..
وأوفى ليها بوعودى ..

أنا ياعزة مش ممكن ..
أعوض قلبك الحانى ..
دا انتى الشعر والمغنى ..
وانتى كل الحانى ..
وانتى النبض فى قلبى ..
وانتى النور فى وجدانى ..
حقيقى قلبى مش قادر ..
يواجه قلبك الحنان ..
ولا قادر على وصفك ..
يانعمة ربنا الرحمن ..

حقيقى لو حقول شكرا ..
حاكون بالشكر دا كداب ..
لانك جزء من ذاتى ..
وانتى اقرب الأحباب ..
وانتى المعنى والمبنى ..
سما صافيه مافيها سحاب ..
ولا دخان ولاأغيار ..
يادنيا سحرها جذاب ..
نخلينى أعيش ليها ..
بدون ماسأل عن الأسباب ..

(محمود عبد الحليم )

الاستاذ محمود عبد الحليم
انا اللى لازم اشكرك كتير كتير
على تلبيتك لطلببى
وعلى اكتشافى حاجه
مهمه جدا وهى انى غاليه
عندك اوى جدا
اشكرك استاذى وسعدت بردك
وكلامك الجميل ورجوعك الاجمل
تحياتى وتقديرى لشحصك الكريم
عزه الزرقانى

عماد حمدى كتب:

أنا سعيد بوجودى بين
شعراء كبار
بصراحة استمتعت جدا بشعرهم

الاستاذ.عماد حمدى
كل الحب والتقديرلك
بتنويرك صفحتى
ولو كنت استمتعت بشعرنا
احنا كمان استمتعنا بوجودك
وسطنا
ورايك فينا وشعرنا
نورت الدنياواهلا بيك فى منتداك
عزه الزرقانى

وحيد وصفى كتب:

من وقت للتانى نلاقى عم محمود بيختبر
مكانته فى القلوب ، بس المره دى
الشوطه جت جون
و انتى يا وزه طلعتى أجدع من ابو تريكه

الاستاذ وحيد وصفى
بجد انا مبسوطه بكلامك ده
قوى
بس انا لو كنت شويطه
وطلعت اجدع من ابوتريكه
يبقى عشان انا بينكم
زراعتلكم
جنابن حب ع الحيطه
اشكر مرورك ايها الرائع
الوفى جدا لمن تحب
عزه الزرقانى

الله الله الله أيه الجمال دة والموسيقى الجميلة والله أنت محصلتيش وفعلا مينفعش اللى أنت بتعملية فينا بأبداعاتك دى يعنى كدة أحنا محتاجين واحدة تانية عشان مشقادرين نبعد عن شعرك الجميل يا جميلة القلب والملامح

رشا فؤاد كتب:

الله الله الله أيه الجمال دة والموسيقى الجميلة والله أنت محصلتيش وفعلا مينفعش اللى أنت بتعملية فينا بأبداعاتك دى يعنى كدة أحنا محتاجين واحدة تانية عشان مشقادرين نبعد عن شعرك الجميل يا جميلة القلب والملامح

العسوله..رشا فؤاد
انا مش حاقولك شكرا
على تعليقك الجميل
على الاغنيه بتاعتى
الحقيقه يارشا انا عايزه اشكرك
مره تانيه على قصيدتك الرائعه
اشكرك يا امر واشكر مرورك
الذى انار صفحتى
عزه الزرقانى

عبد الله علام كتب:

أستاذة عزة
لك قصائدك الجميلة التى تعرفت عليها من المنتدى
و بصراحة رائعة جدا جدا جدا
انا بدور على اعمالك دائما

الاستاذ عبدعلام
بصراحه انت اللى رائع جدا
لانك عندك حس عالى
ومتذوق للكلمه
وانا بصراحه بستنى
تعليقك
دمت لى
واشكر مرورك المضيئ
عزه الزرقانى

وداد الهوارى كتب:

الرائعة الشاعرة / عزة الزرقانى

عم محمود فور دمنا ونرفزنا وإحنا بنتحايل عليه

ولوكنا عارفين أنه حنين قوى كده !!

ماكناش تعبنا نفسنا وكنا طلبنا من الأول إنك ترجعيه بأغنيتك

الرقيقة ياعزة ياقمر .. علشان أما أقول .. تبقى تصدقينى :

كـــــــــــــيد النســـــا .. دا كــــــــيد

أمــــــــر الوحـــــــوش .. تركـــــع

حـــــوَّل ســـــــيادها ...... عـــــــــبيد

خــــــللى الرجــــــــــال .. تدَمـــــــــــع



وداد الهــــــــــــــــوارى

الرائعه وداد الهوارى
وليه سمتيه كيد نسا
ليه متقوليش دا كله حب
بس يمكن زاد شويه
عن اى حب
ماهو لو تشوفى
كاتبلى ايه
بعد المحايله طبعا عليه
هتقولى ياه دا يستاهل كتير
وكل اللى قولته فعلا قليل
وهوه يستاهل حقيقى
كل خير
وانا بشكرك طبعا كتير
دا انتى الحب كله
والقلب الكبير
وانا ارفض يكون لى بديل
غير حبك ياعطر جميل
يفرحنا
كما حالف مايجرحنا
اشكرك ايها الرائعه
ودمت لى والحقيقه للجميع
محبه ومخلصه ووافيه يازهره بريه
بحبك موت
عزه الزرقانى

بنت النيل كتب:

جميلة يا استاذة عزة
بس الخوف ان كل واحد بعد كده يقول
همشى عشان حد يكتب فيه قصيده
أنا مبسوطه من شغلك قوى

مش مشكله ياقمر

المهم ان الكل يتصالح

دمتِ بخير