طوق النجاة مرتجلة

فوقوا الخطر أصبح قريب

والمجرمين مالهمش صاحب أو حبيب

ميهمهمش إنك معاهم

المهم إن المعالم والهوية للغريب

زى القطيع تسمع تطيع

وتسبح الليل والنهار زى الجميع

باسم اللى قالوا ربهم

من طلته يجى الربيع

واللى جماله سمسمة والصوت

يدفى فى الصقيع

حتى الحريم بيموتوا فيه

حبلا بنجمه تقولوا إيه

أما البنات قالوا عليه

العندليب

بيغنى واللحن بوتر

من دم شعب المظلومين

أصل الحقيقة أننا قدام سيادته

فرقتين

فرقة بترقص ع الهوس

والدم سايل ع الجبين

والثانية واقفة ع الطريق

رافعة العلم هو الصديق

والحق مخفى بالحريق

مبيعرفوش غير السلام

والركعة بتنجى الغريق

يا شعب حس بأزمتك

شوف التاريخ بقا قصتك

فيه شعب زيك ف الوجود

دا ملكش زى

الدم غرق ناصيتك

ومسبش حى

وانت بتخرج تنتخب

وملكش ضى

واحد على جثث الشباب

ويا الصبايا بيترسم

واللحم نى

سلمت لحمك للدياب

ورضيت بدستور الخراب

لو شفت من هما اللى راحوا

دول مسكهم بالعطر فاحو

لما أتحرق جسم الضحايا

بالجوامع وانتهك حق الكتاب

يوم مااتقفل بيت ربنا

الفتح حتى اليوم حزين

رمسيس من الأجرام سجين

أعلا مأذن ف الوجود

محرومة من صوت الأذان

شفت اللى كان

يوم المنصة والحرس

يوم فض ميدان الصلاة

بدعا وتضرع للأله

طوق النجاة

مرحمش دم المجروحين

ولاطفل معدوم المعين

وكأنه كان يوم الحساب

كشف اللى كان حقده الدفين

قتل الأحبة الساجدين

وكأنه عمره ماكان له دين

لكن خلاص

يوم الخلاص قرب

وحق المجروحين هايعود

وحق المقهورين زى النجوم

ف سماها بالنور تبتدى

يوم النجاح

ولمصر ترجع غنوتك

ويعود صلاح

أنين موجع ممزق يحمل الكثير من الحقائق
ولكن دعنا نأمل خير
فعسي أن يهدى الله حيا .. من قبل أن يأتى الممات
أما عن القصيدة الرائعه
فهى أقوى من أن تكن ارتجالا
أسجل إعجابى هنا بجرأة وصدق الشاعر
وقوة العمل
فتقبل إحترامى وإعجابى أيها الشاعر النبيل

[quote="أحمد عطا

أنين موجع ممزق يحمل الكثير من الحقائق
ولكن دعنا نأمل خير
فعسي أن يهدى الله حيا .. من قبل أن يأتى الممات
أما عن القصيدة الرائعه
فهى أقوى من أن تكن ارتجالا
أسجل إعجابى هنا بجرأة وصدق الشاعر
وقوة العمل
فتقبل إحترامى وإعجابى أيها الشاعر النبيل

الشاعر الجميل أحمد عطا

مرور مميز لشاعر مميز

ودائما أنتظر هذا المرور الجميل

دمت رائعا

[/quote]

» طوق النجاة
» قصيدة حب وعتاب(مرتجلة..!)