اعتبري دا العادى

لو جيت ف يوم وخرست اعتبري دا العادي
وامشي ف جنازة الضحك ويايا
وياريت متتخضيش
لو قلت لك تنسي
شكل الغريب الجن جوايا

.....
انا اصلي شفت كتير
ولا شفت شئ يرضي
إتشفرت مشاوير
ورموها عن ارضي
من امتي كان الطير
رافض يكون عرضي
غير لما جن النور
وإتعزع المحتاج
معلش يا صبية أسف علي الإزعاج
دا مطب مش موقوت
اصل النقط بتموت
والحرف مهما يفوت
ع المعنى مش مقبول
وطن الندي مفصول
والسلطة مفصولة
ايه اللي خلا الغول
في المرتبة الأولي
دا أحنا اتولدنا كبار
وشنابنا ساندانا
وإزاي نلاقي نهار
والعتمة مدانا
قالوا الطريق انهار
وبكسرته ادانا
وعشان كدا المجاريح
قد الوطن
بالظبط

اخي الرائع عماد عبدالحكيم حاولت ان ارد شعرا ولكنني عجزت ... وهنا اقول ان الصمت في حرم الجمال جمال

أخي الكريم الشاعر / أحمد عبد العزيز
كيف لي أن أعلق علي كرمك أخي
دام تواجدك أخي
لتزيد من بهاء المكان