عن مصر اتحدث

عن مصر اتحدث

مين اللى قال مفكيش ترف
مين اللى قال مفكيش هنا
دانتى الضحيه مش انا
انتى اللى كبرتى الولد
وزرعتى فيه معنى الجلد
قام لما شبت طرحته
هجرك وناسي انه الضنا
مزروعه فيه حب الانا
يبعد يهاجر بالسنين
وانتى بطيبتك تحزنى
عطشانه شوق وبتغرقي
نفسك فى قلب يقدرك
بسلامته راجع بالجحود بنظره قرف
يهدر كرامتك عالحدود قال ايه خلاص مفكيش ترف
مين اللى عطش رملها
مين اللى جفف نهرها وبهجره موت طميها
اللى فطفولته رضع حنان
واما طرح ضلل على ارض الجيران
وترك بلاده مقبره لاخر الزمان
لما يشيخ عاوز يموت ويندفن
ازاى يكون فيها هنا
وانت هاجرها مش هنا
حبت صباك وروت بدمها طرحتك
طالبه رضاك كل مناها محبتك
وانت بجحودك قتلتها
وراجع تقول مفيهاش ترف
جتك القرف
كلمات محمد بديوى
مع الاعتذار للشاعر الكبير هشام الجخ

طارق منيب كتب:

جميلة جداً ياأستاذ محمد

وإن كنت لم أقرأ قصيدة هشام "الكخ"

لاستهزاءه بالدين من قبل

ويمكن توارد خواطر إن إحنا كتبنا هن مصر في وقت واحد

الاستاذ هشام قال
ﻻشفنا فيكى هنا
وﻻ شفنا فيكى ترف
كل اللى فيكى قرف
كرامتنا متهانه واللقمه باهانه
بتخلفينا ليه لما انتى كرهانا
لكن انا اعشق سيره نسيم مصر
اهوى ماضيها واتمنى تغير حاضرها
لتستحق مستقبل اكثر اشراقا
وانا عن نفسي شايف اننا ظلمناها مش هى اللى ظلمتنا
عموما شكرا لمرورك المشرف استاذ طارق

احيانا لا يكون القرار من مرار الواقع امر اختياري فللبشر طاقات ويتحمل احدهم ما لا يتحمل الاخر وبالنسبة للقصيدة فهي ممتعة حقا واصابت كبد الحقيقة الا ان الحقيقة احيانا لا تكون واحدة ولكن تتعدد باختلاف منظور الرائي.

دمت بكل ود

احمد عبدالعزيز كتب:

احيانا لا يكون القرار من مرار الواقع امر اختياري فللبشر طاقات ويتحمل احدهم ما لا يتحمل الاخر وبالنسبة للقصيدة فهي ممتعة حقا واصابت كبد الحقيقة الا ان الحقيقة احيانا لا تكون واحدة ولكن تتعدد باختلاف منظور الرائي.

دمت بكل ود

استاذ احمد
الحقيقه اننا نهوى التنصل من الحقيقه
دمت بخير
ولى عظيم الشرف بمرورك العطر