افرشْ وخفّفْ

افرش وخفّفْ


خفّفْ رغيف العيش لاجل الغلابه

علشان يكفّي البشر بامر السياده

تسعين جرام حلوين يا هل العباده

خايف في يوم ألقاه شكل الجراده


وافرِشْ كنوز الوطن لاجل الديابه

تنهش أراضي النيل وتقول إعاده

ممنوع عليك الطعن يا ابن الوفاده

علشان بلدنا تسير وتكون قياده

إيه يعني كم مليار لاهل السعاده

دا بلدنا فيها كنوز مليان وساده

منهوبه من ملايين والسرقه عاده

من عهد مينا وحور للست غاده

وفقير يقول للغني اكنز زياده

دا مصيرنا آخره تراب جهز شهاده

وسلام عليك يا مصر يا ام القلاده