أنتي بس اللي حبيبتي

أنتي ... أنتي

أيوه أنتي

أنتي ماما وأنتي أمي

أنتي أمه وأنتي مامتي

أنتي بس اللي

حبيبتي

أول ما سمعت

سمعت قلبك

أول ما شفت

شفت حضنك

أول ما قلت

قلت أسمك

أسمك أنتي يا حبيبتي

اللي بينا ما كانش سري

اللي بينا حبل سري

دق قلبي وفرح عمري

حكاوي بدايتي ونهايتي

مش حبل واحد ألف حبل

اللي بينا ضمير وعقل

جوه مني لسه طفل

رغم ضعفي ورغم شيبتي

أسأليني يا حبيبتي

عاملة أيه فيا السنين

أحكي ليكي ألف قصة

من حكاوي الحيرانين

اللي تايب واللي دايب

واللي تايه من سنين

دي زميلتي وديا جارتي

بنتي اختي مراتي خالتي

كل اللي حب حبيب وفارق

واللي سكران وهو فايق

واللي خان واللي هان

واللي عاتب واللي ضايق

الا انتي لا فارقتي

ولا عاتبتي

ولا اضايقتي

حب عايش مانتهاش

ماتنساش

كل اللي حبيته فارق

كل اللي حنيت ليه ماجاش

الا انتي

قلبي ليكي لسه عاشق

يوم ماكان لسه جنين

هي دي بدايتي ونهايتي

هي دي حكاية حكايتي

هي دي ياعالم حبيبتي

مهما عدت من سنين

هي ماما وهي أمي

وهي أمه وهي مامتي

هي انتي

ايوه انتي

انتي بس اللي حبيبتي .

الشاعر الحبيب / أحمد رجب معيط

يسعدني أن اكون أول المعقبين على روعتك الصادقة

اللي بينا ما كانش سري

اللي بينا حبل سري

دق قلبي وفرح عمري

نعم هذا هو الحب الذي لا يعكره شيئ

حب بدون مقابل

خالص تحياتي

عبدالعزيز المنسوب كتب:: الشاعر الحبيب / أحمد رجب معيط

يسعدني أن اكون أول المعقبين على روعتك الصادقة

اللي بينا ما كانش سري

اللي بينا حبل سري

دق قلبي وفرح عمري

نعم هذا هو الحب الذي لا يعكره شيئ

حب بدون مقابل

خالص تحياتي

اشكرك يا صديقي الشاعر الجميل عبد العزيز المنسوب

تحياتي وتقديري ومودتي

دمت مبدعا يا صديقي ..

كل كلمة تكتبها لها طعم خاص و إن كنا ننتظر منك المزيد و المزيد ..

Very Happy

اخى الشاعر
احمد رجب معيط
تسلم ايدك يا شاعر ..
مودتى وتحيتى ...

عاطف عبد العزيز الحناوي كتب:: دمت مبدعا يا صديقي ..

كل كلمة تكتبها لها طعم خاص و إن كنا ننتظر منك المزيد و المزيد ..

صديقي العزيز عاطف عبد العزيز الحناوي

الشاعر والناقد حضورك هو المميز

عادل عوض سند كتب:: اخى الشاعر
احمد رجب معيط
تسلم ايدك يا شاعر ..
مودتى وتحيتى ...

الشاعر السكندري واستاذنا عادل عوض سند
تسلم عيونك ولسانك الجميل
كل الحب والتقدير

» حبيبتي
» حبيبتي ..
» حبيبتي
» حبيبتي
» حبيبتي