ومات حبيشة

ومات حبيشة
...................
ومات حبيشة
ومات معاه
حلم الغلابة المقهورين
أحلام سنين
مكتوب علينا
نندفن وسط الشوارع
تنهدم فوقنا البيوت
مكتوب علينا
كل ساعة
ف انتظار
مركب نجاة
تخطف قلوبنا
من وسط موت
والموت حقيقي حلمنا
قدام عنينا
مليون حبيشة
ومات حبيشة
وقد يكون موته السبب
نتلم تاني ف حضنها
نرجع بسرعة نقولها
سامحينا ياأمه
احنا السبب
احنا العواجز
رضينا ياما بالقدر
بنموت كتير
ونحس ياما بالخطر
وبرغم عيشة الصحاري
كارهين نزولك يامطر
أصل العروق متششقة
كل الحيطان متخرقه
من طلق بارود الجناة
من كل أعداء الحياة
اااااااااااااااااااااه وألف اه
يابلاد غريبة ف أرضها
ياعيال بتكره بعضها
ياادين بتنكر للجميل
بتعض ياما ف بعضها
رغم المرار
ما أقدرشي أنكر
إني واحد منها
أنا ابنها
أخ لحبيشة
حقه ف رقبتي
ومن النهاردة
مافيش سكوت
مافيش سكوت
.........................
شاعر الإحساس
عبدالتواب الرفاعي

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم له بهذه الطريقة!

في أنتظار معاودة نشاطكم مرة أخرى

أخوكم

طارق منيب