إمى

مابقتش الدنيا يا إمى
الهم اللى يبكينى
وإن قلمى ح يكتب آلمى
حبر الدنيا ما يكفينى
دبلان ف الورد ربيعه
كل الأغصان بتبيعه
والحزن ال ف تقاطيعه
حط على سنينه سنينى
وإن قلمى ح يكتب آلمى
صبر الدنيا ما يكفينى
يا زمان القلب الطيب
مشتاقه يا إمى بجد
دى عيونك لما تطبطب
ف البرد يروح البرد
دلوقتى الدفأ سقعان
والعمر كمان بردان
مين بعدك يدى حنان
ولا حد يمد اليد
لو مره الشمس تغيب
ويموت الكون حواليها
مش فارقه معايا يا إمى
من غيرك أبكى عليها
طبطبتى وشلتى الهم
ورسمتى خطوط الحلم
الفاتحه يا أطيب أم
يا دموعى يا ريت تجبيها

الفاتحه يا أطيب أم
يا دموعى يا ريت تجبيها
_______
سيدتى الرائعة ..
صدقينى .. بكيت هنا
رحمها الله تعالى
وأطال عمرك أيتها الوفية

الأخت الشاعرة حنان
و من غير الأم نكتب لها مثل هذا الجمال
تحياتى
الاخ الفاضل أمين
فعلا عندك حق مافيش حد قبلها ولا بعدها
رحم الله إمى وجميع امهات المسلمين
وشكرا على مرورك الكريم

الأخت الرائعة حنان
رحم الله من توفى من أمهاتنا و أكرم الأحياء منهن
فالأم لا يوفيها حق كلام و مهما نفعل و نقول سيكون كلامنا قليلا عليها
كتبت فأبدعت أختنا الشاعرة الرائعة
مودتي و تقديري
الاستاذ الرائع عاطف
اللهم آمين يرحم من توفى ويكرم الاحياء
فالام هى كل شئ فى الدنيا فعلا
شكرا على مرورك
وتقبل تقديرى

سيدتى الرائعة ..
صدقينى .. بكيت هنا
رحمها الله تعالى
وأطال عمرك أيتها الوفية
الاستاذ الكبير ابراهيم
لو مانزلت الدموع على فراق ست الحبايب
لمن نزرفها فمن غيرها يستحق ذلك
أطال الله عمرك استاذى الفاضل
ورحم الله إمى ومن سبقوها ومن لحقوها
اللهم آمين

الاستاذه الشاعره / حنان
منّك لله . فقد هربت منك مراراّ وانتى تقولين هذه القصيده
وكنت احاول جاهداّ أن اتماسك امام هذه القصيده الرائعه
ولكن . دون جدوى وكانّك كنت تتلذّين بدموعى رغم تماسكى
والحمد لله انك لست أمامى الآن .
قصيده صاغها قلم واعى يعرف كيف يفصّل الآلام ويوزعها
علينا فنقرأها فتترجم إلى دموع . رحم الله امهاتنا واسكنهن
فسيح جنّاته .
دمتى ايها الغاليه ودام تواجدك المنير .
تقبلى تحياتى وتقديرى ...
شاعرنا المتميز والكبير عادل
شكرا على هذا الثناء الجميل من استاذ كبير
والله قد تقوقف الكلام على لسانى
شكرا على مرورك

حنان ابراهيم
لله درك من شاعرة جميلة
تكتب فى جميع الأنواع الشعرية
هنا قصيدة صادقة أحسست بها
اختك ايمان
الاخت العزيزه ايمان
اشكرك على كلماتك الرقيقه
فماأصدق الكلمات اختى الحبيبه عندما تكون اولا من القلب
ثانيا الى اغلى الغالين ست الحبايب
شكرا على مرورك

و لا الدموع و لا النحيب
حيرجعوا أغلى الحبايب
لا نواح غراب
و لا حتى غنوة عندليب
قادرين على القلب اللى دايب
بعد الغياب
ما عادش شىء له طعم تانى
الاخ وحيد
اكيد طبعا لا الدموع ولا اى شئ اخر يرجع دفا حضنها
يا ريت كنت اقدم روحى فدا رجوعهم ليا تانى
من بعدها مافيش راحه ولا حنان
اشكرك اخى الفاضل
تقبل تحياتى

بسم الله ماشاء الله على هذه القصيده
وبصراحه اجمل ما كتب عن الأم المفقوده
الله ينور عليكي وتسلم ايدك
فرعون الشباب..جمال الدليل

بسم الله ماشاء الله على هذه القصيده
وبصراحه اجمل ما كتب عن الأم المفقوده
الله ينور عليكي وتسلم ايدك
فرعون الشباب..جمال الدليل
اشكرك اخى الفاضل
هو فى حد اغلى من الام نبكى عليه
شكرا لمرورك الكريم