الذئاب .. شعر / محمود عبد الحليم

الذئاب ..
اللى لهم ميت الف ناب ..
ينهشوا لحم الشعوب ..
وينهشوا برضه الرقاب ..
والرءووس البانعة لازم ..
يقطهوها بدون حساب ..
فى العراق ..
حطموها ودمروا صدام الحسين ..
والسودان انتبهوا ليها ..
وحاكموا ريسها البشير ..
بافتعال تهمة حقيره ..
لاجل مايكون الضحية ..
الجديدة .. للأساليب النازية ..!!

سؤال ..
يا أيها السيد ..
الجالس على مقعد وثير ..
فى محكمة قهر الشعوب ..!!
مين اللى مجرم ..
مين اللى جانى ع الشعوب ..
شارون واولمرت ..
والقيادات فى اسرائيل ..!!
ولا بوش المنتشى بالانتصار ..
واللى خلا العراق .. خراب دمار ..
ولا البشير اللى حاول يحمى بلده ..
من التمرد والعقوق ..
فى دولته ..؟؟

واللى قتل ..
واللى سفك .. دم الضحايا م العرب ..
لساه طليق ..
ولا حد بيحاسبه ولا ..
بيشكلوله يوم محاكمه او عقاب ..
دا لانه صهيونى ويهودى وله نفوذ ..
فى اوروبا وغيرها من دول الظلام ..

ياسيدى ..
يا أيها الباكى على حق العرب ..
فى غزة بيموتوا الالاف ويشردوا ..
كل الاسر وبدون حدود ..
والجانى فى نظر الاوروبى قال بطل ..
وابن العرب ..
لو يوم حكم .. على اى ظالم ..
او حتى واجه للتمرد يعتقل ..
وبيحكموا عليه بأنه ..
من مجرمى الحرب الكبار
امتى عدالتك تجبرك ..
تصدر قرارك باعتقال ..
أولمرت وغيره من قيادات اسرائيل ..
ولا انت قاعد لمحاكمة القادرة العرب ..
اما اليهود مابيغلطوش ..
قولى بصحيح ..
بعد البشير .. حاتجيبوا مين ..؟؟
اصل العرب ..
فى عرفكم زى القطيع ..
يالا العجب ..!!
يالا العجب ..!!