عصر مادى

موضوع: عصر مادى السبت فبراير 21, 2009 9:52 pm

عصــر مــادي

يا عصر مادي
ماسك لي يدي
وجيت اعدي
قام قال لي لاء
قدمت واسطة
من عمي الأسطى
بجواب في بوسطة
بعتوا لي شقة

أكلت فيها
وشبعت بيها
خليت باقيها
آكله بدقـه

وف تاني يوم
باديته صوم
كمَّلـته نوم
وسط الأزقة

رجـعت أدور
عن نور منور
ورغيف مدور
شقوني شقة

لو كنت جاهل
علم ومسائـل
كنت ابقى عامل
والمهنة أرقى

رغم اني واخـد
شهادات معاهد
اديني قاعـد
مستني شفقة

مديت اديه
للخلق ديه
قاموا لطشوا فيه
ودوني زقة

مع اني ابنك
وأحمل ملامحك
وانطق باسمك
يقول لي لاء

الله يزيدك
بلاش روتينك
ناديني اجيلك
نعلا ونرقى

موضوع: رد: عصر مادى السبت فبراير 21, 2009 9:55 pm

نعم و الله كلامك تمام
أخى الغالي

موضوع: رد: عصر مادى السبت فبراير 21, 2009 11:18 pm

الموضوع : رد عـــــصر مادى

كلام جـــــــــــــــــنابك ....
يزيــــــــــــد مقــــــــــامك
ونـور ........ عــــــــــــلامك
نجــــــــوم ، وبارقــــــة
***
وقال : صـــــــــــــــاحــــــبنا
شــــــــاعر ........ حــــــــبيبنا
نقضّــــــِـى ............ يومـــــــنا
يادوب .. بشـــــــــــقة
***
خـــــــــــــــليك .. مهــــــــــــاود
وروق ، ........... وعـــــــــــــاود
وبكــــــــــــــرة .. ...... راود
الحــــــــلم .. ســـــــرقة

وداد الهـــــــــــــــوارى Question

[b][center]

موضوع: رد: عصر مادى الأحد فبراير 22, 2009 3:48 am

عزيزى الشاعر الجميل امين عثمان
قصيدة محبرة وجميله تعايش الواقع الذى يعيشه شبابنا معايشة حقيقيه
تحية لك على نص اعتز به
محمود عبد الحليم

الزميل المبدع الزجال الرائع / أمين عثمان
أحييك علي هذا الزجل الرائع

وأهديك ردي عليه
***
( أمين ) يامصري
والمصـــري
( سقـّا )

يسقـي المعانـــــــي
بـــــــــــذوق
( ورقة )

ياقلــــب طيـــــــب
باأحلـــــــي
( دقّـه )

العصر ( مــادي )
والعيشـــــــه
( زهقـّه )

والروح بتطلــــــع
ف كـــــــــل
( شهقه )

والشعــــب راضي
يــــــــــادوب
( بشقـّه )

وراضي ياكـــــــل
العيش
( بدقه )

لو يلقي .. أوضه
مايقولش
( شقـّه )

ويدقوا راســـــــه
مايقولش
( لأه )

وبدام سكتنــــــــا
ع الظــــــــلم
( حقـّه )

نستاهل احنــــــا
ولا ألـــــف
( دقة )

******************

( المـُبدع )
( أمين عثمــان )
خالـــص الإعجـــــــاب
( بالزجل )

وخالص
( الشكــــــر )
علي
( الإلهـام )

زينات القليوبي

موضوع: رد: عصر مادى الثلاثاء فبراير 24, 2009 8:41 am

ياعم اصبــــــــــــــر
ح تروق وتحـــــــــلا

وبكره { يمكـــــن }
ف الطعم احـــــــــلا

من نص قـــــــــرن
عايشين فى محنــــه

واللى يجنّــــــــــــك
يقولوااحــــــــــــــنا

عددنا كتـــــــــــــره
سبّب فى محنــــــــه

وهمّــــــا اللـــــــــى
سيفهم دابحنــــــــــــا