قصة شعب

موضوع: قصة شعب الخميس مايو 28, 2009 1:06 pm

قبل الحرب دي كنا ف نار
شابة وقايدة ف ليل ونهار

طايلة الكل كبار وصغار
أه من ذلك يا استعمار

لاستنزاف أخد الحلوين
نبضك ، روحك ، يا أم النيل

بس ولاد أبطال عاشقين
يوم النصر على الكفار

زرعوا الأرض حبوب النار
شبت ، طلعت ، ع الأسوار

ترقى وتعلى بكلمة " مصر "
رغم ما زعموا عن الأخطار

وهبوا الدم ونبض فؤادهم
علشان تفضل حرة بلادهم

نسيوا حياتهم خلوا إيمانهم
هو القائد ف المشوار

جيشنا الباسل أثبت إنه
أقوى جيوش العالم كله

لما اتمكن فجر غله
الصهيوني وغيره انهار

موه مرة وعشرة ومية
مرة برقصة أو أُغنية

آخر مرة دي كانت هية
شعلة وصارت بركان نار

أقوى خطوط العالم قال لي
الأسطورة انهارت يا ابني

الخراطيم انتقمت مني
آه م المصري أبو الأفكار

الإعصار الجوي عملها
ضرب الضربة وخلاّ رجالها

تعبر ، تبني ، تشق قنالها
وتبدأ حلم النور بالنار

قبل ده كله المولى أهو سخر
أرض ، وبحر ، وطير بيكبر

علشان شافوا ملايكة بتعبر
نصر الله كان لينا وصار

أحمر، أبيض، أسود ، رفرف
شايفه بيرقص قبل ما هفهف

قصدي بينشد لأء ده بيهتف
رجعت سيناء وخدنا التار

وأما نحتنا تاريخنا بايدنا
دبت نفس الروح ف ولادنا

كبرت ويا العمر وخضنا
أقوى معارك للإعمار

اتحدينا الصحرا الصفرا
بعد جفافها ، دي صارت خضرا

تشفي القلب وتزرع بكرة
ريحه وطعم ولون أزهار

شرق وغرب بلدنا بنينا
جامعة ومصنع لأجل وادينا

يحيا وتحيا معاه أمانينا
حتى صعدنا مع الأقمار

قبل ووقت وبعد الحرب
ذكرى ف دم الجيش والشعب

عايشة وعايش بيها الدرب
مش هتفارق أهل الدار

أمين عثمان

موضوع: رد: قصة شعب السبت مايو 30, 2009 10:06 am

الشاعر الصديق أميييييييين
الله عليك
قصيدة جميلة
معبرة
و رائعة

موضوع: رد: قصة شعب السبت مايو 30, 2009 11:03 am

اى جمال يخلى شاعر يفرض نفسه على شعراء المنتدى بخمس قصائد مره او اكتر
انا مش عارف اى متعه انى اقرا قصيدة لشاعر حاسس انه بيحرم غيره الوجود
بجد حتى لو كاتب قرآن مش شعر لايمكن يقبل من فرضه بهذه الكيفيه
اسف احنا مش بنصادر حد ومانحبش اى انسان انه يصادر حق النشر فى المنتدى للآخرين
ايه معنى ان الصفحه الرئيسيه يكون عليها خمس قصايد لامين عثمان وخمسه
لخيل ابراهيم
اسف ياعم عاطف ممكن نعتذر ونسيب المنتدى للناس دى عشان مايبقاش على المنتدى غيرههم وخلاص

موضوع: رد: قصة شعب السبت مايو 30, 2009 5:45 pm

الاستاذ الشاعر
امين عثمان
ملحمة اكتوبر ملحمه قلما يجود بها الزمن مرة اخرى
واصبحت تدرس فى المدارس والكليات العسكريه لا
لكونها اربكت العدو فى ساعات قليله ولكنها معجزه
حربيه اعجزت عقول العسكريين فى انحاء العالم .
جميل ما خطت يداك وتقبل ودى وتقديرى ...

موضوع: رد: قصة شعب الجمعة يونيو 05, 2009 5:05 pm

شكرا استاذ عادل عوض
على مرورك الجميل
بصفحاتى
مع خالص تحياتى لك

أمين عثمان

موضوع: رد: قصة شعب الجمعة يونيو 05, 2009 5:08 pm

الله على مرورك
الرئع
اخى الحبيب
القريب الى قلبى الاستاذ عاطف الجندى king

موضوع: رد: قصة شعب الجمعة يونيو 05, 2009 6:57 pm

حلوة القصيدة أستاذ امين
مفيش أجمل من كده