تناتيش

كلمنجى حبيبى وجعجاعى     وكلامه مسبب اوجاعى
و كلامه تملىّ ما يساوشى   بيقولو اكيد ولا هش واعى
احكيلكو عمايله واقولهالكو وافضفض ولا مافيش داعى

بيقول انا بعمل وبخلىّ        وبايدى امرر واحلّى
والحزن بيقلب على فرحه    لو خبط بابى ودخلىّ
وبعبىّ الهوى جوه ازايز     وافضيه ساعه مانا عايز
وف تقلى بلملم فى جوايز    وف عندى بيبقى اليوم خلّى
وكلامه تملىّ ما يصفاشى     بيقولو اكيد ولا هش واعى
احكيلكو عمايله واقولهالكو  وافضفض ولا مافيش داعى

فاكر بعديه انا ما بنامشى   فاكر فى غيابه ما نيش بمشىشى
فاكر انا صبرى عليه يعنى      انه الكسبان ولوى دراعى
وكلامه تملىّ ما يصفاشى      بيقولو اكيد ولا هش واعى 
احكيلكو عمايله واقولهالكو   وافضفض ولا مافيش داعى
كلمنجى حبيبى وجعجاعى