مش هاننسا

[center][b]ولو كل البلاد نسيوا ربيع الدم
ولو عاش الجميع يهتف ولا يهتم
ولو سود الكلاب نبحت على أسودها
قليل منهم هيوصل للعلا والحلم
وحق شهيدك الغالى ودم مصاب
ف قلبى صفحة ورا صفحة كأنه كتاب
مابنسا يوم ما جمعنا هتاف أرحل
ولا بنونة ودفاعه عن الأحباب
ميدان الثورة متأمم على الأوغاد
ويوم مايخشوا بحوافر تدوس أسياد
ولو شافوا رصاص الغدر ف ولادنا
وصوت الدم بيحرك خيول لجهاد
وإيه الباقى لحياتنا عبيد ونخاس ؟"
وفين الثورة يا أمة رسول الناس
هانرضى الحكم للقاتل وسجانا
وأهل الحق ف قيودهم مع الحراس
وعينى ع العبيد عاشوا على التهميش
وراضى يبيع ف حرية عشان العيش
وفاكر زى ما قالوا حلاوة الج..............ش
بإيده المن والسلوى لقى التلطيش
عفاشة بيرمى ف زبالته على النايمين
ولما بيسألوا الخاين سلاحنا منين
دى صفقة روسيا أخبرها تفرحنا
يرد سؤالها بنعومة يانور العين
شربتوا المقلب الجامد ياأهل الدار
عرفتوا بأنه أرتسكم وقال ثوار
وهم فلول على اكتافكم بيتباهوا
وبعتوا عصر حرية وليكوا العار
مكنش بيعتقل صحفى ولا مراسل
ولا حرة بتتبهدل وتتنازل
ولا طالب من اللجنة يقوم خاطفه
ويدخل سجن بلا تهمة ولا حاصل
وإيه هانقول لكل سجين ومتغيب
ف قلب الظن والتضليل ومتعيب
كفاية ضلال وراجع قلبك الغافل
لعل المولى يهدينا مع السامعين

أخي العزيز الشاعر / منصور غيضان
عمل جميل أخي
سردت أفكارك بحرفيه
رسالة واضحة الملامح
في انتظار جديدك أخي

[quote=

"عماد عبد الحكيم"]أخي العزيز الشاعر / منصور غيضان
عمل جميل أخي
سردت أفكارك بحرفيه
رسالة واضحة الملامح
في انتظار جديدك أخي

أخى الكريم الشاعر المتمكن / عماد عبد الحكيم

جزاك الله خيرا على مرورك الدائم على متصفحى

تقييم موضوعى مركز

دمت أخا






[/quote]