كنت ناوي

كنت ناوي
كنت ناوي ارجع واقولك
متزعليش
كل اللي بينا كلام
حبة خصام
تبات في نار
تصبح مفيش
بس يا خسارة
فتحت باب الشقة
بنده
مردتيش
ملقيتش غير الضلمة
ما سكة في الحيطان
قاطعة الستاير
والمفارش والبيبان
ومفيش
حد بيرد الندا
ختي الفرح يا ام العيال
ختي الونس ختي الجمال
مخلتيش
ومسيبتليش
غير بس حبة ذكريات
ع الانترية في السفرة
في المطبخ
وجنب النيش
ازاي ابات مع ذكريات قلبين
وفجاة
اصبحوا واحد
واحد انا رافض يعيش
اههههههههه
الاقيش
معاك يا صبر حاجة للوجع
عقلي اتجزع
قلبي انخلع
ولا انت راخر يا جدع
ناوي تمزع جرحي بالخرابيش
وان كنت ناوي
او تكون مناويش
خلصان
وجايلك مستوي
م الحزن بايت مكتوي
ع اللي مشي
فجاة ولا
قاليش
كان بس يستنى دانا
دانا كنت ناوي لما اشوفه اجرى واقوله
يا حبيبي
كل بينا كلام
حبة خصام
تبات في نار
تصبح مفيش
list][*][/list]