خـــيال منـــــــــــــّي

خيـال مـنــــــــــّي
...............................
قالولي العشق سيل جارف
وانا خايف
أخطّي بقلبي فـ حدودك
ليجرفني
واتوه من نظره فـ عيونك
والاقي الرّمش كتّفني
ويدبحني
واخاف من روحي تلمحني
وتتكسّر قصاد عيني
ودا همّي
تخطّي عليها ماتسّمي
ماتهتمّي
وتنزل نقطه من دمّي
تعاتبني
تدوّب فيّا إحساسي
وتصلبني
تحاكمني كرامة روح...
تنزّ جروح .وتجلدني
وادور جوّه تكويني
أشوف حاجه تطيّبني
ما لاقي بسّ غير دمعة
تفوت عـ الخدّ وتسيبني
وتتعبني..
آهات من قلبي مدبوحه
وصوتها العالي. يطربني
أشيل الصّبر فوق ضهري
واقوم اجري
عشان الحق سنين عمري
الاقي العمر متسرسب علي اعتابك
وكلّ الباقي فـ وجودي.....
خيال مني

أستاذي الشاعر / رضا فايد
هكذا الشعر والا فلا
قصيدة بديعة
وموسيقي خلابة
عمل ولا أروع
أتمني أن أقرأ قريبا لك

دام الابداع يا شاعر
ايه الجمال ده

مفتقدك ومفتقد بهاء شعرك اخي الشاعر

دمت بكل ود ودام ابداعك

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم

له بهذه الطريقة!

في أنتظار معاودة نشاطكم مرة أخرى

أخوكم

طارق منيب